◣♂التجمـــع الاول لـ الحوامـل اللي يولدون شهر ابريل (4) 2013 ♀◢

بنات
لازم ٢٠٠ صفحه
وراها تقدرون تفتحون تجمع جديد
وانتو لسى ماخلصتوا١٠٠

بنات .. خشمي كل ماله ينتفخ
وربي مو حلو شكله

اخوي قالي وش في وجهك نحف !
قلت له ع اي اساس حكمت ؟؟
قال خشمك هو الوحيد البارز .. باقي وجهك نحف

اختي قعدت تضحك .. قالت له البنت تنتفخ الحين وانت تقول وجهك نحف
عشان خشمها كبر

يا ربي .. احراج .. طالع شكل وجهي غببببببي
حتى زوجي يقول خشمك كل ماله يكبر .. حتى قالي طالعي وجهك بالمرايا

.....
عاد امس الجو خيال بالرياض امطار ربيعيه
قلت لبنت عمي راح ازورها بس كالعاده زوجي إذا عيد يصك ابوه نوووووووووم
ومايصحى الا الفجريات
مع انه هو اللي وعدني ياخذني عندها و صحيته 11 قالي أجلي بنت عمك
باخذك عند جدتي كل اهلي هناك

وانتظرته يقوم .. ما قام الا الساعه 2 و جاب ولد خالته بعدين
وللحين عندنا

مع انه وعدني بعد الفجر إذا لسا الجو غيووم بنطلع الثمامه
الحين لا ثمامه ولا تبن

تخيلوا مانمت قلت اكيد بيروح الحين اكييييييد
دخل ابو الشباب قالي سوي لنا بيض عيون و شاي احمر و جك عصير ليمون

آه أه أه يالقهر مو كفايه انه سحب علي .. ع الأقل احترمني شوي
والله كنت بدخل انام بس غباء

سلام بنات شخباركم؟؟؟

ماشاءالله الله يزيد و يبارك .. انا من يوم العيد للحين انشغلت اجازتي ط ويلة انشغلت بالهياتة

على طاري اللوعة و الوحام من نهاية الثالث راح و مارجع افتكيييت الحين احس حياتي طبيعية

بس وايد تجيني الام ببطني يقولون غازات بس مادري شنو هالشعور ابي الموعد

بسرعة يقرب ابي اتطمن ع البيبي و ابي اعرف جنسه انشالله بنية انا عكسكم مابي صبي

لان زوجي مايبي صبي خخخ لو جبت ولد حده بينظلم .. انشالله بنت عشان زوجي يتشقق من الوناسة

جوفان;16312486:
بنات
لازم 200 صفحه
وراها تقدرون تفتحون تجمع جديد
وانتو لسى ماخلصتوا100

اي صحيح .. خلاص بننتظر شوي هههههه

اقواس توفي;16312491:
بنات .. خشمي كل ماله ينتفخ
وربي مو حلو شكله

اخوي قالي وش في وجهك نحف !
قلت له ع اي اساس حكمت ؟؟
قال خشمك هو الوحيد البارز .. باقي وجهك نحف

اختي قعدت تضحك .. قالت له البنت تنتفخ الحين وانت تقول وجهك نحف
عشان خشمها كبر

يا ربي .. احراج .. طالع شكل وجهي غببببببي
حتى زوجي يقول خشمك كل ماله يكبر .. حتى قالي طالعي وجهك بالمرايا

.....
عاد امس الجو خيال بالرياض امطار ربيعيه
قلت لبنت عمي راح ازورها بس كالعاده زوجي إذا عيد يصك ابوه نوووووووووم
ومايصحى الا الفجريات
مع انه هو اللي وعدني ياخذني عندها و صحيته 11 قالي أجلي بنت عمك
باخذك عند جدتي كل اهلي هناك

وانتظرته يقوم .. ما قام الا الساعه 2 و جاب ولد خالته بعدين
وللحين عندنا

مع انه وعدني بعد الفجر إذا لسا الجو غيووم بنطلع الثمامه
الحين لا ثمامه ولا تبن

تخيلوا مانمت قلت اكيد بيروح الحين اكييييييد
دخل ابو الشباب قالي سوي لنا بيض عيون و شاي احمر و جك عصير ليمون

آه أه أه يالقهر مو كفايه انه سحب علي .. ع الأقل احترمني شوي
والله كنت بدخل انام بس غباء

طولي بالج اقواس مو زين عليج القهر و النكد ..
ميخالف ترى كل الرجال هيجي يوعدون و مايووفون .. و كلام الليل يمحيه النهار ياختي
و ترى خشمج عادي .. و اذا احد قال لج على خشمج قوليله عادي المهم اللي في بطني .. و كله لاجل عيونهم .. قهريهم شبييييج 8o|

زهوور البحرين;16312567:
سلام بنات شخباركم؟؟؟

ماشاءالله الله يزيد و يبارك .. انا من يوم العيد للحين انشغلت اجازتي ط ويلة انشغلت بالهياتة

على طاري اللوعة و الوحام من نهاية الثالث راح و مارجع افتكيييت الحين احس حياتي طبيعية

بس وايد تجيني الام ببطني يقولون غازات بس مادري شنو هالشعور ابي الموعد

بسرعة يقرب ابي اتطمن ع البيبي و ابي اعرف جنسه انشالله بنية انا عكسكم مابي صبي

لان زوجي مايبي صبي خخخ لو جبت ولد حده بينظلم .. انشالله بنت عشان زوجي يتشقق من الوناسة

عيدج مبارك زهور .. الج وحده والله
اي الوحام كلنا قلناله باي باي .. روحه بدون رجعه ان شاءالله هههههه فتكينه
الوجع اللي في بطنج عادي انا بعد حتى في ظهري تجيني اوجاع .. كلها طبيعيه ان شاءالله لان الطفل يكبر و يسويله مساحات .. و دخلي على موقع بيبي سنتر و اقري فيه .. يفييييد
انا مشتركه عندهم بالمجله اسبوعيا يدزولي تطورات حملي اول باول .. كلنا ان شاءالله رح نعرف جنس البيبي هالشهر .. ونااااااسة
و زوجج يريد بنت لان هذا اول حمل.. كلهم يريدون بنات اول .. بس ثاني حمل فرق .. يردون ولد خلاص
يملون من البنت و دلعها هههههه يردون رجااال يشيل اسمهم عشتووو :biggrin:
و بعدين حتى لو جبتي صبي لا تفكرين ينظلم بالعكس حاله حال البنت كلهم نعمه من الله
الله يعطي كل وحده حسب نيتها .. و انا مثلج اريد افرح زوجي بالولد .. و انتي تفرحينه بالبنت ان شاءالله . .

شخباركم يا بنات ؟؟ كلكم راح عنكم الوحام إلا أني .. للحين قاعدة أعاني .. صدق صار أخف من قبل بس للحين أعاني .. مع أني دخلت اليوم اﻷسبوع الخامس عشر

AL.Batoul;16312581:
شخباركم يا بنات ؟؟ كلكم راح عنكم الوحام إلا أني .. للحين قاعدة أعاني .. صدق صار أخف من قبل بس للحين أعاني .. مع أني دخلت اليوم اﻷسبوع الخامس عشر

ميخالف حبيبتي اكو هيجي يبقى وياهم الوحام فترة
شلون وحامج؟؟ استفراغ يعني؟ و لا بس لوعة ؟ و متى يجيج الوحام؟ الصبح مثلا؟

وحامي ترجيع واللوعة على طول ويايي .. والترجيع مو بس الصبح .. كل وقت .. تقريبا 4 مرات في اليوم .. أو من أشم عطر أو أكل أو أي شي يخليني أرجع .. قبل كل شي آكله أرجعه وصرت ما أحب اﻷكل .. والحين قليل إذا آكل لأني أتعب إذا أرجعه .. وما أحب أشرب الماي ﻷني أرجعه .. حالتي وسخة

AL.Batoul;16312598:
وحامي ترجيع واللوعة على طول ويايي .. والترجيع مو بس الصبح .. كل وقت .. تقريبا 4 مرات في اليوم .. أو من أشم عطر أو أكل أو أي شي يخليني أرجع .. قبل كل شي آكله أرجعه وصرت ما أحب اﻷكل .. والحين قليل إذا آكل لأني أتعب إذا أرجعه .. وما أحب أشرب الماي ﻷني أرجعه .. حالتي وسخة

خططططيه حبيبتي الله يساعدج
انا كنت استفرغ بحملي الاول بس هذا الحمل الحمدلله و لا مره استفرغت.
اكو شي يبيعونه بالصيدليه كنت اخذه و كان يريحني هواااي.. هو مثل العلكة بس على زنجبيل ..
دوريه يمكن تلاقينه و رح يفيدج ان شاءالله

سلام شخباركم ويش مسوين

بنات زوجي مشتري اناناس وباباي عادي اكله لو يضر للحامل

وخاطري في تونه ياثر بعد لو عادي

خيو نونو رحت كذا صيدلية مو موجود .. لأن أختي أستفادت على حبوب الزنجبيل وأني ما حصلت
خيو ولائية اﻷناناس من مسهلات الولادة مو زين للحامل في الشهور اﻷولى
الله يتمم لنا كلنا على خير

سلام كيفكم
بنات دخلت الشهر الخامس بس للحين ما احس بحركة البيبي طبيعي هذا

بكره عنددي موعد في المستشفى واترساوند ان شاء الله كل شي تماااام وبين جنس البيبي

ع الببببركه ولائيه
لاتنسين تخبرينا جنس البيبي هع

على فكره ترى الاناناس يسهل الطلق
بس شهيتيني في الباباي .. ما يجي عندنا بالرياض

كنت آكله لما نروح المكلا لذييييييييييذ

والتونه عادي اعتقد .. سويتها اليوم سلطة تونه ع الغداء
وبعد شوي بسوي ملوخيه .. يييييمكن ييييممممكككن نطلع الشرقيه

و قلت نتعشى فيها .. مع خبز هع
اليوم اكلي كله خبز في خبز .. من زين الجسم السمين
عشان آكل اكلات رجيم ههههههههههههههههههه

ولائيه;16312732:
سلام شخباركم ويش مسوين

بنات زوجي مشتري اناناس وباباي عادي اكله لو يضر للحامل

وخاطري في تونه ياثر بعد لو عادي

تقدرين تاكلين اناناس بس مو هواي .. مره مرتين ما يأثر
و الباباي اتصور عادي بعد . اقري في النت و شوفي بس ماتصور شي خطير يعني
و كل شي بالكثره مو زين ..

و التونه بعد مايوم قريت انها مو زينه.. على العموم هيه المعلبات بشكل عام مو زينه بالكثره مثل ماقلت لج ..
بدور لج الاشياء المضره للحامل و انزلهم هنا ان شاءالله

AL.Batoul;16312748:
خيو نونو رحت كذا صيدلية مو موجود .. لأن أختي أستفادت على حبوب الزنجبيل وأني ما حصلت
خيو ولائية اﻷناناس من مسهلات الولادة مو زين للحامل في الشهور اﻷولى
الله يتمم لنا كلنا على خير

ياااا شعجب ماكو يمكم .. و حبوب الزنجبيل بعد جربتها تريح
اي شي بي زنجبيل يريح.. و مره سويت عصير زنجبيل بس يقولون اذا كثرتي منه مو زين
يعني نص كوب باليوم ما يأثر ان شاءالله

ولائيه;16312936:
سلام كيفكم
بنات دخلت الشهر الخامس بس للحين ما احس بحركة البيبي طبيعي هذا

بكره عنددي موعد في المستشفى واترساوند ان شاء الله كل شي تماااام وبين جنس البيبي

خير ان شاءالله و لا تنسين اول ماترجعين من الموعد تدخلين تطمنينا بكلمتين
الله وياج و ان شاءالله كل شي تمااااام
و بالنسبه للحركة عادي انا بعد مااحس بالحركة والله ماعرف ليش .. كله خير باذن الله

الشاي و القهوة ( المنبهات تخلي البيبي حار وعصبي وماينام بالليل ) الاعشاب الملينة للبطن ( تسبب الاجهاض او الولادة المبكرة )

الاكل : الاكثار من الملح و السكر - الجرجير في الاشهر الاولى - الفلفل في الاشهر الاولى - الاناناس- الموز- الكيوي-الاشياء غير المطبوخه مثل المرتديلا والتركي والسالمون والهوت دوج - السوشي- المايونيزممكن يسبب تسمم حمل- الجبن الازرق-المحار-العسل يساعد على انقباض الرحم وفي تسهيل عملية الولادة وذالك لأنه يحتوي مادة (البروستاجلاندين) التي تزيد من قوة انقباضات الرحم التي تساعد على الولادة.
الزنجبيل- الوجبات السريعه- الكمون- البابايا- الهيل- كافيار-التونه بالاشهر الاولى- زعفران-الحبه السوداء- الريدبول ومشروبات الطاقه - مشروبات وسكر الدايت لان فيها مادة الاسبارتيم مضره للحامل- الأكل البايت

عدم استخدام اي من الاعشاب التالية اثناء الحمل وهي: حشيشة الملاك، الأخيلية ام الف ورقة، قاتل البق، عشبة النساء الزوفاء، النعناع البري، الافدرا السمفوطن المخزني، حشيشة الدود، شجرة مريم، الجنسنج، عرقسوس، خاتم الذهب نظراً لأن هذه الاعشاب تقوم على تنشيط الرحم وبالتالي حدوث الاجهاض المبكر- يجب عدم استخدام المرة اثناء الحمل لأنها منشطة للرحم ويمكن احداث الاجهاض.


أي شي فيه فيتامين أ مثل الكبده والجزر والمنجا فيه فيتامين أ مركز كثرته خطر لأن هالفيتامين يسبب تشوهات خلقيه للطفل مثل تشوهات القلب وشفة الأرنبه
لكن ما يمنع ان تاكلونه في فترة الحمال ولكن مو باستمرار مثل حريم تاكل الكبده كل يوم تبي تقوي دمها ماتدري انها قاعده اتضر نفسها وابنها لكن ممكن تؤكل على فترات متباعده


التمر بالاشهر الاولى لاتأكلي اكثر من حبتين وفي التاسع معروفه فوائده - الحلبه في الاشهر الاولى للحمل تنشط الرحم وتسبب اجهاض ومفيده في الشهر التاسع لتقوية الظهروتساعد عالولاده وهي منبهة ومنشطة للرحم لذلك يجب تفاديها اثناء الحمل ويمكن استعمال اوراق الحلبة اثناء الوضع.

الادوية : الادوية بانواعها الا الي موصفها الدكتور - حبوب اولفن المسكنة للالم ( تسبب ثقب في قلب البيبي ) - كريمات الخاصة لالم العضلات غير الريلاكسينوفا - الصبغات وخلطات التبييض والتشقير للجسم مضره واي شي فيه كورتيزون
الحركة: زيادة الحركة في الاشهر الاولى - الفكس والبوفاس ومشتقاتهم- عدم الجلوس الصحيح - القفز - الركض - حمل الاشياء الثقيلة - الجماع لمن سبق لها الاجهاض- الغطس في البانيو..إهوا صح مريح للأعصاب بس ناقل سريع للعدوى بالإلتهابات-التعرض للحر الشديد -الزعل والضغوط النفسية- النوم عالبطن

ايضا لا تحطين اللاب توب بحضنك أولا مو زين عالبيبي ثانيا يسبب سليوليت مع مرور الوقت و تجعد الجلد حتى الوايرلس خطر و الموبايل كل شي يطلع اشعاع تجنبيه بعدي عنه خلي ابعد مسافه بينك و بينه يعني مثل ما ذكرت لا تحطين بحضنك الموبايل أو اللاب توب سواء شابكه أو مو شابكه و اذا شابكه بالايجو و الوايرلس يصير اخطر حاولي تقليل الفترات بدال ما تقعدين مده طويله قسميها على فترات صغيره
المضاد الحيوي انتبهووووووووو خااصة بالاشهر الاولى والريموت كنترول يسبب تشوهات للجنين اذا في احد يقلب بالقنوات ومريتي قدامه

الأعشاب اللي ممكن تسبب إسقاط لأنها منشطة و محفزة للرحم:
مشروب القرفة مشروب النعناع مشروب الزنجبيل الزعفران الحلبة الكمون الريحان الزعتر

العسل في أول ثلاثة شهور لأنه قابض للرحم
التمر في أول ثلاث شهور لأنه قابض للرحم و يساعد على الولادة

أيضا....على الحامل تجنب التالي :

-تجنب الاجهاد الشديد.فالجهد الجسدي الشديد يسهل انقباض الرحم ما يؤدي احيانا الى اسقاط النطفه غير المتمكنه جيدا في جدار الرحم.
تجنب ارهاق العمل.بامكان المراه العمل على دوام جزئي.
-تجنب السفر الطويل في السيارة.
-تجنب الرياضه التي تتطلب حركات عنيفة والسير لمسافات طويلة.

و من الأشياء الواجب الإنتباه لها التالي :

الشيء الاول ..............الله يعزكم الاسهال...لازم الحامل على طول تراجع دكتورتها
الشيء الثاني .........التهاب المسالك البوليه............وضروريا لمراجعه باسرع وقت

و تجنب تناول التالي :

عدم تناول اللحوم الجاهزة كالنقانق واللنشون والسلامي.. وغيرها إلا إذا أعيد تسخينها جيداً لدرجة تصاعد البخار منها.

تجنب تناول الاجبان الطرية كجبنة الفيتا (Fet) والبري (Brie)، الكممبر (Camembert) الروكفورت (Roquefort) والجبنة الزرقاء المعرقة (Blue - veyned)، اما الاجبان المعالجة اثناء التصنيع والكريمة وجبنة الحلوم (Cottage) فيمكن تناولها بأمان.

تجنب تناول معجون أو رقائق اللحم المبردة "لان الليستيريا تستمر في النمو حتى في درجة حرارة الثلاجة" ولكن يمكن تناول الانواع المعلبة أو المغلفة الجاهزة.


تجنب تناول الاطعمة البحرية المدخنة المبردة إلا إذا تم طبخها ويمكن تناول الانواع المعلبة أو المغلفة الجاهزة.

عدم شرب الحليب غير المبستر والاطعمة المصنعة منه

تجنب تناول البراعم النباتية الطازجة ( استنبات لبذور العديد من انواع الخضار والبقوليات وتضاف عادة للسلطات كبراعم البرسيم الحجازي والبرسيم وبراعم الفجل وبراعم الحلبة والماش والقمح والفول وهي الاكثر استخداماً في عالمنا العربي )

و تجنب شرب العصائر غير المبسترة

البقدونس
"ويعدُّ البقدونس مصدرًا ممتازًا لكل الفيتامينات خصوصًا فيتاميني (أ) و (ج)، ويحتوي على المعادن والحديد والكالسيوم. غير أنه يؤكل بكميات ضئيلة عادة؛ لذا فإن نفعه قليل لصحّة الناس." من الموسوعة العربية العالمية

المرامية من اخطر الاعشاب على الحوامل وانها تسبب وفاة الاجنة عند الاكثارمنها حتى لو كانت الحامل في الاشهر الاخيرة ..

ويجب على الحامل تجنب تناول اللحوم غير الناضجة جيدا مثل الشاورما واللحوم الباردة وكذلك غسل يديها جيدا بعد كل استخدام وتقطيع للحوم النية لانها تسبب لا سمح الله جرثومة التوكسوبلازما وهي جرثومة القطط وهذه الجرثومة تسبب اضعاف الجنين والله يحفظكم من كل شر

تسلمي يا نونو ع المعلومات بس عل كدا مش حناكل حاجه

انا لازم اكل سلطه يوميا و سلطتي فيها جزره مبشوره ممكن تكون اثرت على البيبي لا سمح الله

لسى مافي احد راح و شاف جنس البيببي ؟؟؟

وه وه وه كل شي ممنوع ما بقوا شي
مشكوووووووووووووووووره يانونو العسوله
بس انا أحب التمر :(
طايحه في التمر مافيني أبطل :(
وكريمات الجبن بعد أكلها كل يوم خاصة كرافت
والجزر بعد لآتي أحطه مع السلطة :(
والقهوة لا تقولين انا قهوجيه راعية مزاج