كلام نواعم

ممكن تسمحون لي يا اخواتي اكون اول من يجاوب على الأسئله

*متى كانت المره الاولى التي استخدمتِ فيها المكياج

انا حبيت المكياج من صغري.. كنت اراقب امي..وفي غيابها اعبث في مستحضراتها واقلد ما تفعله...بس النتيجه كانت....
يارب لك الحمد تقولون مهرج..
غير العلقه اللي كنت اخذها بسسب تخريبي لأدوات تجميل امي
وفي اخر سنه من المتوسطه..بدات امي تسمح لي بوضع الروج الخفيف
والماسكرا..

*هل المكياج ضروري في حياتك اليوميه؟

بصراحه..لا
اهم شي عندي من المستحضرات كلها واستعمله يوميا..الروج والعطر
ولكن في المناسبات احاول اكون سوبر ستار..يعني مكياج من والى.

*ماهي الالوان التي تفضلين استخدامها في مكياجك
احب اغلب الألوان..وخاصة البنك والخوخي..احسه يعطي حيويه ورقه وشباب اكثر..لأنه مقارب للطبيعه


*أي نوع من الماركات العاليمه التي تشعرين انها تناسبك؟
استعمل الماركات التي تراعي البشره بالدرجه الاولى
مثل البودي شوب للأستعمال المتكرر..و لانكوم للسهرات
وانا دائم اخذ جوله في اسواق المستحضرات واشتري اي شي يعجبني لونه بس يكون ماركه ارتاح لها..


*هل انت ممن يؤيدن استعمال الفتيات الصغيرات للمكياج؟؟ في اي سن تظنين انه مناسب لفتاة استخدامه؟

بصراحه انا الأن ام..ولااحب ان تبدو ابنتي كمهرجه..
وكذالك الفتيات الصغيرات لايتحتجن للمكياج بصوره كبيره..
ممكن اشتري لها فقط اقلام الروج والماسكرا وانواع العطور حتى تتعود على الاهتمام بمظهرها
وبعد ذلك تتدرج في استخدام المكياج حسب كل مرحله عمريه.


*ماهو رايك بالنساء الاتي يضعن المكياج الملفت للنظر..في الاسواق!!؟؟

بصراحه احتقر هذه النوعيه من النساء التافهات..
لأنه من حيث الدين والشرع لايجوز..فزينتها لايراها الا زوجها واقاربها المحارم
واعتبر التي تتصرف بهذا الشكل انسانه مريضه..



-وأخيرا.... هل انت ممن تحب وضع المكياج البسيط؟؟ أم المكلف؟؟..وفي أي المناسبات؟

احب البساطه في كل شيء..
واعتبرها قمة الاناقه..
واستعمل المكياج الكامل في كل المناسبات
اما في الايام العاديه..اكتفي بالروج والمحدد والعطر

اتقبلوا فائق تحياتي واحتراماتي

السلام عليكم ورحمة الله وبركاته

يعطيج العافيه اختي على هالموضوع...

الحين نجاوب على اسألتج


*متى كانت المره الاولى التي استخدمتِ فيها المكياج ؟
تقريبا بالثانوي لانه ماكان من اهتماماتي :D2

*هل المكياج ضروري في حياتك اليوميه؟
لا ...بس بالمناسبات مهم على قولتج سوبر ستار

*ماهي الالوان التي تفضلين استخدامها في مكياجك ؟
الاسود احبه...وهم الوردي
والصبح اذا مالي خلق مرات احط بني ناعم ومسكرا يطلع شيءءءء


*أي نوع من الماركات العاليمه التي تشعرين انها تناسبك؟
احب كريم اساس نينا رجي لا نه مو دهني وانا بشرتي دهنيه
وبودي شوب عندهم شغلات عجيبه


*هل انت ممن يؤيدن استعمال الفتيات الصغيرات للمكياج؟؟ في اي سن تظنين انه مناسب لفتاة استخدامه؟
لا والف لا ... ماحب الطفوله والبراءة تتشوه صراحه
اعتقد 17 او 18 لا ويكون اشياء ناعمه

*ماهو رايك بالنساء الاتي يضعن المكياج الملفت للنظر..في الاسواق!!؟؟

همممممممممممممم بصراحه احس انهم يثيرون الشفقه... لانها ماصانت جوهره عندها وبعدين تخيلي اللي يسوى ومايسوى يطالعها... يعني ماعليها حلا والحق ينقال .... احس لو انها ملكة جمال ... وسفور ومكياج احس انه بشعه.....وجيكره

*وأخيرا.... هل انت ممن تحب وضع المكياج البسيط؟؟ أم المكلف؟؟..وفي أي المناسبات؟


البسيط طبعاً...بس مايصلح للمناسبات الكبيره البسيط حلو حق ضيوف يزورونج او طلعه خفيفه يعني عند رفيجتج....

اما المكلف حق العروس القريبه :cool2:









وسلامتكم

هلا وغلا الاجابات
*متى كانت المره الاولى التي استخدمتِ فيها المكياج ؟
*ايام اولي ثانوي في ملكة اختي الله يوفقها
هل المكياج ضروري في حياتك اليوميه؟
احبه بس ماهو كل وقت وكل مناسبه لها شكل العطور لا استطيع ان اتخلي عنها
ماهي الالوان التي تفضلين استخدامها في مكياجك ؟
الوردي البني بدرجاته الاسود والموف
*أي نوع من الماركات العاليمه التي تشعرين انها تناسبك؟

من كل بحر قطره المسكارلانكوم ارتحت لها والاساس جفنشي والبودره لانكوم الان استخدم والاينر شانيل والارواج مختلفه ميك اب فور ايفر لانكوم .......... الخ ممكن استخدم ارواج ماهي ماركه اذا عجبني لونها *هل انت ممن يؤيدن استعمال الفتيات الصغيرات للمكياج؟؟ في اي سن تظنين انه مناسب لفتاة استخدامه؟
يصراحه لام مافي اجمل من منظر الطفوله ليه اجرحها بالمكياج
*ماهو رايك بالنساء الاتي يضعن المكياج الملفت للنظر..في الاسواق!!؟؟
الله يهديهم احسها داخلها اجوف تشعر بعدم الثقه بنفسها وتريد ان تلفت الانتباه اغواها الشيطان ليتها تعلم ان جمالها في سترها
وأخيرا.... هل انت ممن تحب وضع المكياج البسيط؟؟ أم المكلف؟؟..وفي أي المناسبات؟
الكباج البسيط في المناسبات العائليه وفي المناسبات الكبيره اركز علي العين وحسب الناس اللي راح اقابلهم

السلام عليكم ورحمة الله وبركاته

تسلمين الغاليه جرووووووح على هالمشاركه..

*متى كانت المره الاولى التي استخدمتِ فيها المكياج ؟
يوم كنت آخر سنه في الcollege بديت احط بس بخفه جدا.. يعني بس روج وشادو خفيف وكحل..

*هل المكياج ضروري في حياتك اليوميه؟
لا الحمدلله لا..

*ماهي الالوان التي تفضلين استخدامها في مكياجك ؟
السموكي والالوان الغامقه..

*أي نوع من الماركات العالميه التي تشعرين انها تناسبك؟
لانكوم.. ريد ارث.. ايف سان لورانت.. ريميل.. شانيل.. ماكس فاكتور.. نيفيا.. ذي بودي شوب.. ليوميني.. يعني الاغلبيه :shy:

*هل انت ممن يؤيدن استعمال الفتيات الصغيرات للمكياج؟؟ في اي سن تظنين انه مناسب لفتاة استخدامه؟
لا.. انا اقول المكياج للمتزوجات.. والفتيات في المناسبات.. ويعني البنت لما تصل لسن ال20 تستطيع استخدام المكياج في رايي ولكن خفيف جدا..

*ماهو رايك بالنساء الاتي يضعن المكياج الملفت للنظر..في الاسواق!!؟؟
مثل ما قالت الاخوات وأأيدهن الراي..

*وأخيرا.... هل انت ممن تحب وضع المكياج البسيط؟؟ أم المكلف؟؟..وفي أي المناسبات؟
البسيط.. البساطه سر الجمال..
والمكلف في المناسبات الكبيره..

ونترقب منج المزيد حبوبه والى الامام:clap:

صوت المطر

رمش الحزن

سنو وايت

الله يعطيكم العافيه..صراحه كلكم ذوق في المكياج

ما انحرم من روعة تواصلكم يارب..:shy:

وانتظر بقية الأخوات

تحيااااااتي وحوووووووبي

*متى كانت المره الاولى التي استخدمتِ فيها المكياج ؟

كانت بثالث ثانوي

*هل المكياج ضروري في حياتك اليوميه؟
لاا

*ماهي الالوان التي تفضلين استخدامها في مكياجك ؟
احب الالوان الترابيه

*أي نوع من الماركات العاليمه التي تشعرين انها تناسبك؟
بالنسبه للاساس لحد الان ما احط اساس على وجهي بااقي صغيرره :shy:
اما الماسكرا من جفنشي والرووج من لوريال

*هل انت ممن يؤيدن استعمال الفتيات الصغيرات للمكياج؟؟ في اي سن تظنين انه مناسب لفتاة استخدامه؟
يعني من سن 18 وفق ممكن
وكمان يكوون خفيف وهادي

*ماهو رايك بالنساء الاتي يضعن المكياج الملفت للنظر..في الاسواق!!؟؟
مايعجبووني واحس فيهم نقص :down:

*وأخيرا.... هل انت ممن تحب وضع المكياج البسيط؟؟ أم المكلف؟؟..وفي أي المناسبات؟
البسسسيط
اما المكلف هي مرره وحده حطيتها بزوااج خالتي

ومشكوووره على المووضوع

اهلا وعليكم السلام



راح اجاوب علىاسالتك



*متى كانت المره الاولى التي استخدمتِ فيها المكياج ؟

بعرس اختى قبيل 7 سنوات يعني عمري 12 سنه

*هل المكياج ضروري في حياتك اليوميه؟

لا بس نوع من العب اكثر شىء

*ماهي الالوان التي تفضلين استخدامها في مكياجك ؟

الزهري ( الوردي)

*أي نوع من الماركات العاليمه التي تشعرين انها تناسبك؟

كلهم حلوين

*هل انت ممن يؤيدن استعمال الفتيات الصغيرات للمكياج؟؟ في اي سن تظنين انه مناسب لفتاة استخدامه؟

بالنسبه للفتاه الصغير (( لا )) في اي سن 17 او 18 ويكون خفيف جدا

*ماهو رايك بالنساء الاتي يضعن المكياج الملفت للنظر..في الاسواق!!؟؟

مايعجبوني (( وماعندهم سالفه اصلا ))

*وأخيرا.... هل انت ممن تحب وضع المكياج البسيط؟؟ أم المكلف؟؟..وفي أي المناسبات؟

على قد الحافك مد ارجولك :smile: ... على قد افلوس احط مكياجي
بالاعراس اكثر شىء

وعندي طريقه اذا كان الفستان ضخم احط خفيف اما اذا عادي احط ثقيل مانبي ندوخ الناس مكياج وفستان شىءواحد يكفي :cool2:


تحياتىالنونه