التجمع الثاني لأمهات شهر(6) يونيو 2012 لشهر رمضان

مبروووووووك
وربي يخليه ويحفظه هو واخوانه يااارب
فعلا هم وانزااااح
صراحه مدري وش قصتهم مع البنج لو بيخيطون اصبع مجروح حطو بنج كيف الطهاره والله تحتاااج بنج
الموعد للاحتياط عن الالتهاب والنزيف لما طهرت سوسو ماعطونا موعد بس قالو اذا حصل شي لاسمح الله نجيبه طوارئ
والحمدلله ظل الشاش ٣ايام وحسيت ان فيه ريحه صبيت عليه زيت زيتون ونومته بعد ماصحى الا الشاش طاح وافتكينا
الله يعينك ع الصياااح

الله يبارك في حياتج...

الحمد لله ارتحنا... و صدقتي مدري ليه ما يبنجون... على كلام الدكتور إنه ما اخترعوا بنج للأطفال، عاد مدري هو صادق و لا يألف علي خخخ
و علي ما حطوا له شاش، حطوا له الحلقة البلاستيكية نفس راشد و هي تطيح لحالها... حتى ما كتب له الدكتور مرهم قال ما يحتاج بس غسليه بماي دافي... و أغسله عادي ما يعوره، و كتب له مسكن نقط عطيته أمس مرتين و نفس الشي قال لو في نزيف أو تكرمين ما تبول نجيبه الطواريء... لكن اليوم الحمد لله صار عال العال...

مسكين راشد أمس ارتاع لما شاف أخوه و عصب عالدكتور يقول ليه طلع له دم؟ قلت حتى أنت سووا لك نفس الشي... قال و عليا؟ خخخ قلت عليا خرقنا أذانيها قام عفس و جهه و قعد يصيح ههههههههه

هلا فيك
وش مااخترعو بنج للاطفال بنج موضعي فقط
دوري عمره ٥٠يوم ومسوين له عمليه ببنج كامل والدكاتره لازم يخرعونا بس

ولا واحد من عيالي تطهر بطريقة الحلقه بس اسمع عنها ومسكين رشوود تفاجأ هههههه عزوز صار يصيح بعد لما شاف سوسو نسى نفسه خخخخخ

وربي يبلغك فيهم

ابشرك خلصت النيولوك من قص وصبغ وتشقير وحنا عقباالك

ما شاء الله... عليج بالعافية النيو لوك F:

ها متى بترجعين بيتج؟ :D

أنا برجع اليوم إن شاء الله و بقص بالدمام... أما الحنا ما ظنيت أتحنى بو رشود ما يحبه... بس وصيت حمواتي إذا جابوا حناية للعيد يعطوني خبر لأن عليا تعشق شي اسمه حنا و تنقش... عيد الفطر العام أنا نقشتها خرابيط و استانست عليه ههههههه

سلامات ليش سويتوا عملية لدوري بهالعمر؟

تصدقين أمس وديت علي موعده و توقعت مثل ما قلتي بس بيشيك عليه، لكن تفاجأت لما الدكتور شال الحلقة :-o الحلقة عادةً تطيح لحالها رابع أو خامس يوم لما يلتأم الجرح، و هذا ترك الجرح مكشوف و صار مسكين يتحرقص لما يسويها تكرمين و لما أغسله... و قال بس غسليه بماي و بيطيب إن شاء الله... اليوم أشوفه أحسن بس شكله يعور القلب... الله يعينه...
و غريبة للحين عندكم يسوون تطهير عادي... أغلب المستشفيات الحين بالحلقة... أريح و الله من الشاش...

مساء الخير
رجعت شقتي امس ولله الحمد
وع الحنا لازوجي ولا العيال يحبون ريحته بس عن خاطري ظهر اليد خخخخ
طهرت سوسو بمستشفى المانع بس ماعندهم الحلقه وحاولي تحطين على علاوي مرهم عشان مايلتهب الجرح
دوري سوينا له العمليه لانه انولد بخصيه هاجره يعني فوق ماانزلت وقالو لعمر السنه لو مانزلت بيسون عمليه او اذا حصل انتفاخ وفعلا انتفخت وطلع في فتاق بالكيس تحت والحمدلله سوو له العمليه الساعه ٣ الفجر والحمدلله ربي سلمه
ربي يهديهم ويبلغنا فيهم

صباح الخير عالحلوين F:

الحمد لله على سلامتج و طلعتي من الشر إن شاء الله F:

يا عمري دوري الحمد لله على سلامته و لو إنها متأخرة، بس اسم العملية يخوف... الله لا يوريج فيهم مكروه ياا رب...

أبشرج علوي صار طيب الحمد لله... بس يختي للحين متعبه هالمغص و على الله ثم على هالقطرة اللي أعطيه... مدري متى بنخلص منه...

F:

مساااء الورد

الله يسلمك والشر مايجيك

وتسلمين يالغاليه وربي يحفظ لك احبابك

اي والله هالمغص اللي متعب عيالنا ولدي من جهه يتأوه وولد عمه اصغر منه ب20 يوم نفس الشي يتأوه من جهه ثانيه خخخخخ
انا صرت اعطي سوسو شاي اطفال بالبابونج والحمدلله يخف عليه واحيانا يرجع له الالم الله يعينهم يارب

أجمعين يا رب F:

يا زييينه سوسو عنده صديق ههههههه الله يحفظهم و يعينهم على هالمغص...

أقووول... ايش استخدمتي مانع :D

أنا للحين و لا شي و ربي يستر... ودي باللولب بس متخوفة و ودي بالحبوب بس أخاف تعفسني زي قبل! مدري شسوي :hysterical:

Daisy Ash;16215083:
أجمعين يا رب F:

يا زييينه سوسو عنده صديق ههههههه الله يحفظهم و يعينهم على هالمغص...

أقووول... ايش استخدمتي مانع :D

أنا للحين و لا شي و ربي يستر... ودي باللولب بس متخوفة و ودي بالحبوب بس أخاف تعفسني زي قبل! مدري شسوي :hysterical:

اللهم امين
صايرين نسميهم التوأم خخخخخخ

وانا بعد مثلك مااستخدمت شي
الحبوب ماتناسبني واللولب يخوووف :|
من قبل جربت التحاميل وبحذر شديد خخخخخخ
وانتظر الدوره تجي عشان استخدم الحسبه
والله يعينا

مرحبا أم عبد العزيز...

شخباركم عساكم طيبين... و كل عام و انتي بخير إن شاء الله F:

هذا أول عيد للكتاكيت دوري و علوي و عقبال المية إن شاء الله :L:

بتكشخين دوري؟ يقولون لي لبسيه ثوب كشخيه بس حرام نتفففة أصلاً ما أظن في ثوب قده إلا إذا بفصل ههههههه
و جاتني له هدية بدلة من شيكو أوفرول جينز قصير لونه بيج مع تي شيرت مقلم، حلو بس حسيته مو مريح باللبس لهذا العمر، فقررت ألبسه ملابسه العادية أريح له و هو أصلاً بيكون في اللفة محد بيشوفه!

الله يبلغنا وياكم كل خير F:

هلا بك ام رشووود
وانت طيبه وكل احبااابك يارب
وش فيك صغرتي دوري خخخخخخ قصدك سوسو
كشخته لبسته بدلة بحار خخخ من اتش اند ام وثاني يوم بدلة نفسك جايتني هديه قطعتين بس لازم يفلون اللفه ويشوفون الكشخه ههههه
الله يهديهم ويصلحهم يارب

عيدكم مبارك وكل عام وانتو بخير