تجهيزات عرائس ' مملكة البحرين ' لشهر رمضان 1433 - 2012 م / الجزء : 91 »

ema_85 · 2012-07-21T14:36:25+03:00

بسم الله الرحمن الرحيم نفتتح على بركة الله الجزء 91] لشهر رمضان ] 1433 - 2012 م لعرائس ( مملكة البحرين ) ♥|.. بداية تذكير مهم جداً بقوانين القسم وأرجو من الجميع الإلتزام بها : http://forums.3roos.com/images/aljmal_rules1.gif http://forums.3roos.com/3roos656701/

م

ملكة بس اميرة

عروس مشرقة

24-07-2012 | 09:30 AM

صبااااااااااااااح الخيييير
مبارك عليكم الشهر
وحشتووووني
مبرووووك على الجزء اليديد
واخيييييييييييييييييييراً

بنات إن شالله بإذن الله قررنا ان يكون زواجي في شهر 10 ويكون مثل تاريخ الخطوبة
وباخذ مساعدتكم
ان شالله عقب العيد باروح دبي وقلت باجهز من اهناك
قلت باخذ لي بخوور وعطورات عربية وحلابيات بمعنى ما البس واايد:D بس بعد لزووم الكشخه والكبر
وعباايات بعد ساعدوني شنو آخذ لي

كلوووره
مشكووره حبيبتي على الجدول
ان شالله لنا زيارات

a

abeek o ma2behum

عروس برونزية

24-07-2012 | 11:19 PM

بناات
اذا ماعليكم امر ابي اعرف سعر قاعه برستيج

غ

غلاآ البحرين

عروس رائعة

25-07-2012 | 02:49 AM

مبارك عليكم الشهر يا الغاليين .. و لو متاخره شويونه

مرت اخوي ولدت و يابت لنا (( عبدالرحمن )) ربي يحفظه
طبعا صارلها حاليا اسبوعين ههههههه بس انا من الوناسه نسيت اخبركم
عندي تقرير صغنون عن استقباله
ان شاء الله احطه لكم و تستفيدون منه
و ربي يسهل الولاده على اختي (( ابيك و ما ابيهم )) و توصل عواشه بسلامه ان شاء الله

بالنسبه للعبايات المحلات تصدقون في العيد يضربون هههههههههههه
وآآآيد

ماعلينا اهم شي انتو شخباركم

و لا شكر على واجب اختي رمش

ف

في بيت أبوي

عروس برونزية

25-07-2012 | 05:10 AM

واخيراااا جزء جديد مبارك عليكم الشهر بنات
مخمليات توني شفت تقرير جلوتج ماشاء الله شئ الله يهنيج وابي افضى وانزل لكم تقاريري ان شاء الله

م

ملكة بس اميرة

عروس مشرقة

25-07-2012 | 08:15 AM

صباااااح الخير

ابيك وما ابيهم
اتوقع انهم يحسبون الشخص ب7 دينار وتكون شامله المسرح من غير الورد ولا تزيين الطاولات والتصوير والبوفيه
هذا إلي سمعته والله يسهل عليج وتشرف عوااشه

غلا البحرين
الحمدالله على سلامتها ويتربه في عزكم ان شالله
في انتظار التقرير

عيووون، مخمليات، كلوووره، وباقي البنااات وينكم مالكم حس هل كثر مأثر عليكم الصيام:)
وحشتنه سوالفكم
وفي إنتظار الرد على استفساري

في بيت ابوي
في إنتظار التقارير يالعروس

M

M!ss CoLoRz

عروس ماسية

25-07-2012 | 08:44 AM

ملكة بس أميرة

شدراني جفتكم طاخين .. طخيت وياكم :worn_out:

غير عن اللي ذكرتيه تقدرين تاخذين من دبي قطع حق جلابيات ولا فساتين وممكن بعد طقم دلال .. ولو إنه الحين السوق واحد اللي تجوفينه هناك تحصلينه هني بس بعد دامج بتروحين إخذي إذا حصلتي شي سنع

===========

غلاا البحرين

مبارك ما ياكم ويتربى في عزكم إن شالله

الفال لج يا رب

===========

في بيت أبوي

بانتظار التقارير

@

@eman@

عروس مشرقة

25-07-2012 | 08:53 AM

ماشاء الله عليكم بنات صاخين من قلب
هالكثرر رمضان تعبكم
خخخ

احد يعرف توقيت مجمع الواحة في رمضان

أ

أم علي و مريم

عروس مشاركة

25-07-2012 | 09:44 AM

اعتقد ان المجمعات كلها يفتحون الصبح من الساعة 10:00 ص إلى الساعة 2:00 ظ

M

M!ss CoLoRz

عروس ماسية

25-07-2012 | 10:20 AM

إيمان

وي هالسنة الواحة مادري شفيهم مسوين حركة فاشلة

توقيتهم من 10-2 .. يعني تخيلي الاوادم كله يخلصون دوامات 2 اتيون انتوا وتصكون هالحزة ليش!!!
وبعدين من 8 - 12

نصيحة روحي الستي مفتوح نفس باقي المحلات

ب

برستيج انثى~

عروس جديدة

25-07-2012 | 10:27 AM

قوه
ومبارك عليكم الشهر
بغيت استفسر عن صالون يسوون تاتو الحواجب حلو ومرتب واسعاره مناسبه
مو صبغ الحواجب إلي يضل اسبوع

M

M!ss CoLoRz

عروس ماسية

25-07-2012 | 12:10 PM

تقرير جذي على السريع ينعنشكم شوي

وإذا جفتكم تحركتوا حطيت لكم الباقي

مشروع حرف صاحبته فاطمة الخليفة

تسوي الله يسلمكم تي شيرتات مطبوعين بستايل التايبوغرافي اللي اهوه فن ترتيب الحروف بطريقة فنية لرسم أي شكل

الفكرة شبابية وحلوة حق هدية او حتى حقج شخصيا لو لزوجج او خطيبج حسيتهم مريحين للبيت :adore:

المهم انا خذيتكم بالهيصة قبل لا احط لكم الصور :|

يلا نجوف

والاسعار 10 - 14 دينار
طريقة الطلب تدشون موقعها وطبعا اللي تبيه تقول لي اطرشه لها على الخاص لأني للحين ما ضفته للملف .. المهم تدشون الموقع واهيه شارحة فيه كل شي وتقدرون انتوا تطلبون تصميم خاص فيكم والتوصيل عندها داخل البحرين مجانا

شتبون بعد :D

م

ملكة بس اميرة

عروس مشرقة

25-07-2012 | 01:22 PM

كلوووره
هههههههههههههههههههههههه
مشكوره حبيبتي على المساعده
عااد احنا إذا وصلنا دبي حتى إذا الشي موجود عندنا ناااخذه كأن اول مره جايفينه
ككككككككككككككككككككككككككككك

ومشكووووره على التقرير الجمييل
يلا على يدج ان شالله يرجع الموضوع منتعش
وإذا ما عليج امر ممكن الموقع:o

ا

اخــ القمر ــت

عروس مبدعة

25-07-2012 | 02:40 PM

هلووووووو بنوتات انا رجعت :D

وحشتوووووووني هاااااااااااااااااااااالكثر ايه عليكم :o

شخباركم مين عرس مين انخطب من زمان ماسولفت :lol:

رجعت اليمعه بس داااااااااير راسي ويا هالشقه مب راضيه تترتب :badly:

قلت اطل عليكم اجوف شخباركم كل يوم باطل انشالله ;)

م

مخمليات

عروس رائعة

25-07-2012 | 02:49 PM

غلا البحرين مبرووووووك ما جاكم ويتربى بعزكم ، عاد انا امووووووت على هالاسم من زمان ولو يتغير الزمن يظل حلو ربي ينبته نبات حسن ويجعله من الصالحين

ملكة بس أميرة هذاني اطل كل يوم عليكم والموضوع حده راقد

بالنسبة لشنو تشترين من دبي غير العطور والبخور عندج المكياج اللي مب موجود عندنا اخذيه من هناك مثلا باليت نيكد من سيفورا وبعد روحي ذا فيس شوب عندهم بلاشرات دائرين كيووووت من قلب وعندهم مناديل تنظيف الميكب رهيبييييييين على هيربس ولا اروع وايد أريح من المنظف السائل اللي مع قطن والحلو انه ما يسوي الويه احمر هاي كان مشكلتي لانه بشرتي حساسة هذاني حذفت بايودرما وماك على صوب وما استخدمه الا هو ، أخذي لج فرة في دبي مول المحل اللي مب عندنا دشيه وشوفي شنو احتياجاتج ، الدلال والمواعين انا افضل السعودية أحلى وارخص ، اي صج روحي بعد لاش lush انتي عروس واشياءهم حلوة حق شهر العسل ، عندهم صابونات بس لشهر العسل وعندهم شاور جل جيلي يعني اذا حطيته تحت الماي يتحول جل أخذي العنابي عذاااااب ريحته ويصلح حتى للشعر وعندهم كونديشنر ريحته روعة واخذي سكراب الشفايف وعندهم بخاخ للويه على لافندر وورد ممتاز ينعنش ويعطي نضارة وعندهم سكراب+غسول للويه طبيعي البيست سيلر عندهم

كلورة أبوي يعطيج العافية دائماً تيبين لنا تقارير غريبة ما تخطر عالبال :thumbs_up::thumbs_up:

يه يه يه القمر طالع وسط النهار

هلا حبيبتي قموووورة الحمدلله عالسلامة نورتينا يالعرووووووس انتي شخبارج وعلومج ان شاء الله كل شي تمام ، يالله مشتاقين لسوالفج

M

M!ss CoLoRz

عروس ماسية

25-07-2012 | 02:58 PM

مخمليات

الله يعافيج ان شالله
والقادم احلى بس انتوا عطوني ويه :p

====

قموووووووور

يا هلا ويا مرحباً
حي الله العروس
تو ما نور التجمع
وحشتيييييييينننننننا وااااااااااااايد
مكانج عوود
يلا قولي طلعي اللي عندج:biggrin:

*

**بحرينيهـ**

عروس مشرقة

25-07-2012 | 08:08 PM

مبااااااارك عليكم الشهر يالحلوين

كل الي باركوا لي مشكورين والله يبارك فيكم فديتكم وحدة وحدة ما تقصرون

لاهيين مع شهر الله

وان شاءالله رادة لكم بالتقارير والضور

س

سويت كيك

عروس مبدعة

25-07-2012 | 09:37 PM

هلااا بنات شلوونكم *-*
اي والله الكل لاهي ويا شهر الله ..الله يتقبل اعمالنا واعمالكم

غلااوي
الحمدلله ع سلامتها ويتربى في عـــزكم *-*

كلووره
يعطيج العافيه حبيبتي ع التقرير الحلووو
طرشي لي الموقع ماعليج امر =)

اخت القمر
اهلييين حبيبتي الحمدلله ع سلامتج
وحشتينا اكثر الله ييسر امووورج يارب

o

oioon

مشرفة سابقة

26-07-2012 | 12:37 AM

اتاري المزايين هني وانا ادور عليكم في الجزء اللي فات
صج تفهي تااااايم:lol:

اول شيء مبارك عليكم الشهر...
بس صج حده لويه هالمرة مع العلي...رمضان اللي فات كنت اتدلع واتنسى ومااطبخ...السنة انضربت على راسي خخخخخخخ:p

المهم ياعرايس ياحلووووين حدكم وحشتوني...
قمورة الحمدلله على السلامة...والله يهنيك يالغلا...

ملكة بس اميرة..
حبيبتي العطور ثم العطور في دبي..تينين صراحه عليهم...
ج معلومة ثانية ماكنت ادري عنها،في خياط هناك اسمة بوسالم ضروري تسألين عنه،،،امس بنت اخوي لابسه جلابية تينن مدموجه مابين المغربي والسوارافسكي...حدها حلوة يوم سألتها قالت من دبي،تختارين الموديلات اللي تبينها ويرسلونها لج...

تحياتي

F:
عيوووون

م

مخمليات

عروس رائعة

26-07-2012 | 12:50 AM

في بيت أبوي اسمحيلي فديتج توني انتبه لردج ، عاد صج رجعت شفت التقرير وياانها ذكريااااااات عقبال الكل يارب وزين العرايس اليدد يشوفونه ويستفيدون

يا هلا ويامرحبا عيووووووون الله يبارك فيج ويعينا على طاعته ، إحنا بدون شي وننهار في الطباخ بعد الا عندج ياهل الله يعينج ويهديه آميييييين

ح

حصاصي

عروس ماسية

26-07-2012 | 07:49 AM

حيالله عروستنا الحلوة قمووورة
الف مبروك حبيبتي وحمدالله على السلامه