طفلي عنيد

السلام عليكم حبيبتي
اول شي الله يعطيك العافية و يعينك و يقويك لان صحيح الجنة تحت اقدام الامهات مو من قليل :))
حبيبتي الطفل ذكي جدا و هو يختبر لاي حد ممكن يوصل معك لهيك بدك صببببببببببببرررررررررررر و متاااااااابعة و بصراحة الحل ما رح يصير بيوم و ليلة لان زي ما قلتلك الطفل يختبر قوة تحملك ...
طيب انا ابني قبل فترة بدا يعمل نفس الشي و هو اذا ما عجبة شي بيضرب ... اول شي بصوت حازم (بدون صراخ بس بحزم و نبرة جادة) احكيله لا ماما ما بيصير هيك ... طبعا ما رح يرد .. كمان مرة احكيلة بنفس النبرة كمان مرة بتروح على الكرسي (حددي مكان معين بيقعد فيه لما يعمل اشي خطأ) طبعا بيعيدها و وقتها بتاخدية و بتقعديه بالمكان (لكل سنة من عمر الطفل بيقعد دقيقة يعني السنة بيقعد دقيقة ) ... المرحلة هاي بدك صبر ايوب هههههه لان رح يصيح و يبكي و كل ما تقعدية يقوم ممكن تقعدي سااااااااااعتين على هذا الموال ... لا تعصبي و لا تحكي معاه و كل ما يقوم بترجعيه لحد يقعد الدقيقه كامله في مكانه .... طبعا وقفي كل شي لحد الدقيقة تخلص شو يعني ؟؟ يعني ما في لعب او حليب او حتى غيار لحد ما يقعد و يخلص الدقيقة ... و زي ما حكيت العملية بتااااخد و قت الطفل بيعاندك و بده كلمته تمشي بس تعب ساعة و لا تعب كل ساعة لااازم تكوني هادية و حازمه .... طبعا اذا انتظمتي رح يقعد و رح يضرب بعديها بس بنعيد العملية مرة و مرتين و مليون رح يتعلم و يمشي معك تمام

بس تخلص الدقيقة انزل لمستوى الطفل و احكيله ماما حبيبي انت قعدت هنا عشان عملت كذا كذا و اعطية بوسة ( احنا ما بدنا نعيش الولد بخوف .... لازم يتعلم الاحترام مش الرعب )

الطفل بصورة عامة يطلب اهتمامك يعني اذا صحتي و عصبتي بالنسبة اله انت اعطيتيه اهتمام لهيك رح يعيد الموضوع... عززي السلوك الايجابي و اعطيه اهمية كبيرة عشان يصير السلوك الايجابي هو طريقه لاهتمامك ... ان شاء الله بصبر و متابعة بتمشي الامور و لااااااااااااااااااا تستسلمي ابدا لان هيك بتعلميه انه اذا بكى و صاح رح يوصل للي بده اياه و بيخرب كل شغلك.. بدها اسبوع تعب بالكتير بس بعدين بترتاحي ان شاء الله

و ان شاء الله اكون افدتك

مشكورة يااختي سوسو على النصائح انشاء الله اقدر اطبقها

الله يعينك

كلا أختي سوسو صحيح مياه بالميه يعطيج العافية ويقويج

مشكووووورة

جد الجيل هذا صعب وعنييد الله المستعان

الله يعينك ويعيننا انا بنتي نفس الحكايه الان ثلاث سنوات وعنيده جدا كل شي تشتيه تاخذه بالبكاء وبكاء بصصوت عالي حاولت كل الوسائل مافي فائده ربنا يعيننا ويهديهم ويحفظهم لنا