كرة في المهبل وش التفسير

بسم الله عليج ...
طمنينا أول ما تعرفين السبب والعلاج ...
الله يشافيج ويعافيج من كل شر
ويطمن قلبج

الله يبعد عنك كل مكروه
بس لازم تراجعى الطبيب باقرب وقت

تقصدين انها ملاحظة ؟؟ من غير ما تشفطين بطنك على داخل ؟؟ ... انا اتوقع انه الرحم يعني طبيعي ,, يمكن يكون قريب وقت الدورة عندك او توها مخلصه فيكون منتفخ شووي ... وان شاء الله مافيك الا كل خير ...

اذا تحسين بالكره هذي معناه اكيد عندك هبوووط في الرحم
لاتقلقين علاجه رفع للرحم او روحي لحرمه تمرخك وترفعه

لاتخافين اختي ونفس مشكلتي بالضبط

اختي هذا المثانة نازلة بسبب ضغط الجنين عليها ..انا صادتني بحملي القبلي وقالوا انزلاق جدار المهبل وخوفني لان لازم عملية
وهالمرة سالت قالت لي هذي المثانة تنضغط بسبب الجنين والعضلات عندنا ضعيفة شوي من جدي تدلى لينا

ما عندي فكرة بس طمنينا عليج اول ما تروحين للدكتورة

ربي يشافيكم ويعافيكم من كل شر

طمنينا عليك غاليتي noot ان شاء الله الدكتورة طمنتك ؟
وهل انتي حامل والا لا؟ واذا كنتي حامل بأي شهر ؟
الله يطمن قلبك ويرزقك الذرية الصالحة ....

غاليتي ام علي القمر ... اجر وعافية .. ان شاء الله تكون المشكلة بسيطة ؟ طمنينا هل هذا يعني ان بعد الولادة راح يرجع كل شيء طبيعي او ان في علاج تستخدمينه حاليا ؟

:)
احس بروحي فضولية ،، لكن عشان اطمن عليكم وحتى لو حصل معي ما احس بخوف ....

تسلمي حبيبتي انا بستخدم مانع ما اعتقد اني حامل مثل ما قالت الاخت التفاحة الجناوية يمكن وقت الدورة بس الدورة عندي مش منتظمة و لها اكتر من اسبوعين متاخرة و الله يستر

noot;16226866:
تسلمي حبيبتي انا بستخدم مانع ما اعتقد اني حامل مثل ما قالت الاخت التفاحة الجناوية يمكن وقت الدورة بس الدورة عندي مش منتظمة و لها اكتر من اسبوعين متاخرة و الله يستر

حبيبتي عااادي انا كان تصير هالحركة حتى قبل ما اتزوج وكانت الدورة مو منتظمة و حزة الدورة حتى لو متأخرة تصير لي هالسالفه وساعات يكون الانتفاخ مايل لأحد الطرفين وهالشي يبين الجهه اللي انغرست فيها البويضه و هالحركة تباان أكثر كلما ضعفتي او تسطح بطنك ,, بس بعد ماتدرين دام انه سبق لك الحمل والولادة لازم فيه نسبة تاخذين فيها وهي نسبة كونك حامل فافحصي وشوفي فاذا ما كان حمل اولا ,, واذا ماكنتي تعانين من اي عوارض ثانيه كالنزيف او الاام غير آلام الدورة وافرازات غريبه يعني مش المتعودة عليها ثانياا ,, اذن مثل اللي قلت لك عليه ... ;)

الله يطمئن قلبك ... طمنينا عليك غاليتي

سوبر مام ترجع كل عضلات الرحم والمثانة بعد الولادة بتمارين كيجل بس ...

ماعليكم شر انشاء الله

مدري احس عادي لانك ضاغطه عالرحم

الله يعافيكم من كل شر
ويطمن قلوبكم
ويقومكم بالسلامة


ام علي القمر /// اشكرك حبيبتي على التواصل الطيب