وش فكرتي تهدين (حبيب القلب) بيوم العيد؟؟

السلام عليكم ......انا يديده في المنتدى بس حبيت اشاركم....... انا عندي كم فكره سويتها من قبل .....واتمنى انها تعجبكم.....انا اشتريت حق ريلي مره شنطه ماركه وحطيت داخلها هديه مغلفه عباره عن طقم مكتب راقي وبعدين الشنطه غلفتها وحطيت فوقها (يعني لصقتها) هدايا متنوعه صغيره مثل ساعه ودهن عود وعطر رجالي وهذيل كلهم مغلفين وبس......طبعاهو عجبته الهديه بس ماتوقع بعد ماشاف الهديه ان تكون في هديه ثالثه داخل الشنطه......! وبعد مره اشتريت له روب للسباحه وحطيته في الحمام عزكم الله لما قام الصبح شافه.....! وفي مره اشتريت له بعد روب بس قطن هالمره مع كلسونات من نفس اللون يعني طقم (اونه يعني قميص نوم ) ! وناويه ان شاء الله هالعيد اشتريله موبايل يديد واحجز في فندق راقي وافاجئه فيه ......وس وسلامتكم.

:up:

:up:

:up:


خواااااااااااااااااااااالي انتي :up:



انا خطيبي من كثر ما اهله يهدونه (بنات خالاته وخواله ) ماشاء الله عليهم :angry:

صرت ما حب اهديله شيء :sad: :cry:

عقدوني

الله يسامحهم


يعني حبكت مافي في عيلتهم الا خطيبي

:think:

انا مااحب افشل نفسى واهدي له تدرون ليش لانه ماعنده وقت للرومانسيه وقته للعمل والاستراحه وانا وعيالى ماعنده وقت لنا يا الله يخليه حق عياله ما له داعى احتك فيه:pain::confused:

يالله يابنات همتكم

نبغي افكار جديده وحركات رومانسيه

اهديت زوجي في العيد


دهن عود.....موجود عند اجمل علبته فخمه وفي كرستال فيه من 500 الى 3500 وانتي اختاري اللي يناسبج

وفي بعد صندوق انا حطيت فيه عود ودهن عود ومسك او ورد طائفي والصندوق رهيب بتلقونه في العربيه للعود

انشاء الله اني افدتكم بس لا تتبخلون عليناا بافكاركم

وش رايكم في هذي الفكره

http://www.3roos.com/forums/showthread.php?s=&threadid=65764

السلام عليكم ........بشاركم بافكاري يالغاليات

مرة قد اهديته جهاز (دفي دي )اخر شىء بالسوق لانه يحب الاجهز وفي ذاك الوقت كان ناوي يشتري بس انا سبقته..وشريتله هديه ..انبسط كثيييييييييييييير عليهاااااااااااااا

اتصدقون فكرة انكم تشترون اجهزة للي رجالهم يحبون الاجهزة

يعني كمبيوتر اخر شىء في السوق نازل

او حتى جوال

او طابعه

او كاميراء

يعني االلي يحبه اشتريه له من الاجهزة..

ها السنه مااعرف يا جهاز جوال او ساعه ....:smile:

الغالية خوالي،،،

يوم انج عندج افكار وبلاوي متلتله ما يعلم فيها الا ربنا،،،، طايحتيلنا تشاؤم ونكد ليش؟!!!،،،
نحن من الله ما نصدق نحصل افكار يديدة،،، بس الصراحة انا ابغي زيادة من افكارج وما شاء الله عليج باين عليج خبيرة ماركات،،، تعرفين انه توه قبل اشوي سألت ربيعتي عن هدية لزوجي ووصتني بعطر مونت بلانك الست كله،، تقولي انه البوكس ماله جلد ووايد فخم وريحته تجنن،،، جان ما اسير باريس جاليري اليوم واشوف شو عندهم،،،

بس بعد ما وصيج خوالي ابغي افكار هدايا غير شكل،،، على فكرة زوجي اكثر اهتماماته في مجال الكومبيوتر،،، وما شاء الله ما في شي ما عنده من مستلزمات الكومبيوتر من افضل الانواع واغلالها لكن بعد خاطري اخذله شي متعلق بالكومبيوتر وشي غريب ما خطر على باله،،، شو تنصحيني،،، هو وايد يلعب عليه؟ في شي اقدر آخذه خاص بالالعاب اللي تيج اون لاين،،،،

هلااااااااااااااااااااا فيكم خواتي



افكار حلوووووووووووه بس ما فيها شي من الرومانسيه .... ومالينا من سالفت السوع والميداليات والعطور أيام الخطوبه وااااااايد هديت ريلي من هالاشياء وبما اني عروس جديده .... للحين ما كملت سهر ......... ابي فكر رومانســــــــــــــــــــــيه علشان يطير من الفرح


وكل ما كانت بسيطه كان احسن لان والحمد لله زوجي يقدر حتى لو كانت قبله :smile::smile:

بس انا قريت في المنتدى فكره بس مو لاقيتها


صندوق صغير تحطي فيه عيديه وكل ما كانت عمله البلد بس ما تستخدم احسن (علشان ما يستخدمها) وبطاقه اتكتبين عيديه لطفلي الصغير ..............


وووووووووووووووووووو


ويش رايكم

انا فكرت اهدي زوجي جوال لأن جواله صارله وقت طويل معاه وكل شوية يعلق ويقفل لحاله ..
أخت اوركيد اذا زوجك يحب الألعاب حقت الكمبيوتر مثل زوجي اشتريله لعبة vice city
هذي اللعبة زوجي يلعبها كثير لعبة سيارات ..ممكن تعجبه وفي لعبة
red aleart
لجزء الأول والثاني والثالث ..لعبة حرب
ممكن تهدي للزوج في العيد اي شي حاسة انه يتمناه او شي نفسه فيه بس ما قدر يتحصل عليه:up:

السلام عليكم ورحمة الله وبركاته"حبيت أسلم عليكم كلكم وان شاء الله تقضون أحلى الأوقات مع رياييلكم ,بغيت أخبركم عن طريقه وايد حلوه أنا سويتها حق ريلى أولا تعرفون لازم الهديه خذت له طقم "تكرمون" للحمام من كريستيان ديور روب ويا الفوط بالون الا بيض مع كريمات للجسم طبعا رجاليه وم غير نظاره بعد كريستيان ديور يعنى كله من ماركه وحده ولفيتها بطريقه مع الورد الطبيعى الروز وحطيت له فى النص ورده صفره تعرفون الغيره حلوه:confused::confused:وأتفقت ويا اهل ريلى نسويله مفاجأه حلوه فى البيت هاى الأولى بس الثانيه أروع
سرت وبدون ما يعرف حجزت غرفه فى برج العرب ونفس اليوم الظهر سرت الغرفه وديت وياى كل الاغراض الهديه وحطيت الاشياء الى يبتها فى الكبت ويوم استوا الليل قلت له عازمتنك على العشا فى برج العرب وسرنا وقبل
ماندخل المطعم قلت له شو رايك نطالع ديكور الغرف والغرف قال اوكى وطبعا يوم وصلنا الغرفه فتحت له الباب وتفاجأ وما عرف شو يقول المهم كانت ليله من ألف ليله وليله :shy::shy::shy::shy::shy:l

عجبتني الفكرة اختي(((( بداري))) فكرة تهبل مشكووووووووووووورة

بس اخاف لمن اقول له تعال عازمتنك على العشاء في فندق الفلاني يقول لي لا ما ابي

وما يرضا نروح

:confused:
:confused:
:confused:
:confused:

شنو بكون حالي وقتها لأن ريلي ما يروح اي مكان يخاف يكون اكلهم مو حلال

وشكرا

ماشاءالله عليكم يابنات افكاركم مررره حلوه وحبيت ازيدكم بعض الافكار

مثلا تسوين له كيكه كبيره وتكون صورة خطيبك او زوجك مطبوعه بالنص وتكتبين فوق صورته عباره رومنسيه عاد انتي وذوقك تباركين له بالعيد:up:


ومره شفت حركه حلوه في محل هدايا وهي انهم يسوون لك شمعه على الاسم الي انتي تبينه مرره اعجبتني الحركه انتم لو شفتوها كان اعجبتكم بعد انتم:smile:


وهذا الي عندي الحين وانشاءالله اي فكره او حركه حلوه راح انقلها لكم على طول

بنات انا جمعت صور لزوجي من امه واخواته من هو صغير لغاية هذا عمره حطيتلها بالورق الملون المقوى برواز اسود بس مدري كيف اسويها
على شكل البوم وعبارات ..
مدري فكرت بس مدري اش اكتب عبارات تحت الصور عندكم فكرة؟
وكمان جمعت صور السيارات الي تعجبه
بس لسه مالقيتلها فكرة شاركوني بأفكاركم:up:

:shy::shy: السلام عليكم ورحمة الله وبركاته:مشكوره أختى الغاليه بقولج على طريقه حلوه وأن شاء الله يرضى ريلج فيها سويله بطاقة دعوى طبعا دوريله بطاقه غاويه واكتبي فيها انج عازمتنه فى هاليوم الى انتى رتبتى فيه امورج طبعا لازم تتاكدين انه مب مرتبط فى أي شى ثانى وحاولى تكتبيله البطاقه بكلام حلو تعرفين :shy::shy::o:oالمهم خي لج كم من ورده حمره ولصقيها على الباب الى بيدخل منه يعنى المدخل وحده وباب الححجره وحده وعلى الكبت من داخل وحده ولا تنسين المهم والاهم البطاقع عطريها وحطيها فى الكبت ويوم بيدخل البيت وبيشوف الى انتي مسويتنه ما أعتقد انه بيردج وأكديله ان الاكل حلال يعنى أختاري فندق معروف بأكله الحلال وبعد هذا ما اعتقد انه بقول لا وان شاء الله يتم هالشى وعنى انا أدعيلج ان شاء الله يوافق ..........................:up:وبخصوص ام مياذا عندج غرفه صغيره فى البيت وما تستخدمينها وايد حاولى انج ترتبينها وتعدلينها بالورد والشموع وحطى فيها الصور الى انتى ملصقتنها على اليدار ويالعبارات الحلوه وانشا الله تعيبج الفكره وسٍٍٍٍٍٍٍٍٍٍٍٍلامتكم

بداري افكارج وايد حلوه بعد اعطينا من هاي الافكار الحلوه

اعجبتني افكارك يابداري ماشاءالله عليك شكلك رومنسيه يابخت زوجك فيك :up:

وانتي يااختي ام مي اعتقد ان فكرة بداري مررره حلوه انك تلصقين صوره في غرفه

او انك تحطين مراحل نموه في الصور من يوم يدخل من عند الباب تحطين صورته وهو صعينووون وكل مايمشي قدام تحطين له صور وهو يكبر ويكبر لحد مايوصل لغرفه النوم وتحطين صورتك انتي وياه يوم زواجكم وش رايييك بهالفكرره :up: <<<<< والله اني خطيره واعرف افكر

مشكورين بداري ومحبة للخير..
ماقصرتوا بسويها انشالله وقلكم عالنتيجة:shy:

أول عيد أهديته دهن عود....
ومن قبل لا أعرس يعني أيام
الملجه أهديته غتره وفصلت له كندوره
وأهديته بعد ميداليه عليها صورته بالحفر...
ومره سويت له حركه ... زينت البيت بالورود
واللمبه الحمرا والكيك وأهديته ساعه ماركة
كارتير .....
لكن هالعيد ما أدري شو أهديه لكن هو راح يهديني
تدرون شو هي هديتي ........؟؟؟؟؟؟؟؟؟











راح يعرس علي ... ويهديني حرمه تشاركني حياتي.....

السلام عليكم

بصراحة انا بعدني صغيرة .. بس قلت بطالع افكاركم عشان استفيد في المستقبل انشالله ^_^


كنت اقرا ومندمجة ومستانسة عالاجواء الرومنسية

لين ما وصلت عند رد ظما قلبي .. وانصدمت وانقهرت .. واحس ان الدمعة مب راضية تنزل


الله يسامح ريلج .. هذا يزاج ؟؟ يتزوج عليج ؟!!


حراااااااام والله


الله يهديه ويكون في عونج انشالله حبيبتي :confused::confused:

ظما قلبي لاتقبلين هديته رديها
الله يسامحه