مشكلتي شغلي ويا الشخص اللي ياي يخطبني . ودي لو تساعدوني محتارة !!!

السلام عليكم ورحمة الله وبركاته

انا شابة اماراتية من دبي محصلة على الماجستير وتوظفت من شهرين تقريبا بعد ما تعبت الى ان حصلت الشغل والحمدلله في أبوظبي . تقدم لي شاب من الشارقة ااخلاقه طيبة وموظف بأحد حقول البترول في العاصمة يعني يشتغل داخل مناطق البترول . ويداوم خمسة أيام ويحصل 3 ايام اجازة . يعني دوامه ماله علاقة بالاجازات الاسبوعية .

انا قلتلهم اني موافقة عليه بس ما أترك شغلي اللي تعبت عليه .

هو يبغيني اغير شغلي اذا شيء مجال في دبي . لانه اذا نزل اجازته يبغي يكون ويا اهله وفي نفس الوقت اكون معاه . يقول لو انا ظليت في بوظبي معناته انه بنستقر في بوظبي وما يباني اكون بروحي في بوظبي . هو مصر على رايه قال انه ما بيقصر معاي رغم انه انا احب أتشرى وايد. ما أبغي أخسره بس هذا اللي حاصل.

يا ريت تحصلون حل للموضوع .

ملاحظة : هو ما يقدر يطلع من دوامه وطول فترة شغله يكون بالموقع لمدة خمس ايام.


مثال . داوم السبت نزل الاربعاء ( 5 ايام عمل ) من الخميس الى السبت (3 ايام اجازة)
الاحدالى الخميس ( خمس ايام عمل ) من الجمعة الى الاحد ( 3 ايام اجازة)

وهكذا

يعني هو ما يبغي ينزل اجازة وبعدين نظل في ابوظبي علشان جيه هو يحس انه دوامي ما يناسب . لو كنت في دبي او الشارقة افضل بحيث اني بكون في كل الاحوال بالبيت سواء هو اجازة او دوام

وانا ما ابغي اترك شغل

اباكم تساعدوني