ابني والحليب الصناعي

وعليكم السلام ورحمة الله وبركاته

كم عمره الله يحفظه ؟

و عليكم السلام و رحمة الله و بركاته...

صار لي نفس الشي مع ولدي الكبير، اللي سويته اني جوعته و ما عطيته صدري و تم يصيح و أعطيه الصناعي و يرفضه لين في الأخير استسلم و شربه!

جربي معاه مرة و شوفي إذا شربه تمام، لكن إذا طول خلاص حرام يهلك جوع الولد...

مبين بتوقيعج إن عمره 9 شهور، أنصحج تشبعينه بوجبة قبل النوم عشان ما يقوم كل شوي...

ربي يعينج و كله بأجره إن شاء الله F:

آه مريت بهالمعاناه بس اللي سويته جوعتها وشربته....

اي عمرة 9 شهور بس صارلي يومين قبل لاينام اسويلة وحده واحاول وياه يبجي وطول تقريبا نص ساعه وهو معاند يسد حلكة ويبجي
وميفيد زوجي يكول عوفية يومية يبجي هيج الى ان يتعلم بس اني احسة كبر لو من اصغر ممكن يتعلم

وقلبي ينمرد من يبجي مااتحمل اكثر .

شكرا الكم

Daisy ash
ممكن بس تعلميني كم يوم احاول وياه بهذي الطريقة ؟

اليوم جربت وياه بالنهار شرب مجرد وحده وبالليل وحده وطبعا فقط 3 ارقام مو اكثر

بس انقهرت علية لان كل شي ماوكلته بس كلت اتحمل واشوف النتيجة
يعني حاليا اريد اعرف باجر هم اسوي هيج لو لا ؟

تعبت من التفكير بيه ومحد ينطيني جواب شافي من اهلي

ماشاء الله 9 شهور ومستمرة على الرضاعة الطبيعية
لم لاتكملي لغاية العامين ؟
برأيي حاولي ولاتحرميه من باقي المدة مع دعم الرضاعة بالأكل المناسب لعمره
إلا إذا كنت مريضة لاسمح الله
فالرضاعة الطبيعية متعبة ومقيدة للأم بكل تأكيد
إلا أنها فوائدها عظيمة لا تخفى على أحد سواء للام أو الطفل ..

والله ياامانز ببالي اكمل لسنتين بس لازم ياخذ الصناعي بالليل على الاقل على مود النومه لان اني تعبت وتعبت اعصابي
وطبعا اكله الحمدلله طبيعي وزين

ولدي نفعت معاه هالطريقة من أول مرة...

جربي معاه كم مرة لحد ما يتعود عليه، و بالليل و هو نايم إذا تعرفين متى بيقوم جوعان، جهزي له الرضعة و عطيه قبل لا يقوم يكون ياخذها و هو نايم و ترتاحين...

عساج عالقوة إن شاء الله F:

تسلمين اشكرج ان شاءالله اجرب

والله يا اختي الله يساعدك فعلااا حاسة فيييك ... انا نفس حالتك والمشكلة الاعظم انها مرة وحده عااافتها ماتبغيها لا ليل ولانهار !! وشنوو ما اسوي لها و احاول اخدعها واغطي على صدري واعطيها الرضاعه تعرف !! حاوولت معاها اجوعها تنام بجوعها ولا انها تستسلم وتسوي لي ولابوها فزززعه الله أكبرر وصيااح فقلت ليش عاد الله كاتب ترضع طبيعي ومنها انا استفيد وهي تستفيييد ...

وبالنسبة انه يشبع او لاا وقعدته كل نص ساعه ,, انا ببنتي اخليها ترضع ليمن تتقوول بس طبعا لان الحين اعتمادها كله على الرضاعه فاخليها براحتها ربع ساعه نص ساعه اللي هوو الى ان هي تغط بالنومة وفعلاا تاخذ لها كم سااعه تناام براحتها وتريحني ...

بالنسبة لابنك ,, احسن لك تعطيه وجبة مثل السيريلاك لانه يثقل الراس ومعاه رضعه ولاتقولين مايشبعه خلييه يرضع برااااحته ليمن يناام وبعدين بتشوفيين انه مابيقعد الا مرة اوو في الصبااح وانا مرة شفت دكتورة تقوول انه الطفل بهالعمر اذا ماكان مسنن او عنده مشكلة لاازم تحقريه شووي وهوو يصيح او يطلب الرضاعه بالليل عشان يتعود انه ينام من نفسه و يكمل نومته ,, فيمكن ابنك تعوود على حركة الرضاعه وعلى انه يكون جنبك عشان ينام يعني مش مسأله جوووع ...

العفو حبيبتي... ما سويت شي F:

و كلام أحتي اللي قبلي سليم، و ذكرتني بشغلة، أنا كنت أحط لولدي بالرضاعة سيريلاك رز شوي بس يثقل الحليب شوية و أعطيه و تشبعه و يطول بالنومة... بس إذا بتسوينها استخدمي حلمة للرضاعة تكون فتحتها وسيعة شوي عشان ما يتعب و هو يمص...

F:

هلوووووات ام يوسف شلونكم

اني اكول العصرية خلي يلعب هواية ويتفرج كارتوون

وبعدين سبحي راح يجوع وراسا انطي الممية شوفي شلون ياخذها مجبور وراها فد ساعتين انطي سيريل مع حليب صناعي حتى لاينسى طعمة او رز مع حليب وراح ينام الج الليل كله


انشاء الله تستفادين

وترا خلي يبجي مايصير بي شي لان هوة هسة جبير ويبجي لان يعرف راح تحني عليه

ولو احنا منكدر بس اسبوع وترتاحين

اختي التفاحه حالتي هي حالتج بالضبط ولذلك اكول مرات استسلم واتركه بس طبيعي
ومرات اكول لا

بس اوافقج انه تعود صحيح
المشكلة من يكعد واجيبة ارضعه بس مجرد يكون صدري بحلكة يغفة من اطلعه يكعد وهكذا

ويمكن اني السبب جنت اعوفة براحته مثل ماتكولين يرضع يطول بالرضاعه تعود بس مجرد يكون صدري بحلكة مو جوع

وطبعا خواتي ام لوكاس وdaisy مجربة طبعا وياه يلعب ويتعب ويعجبة والحمدلله يتفرج كارتون
ويتعب وينعس اخذه اسبحه ويلعب بالحمام وبعدين احاول بالحليب ماكو فايدة مااعرف شبيه بعد الساعه ال10
لتقربين يمه الحليب الصناعي اصلا

وطبعا مجربة اني اوكله واشبعه وارضعه وهم يكعد كل شوي
بس رح احاول انطية سيريلاك ويه الممه هو يحب السيريلاك

حبيبتي جربي معاااه تتركينه بعد مايقعد يعني خليه ينوم روحه بروحه وجي بيتعوود داام انه مو جوعان مجرد انه متعوود معنااه تقدرين تعودينه ع النوم من غير مايقعد كل نص ساعه ...

شوفي حبيبتي من دراستي ,, عشان تعدلين له نومته او ترتبينه على روتين معيين لازم تردين مرة ثانيه تخلقين له روتين ونظام جديد من الصبااح ليما المساء وتستمرين معاه فترة وبروحه بعدين يتعود واما الرضاعه دام انتي قادرة ع الرضاعه الطبيعيه وماعندك دوام او شي كملي معاه احسن لك وله ... غيري له طريقة النومة يعني لا تحمميه كل يوم لان بعض الاحيان الاستحمام يخليه يفرفش هههههه عن تجربة وفوقها يمكن تلوع جبده من الشرب وخصوصي الصناعي بعد الاستحمام ... فجربي تشيلي نقطه الاستحمام من النظام وخليه بداله وجبة السريلاك ورضعه خفيفه وتقرأيي له قصه بسيطه وبصوت ناااعم وخفيف عشان تجيه النوومه وتقدرين تشترين قصص بصور كبيرة مجرد فيها صوور وانتي تحكي القصه ,, ماعليك يمكن يرفض بالبداية فخليه يركز انتباهه على الصور وشوي شوي بيتجاوب وبعدها تقدرين تحطين له سور قرآنيه اوو موسيقى اطفال هادئة يعني الشي اللي تحسين انه يتجاوب معاه ويدووخه ...

ذكرتيني ببنت أختي ههههههه على عمري كنت للحين مش متزوجه وكنت انا بإجازة وهي تروح الدوام فتخلي بنتها عندنا وامي تقولي انا بشتغل كلشي بالبيت بس انتي قعدي مع الكتكوته فكنت اتعذببببببببب لان عزابية ومو من النوع المحب للأطفال بعدني وكانت ماتبغني تنام وكل دقيقه قعدي معاي ولاعبيني و شيليني وحطيني وحزة الليل تعذب امها بالنومة ,, فسووويت لها حركة بالصدفه قمت اضرب خفيف بملعقه على كاس خالي وشوي شوي قامت تنام !!! >>> بالنسبة لي حزتها كان اكتشاف عظيم ههههههه ,, فقلت لامها جربي معاها هالحركة بالليل وفعلا فادت معاها !! ,, فالزبدة انه انتي اكتشفي شنو الشي اللي يخلي ابنك يدووخ وينام من غير ما يكوون على صدرك ....

اما بنتي فصرت مو شرط انيمهاا وهي راضعه يعني تنام من غير رضعه بس كل يوم بوقت النومه لازم البسها ثياب نووم وابدل الحفاظه والغرفه تكون اضاءتها جداا خافته عشان تفهم انه وقت النوومة واخليها قبل ساعتين قاعده تلعب واكون راضعتها من قبل وحزة اللي انيمها لازم اجيب لها قصه او نشيدة او سراريد خفيفه وانا اهزها خفيف وبعدها الحمدلله تنام ...

جربي حبيبتي وخبرينه وربي يخلي الكتكووت ان شاء الله ..

تسلمين تفاحه تعبتج والله

ان شاءالله بجرب والله يسهل وابشركم :)

شروق التميمي;16223945:
تسلمين تفاحه تعبتج والله

ان شاءالله بجرب والله يسهل وابشركم :)

حاضرين للطيبين حبيبتي ,, انتي تستفيدين وتفيدينه بعد بخبرتك أكييييد . :thumbs_up:

هههههههههههههههه بنات انا حامل ويوسف بعدة مصار سنة ؟
من عرفت ضجت لان يوسف بعده صغير وشلون رح ادبرها وثاني شي شلون رح افطمة ليوسف

بس زوجي يكول كولي الحمدلله


بس من عرفت البارحه لليوم وانا بس افكر

ما شااء الله... ألف مبرووك الحمل أم يوسف... الله يتمم لج على خير و يقومج بالسلامة انتي و النونو...

و لا يضيق صدرج و لا تزعلين، الحمد لله على عالنعمة... و ما تدرين يمكن خيرة عشان تفطمين ولدج...

أنا حملت على ولدي الكبير و عمره سنة و 3 شهور و كان متعلق بالرضاعة الطبيعية و كاسر خاطري، و كنت أرضعه لين درت دكتورتي و هاوشتني خخخ قالت فطميه على طوول!

و علمتني أمي طريقة جبت بينت بتر و حطيته على صدري و لما يطلب يرضع أوريه أقوله شوف يععع و صار يتقرف و على طول خذ الصناعي... بعضهم يحطون مرة على صدرهم عشان البيبي يكره طعمه، بس حرام ما يتحملون المرورة... انتي شوفي الطريقة اللي تناسبج و سويها...

الله يحفظه لج و يبارك فيه F: