السلام عليكم ورحمة الله وبركاته
اشحالكن خواتي وحبيباتي بنات عروس الغاليات؟؟
خصوصا خواتي اللي ما انقطعن عني ويتواصلن ويايه على الخاص دوم فديتهن
ما بطول عليكن حبيباتي
حبيت أبشركن بأني حامل للمرة الرابعة ولله الحمد
وحالياً أنا في الشهر الخامس عسى الله يتمم علي وعلى كل حامل بالخير
في البداية
للخوات اللي ايحبن ايعرفن قصص حملي وولاداتي
يسون بحث على مواضيعي وبيشوفن كل المواضيع بإذن الله تعالى
المهم كالعادة
عقب الولادة الثالثة
ابتديت أمنع الحمل بالطرق الطبيعية
لأني كل مرة أقول خلاص
لازم أرتاح شوي وأتفرغ للعيال أكثر
لكن سبحان الله
أنا أريد وأنت تريد
والله يفعل ما يريد
إرادته سبحانه فوق كل شيء
كنت أرضع بنوتتيه رضاعة طبيعية لمدة 6 شهور وعقب ابتديت أدخل لها صناعي
لأنها ابتدت تاكل فديتها
وكملت البنوتة ربي يحفظها 9 شهور
وأنا خلال هالفترة سجلت في الجامعة عشان أكمل الماجستير بإذن الله
ورجعت وداومت في وظيفة يديدة ولله الحمد
ومن أول شهر دوام
اكتشفت بأني حامل
والموضوع وما فيه
كنت في الجامعة
وكان طايف عن موعد الـ .... كم من يوم
وأنا طالعة من الجامعة .. مريت الصيدلية وشريت تحليل حمل منزلي
أول ما وصلت البيت .. على طول على الفحص
النتيجة ظهرت
ومابين أي شي يدل على الحمل
وقلت خلاص الحمدلله .. يعني مجرد تأخير الـ ... مب معناته حمل
واتطمنت
لكن عقب ثواني بسيطة .. لاحظت ظهور خط خفيييييف .. وااااااايد خفيييييييييف
مستحيل الوحدة اللي ما عندها خبرة اتلاحظه
انصدمت .. وتميت مصدومة
واترييت شوي عشان أأكد أنه الفحص إيجابي
وعقب وكالعاده ظهرت لريلي أخبره باللي صار
واتصلت بالوالدة عسى الله يطول بعمرها ويخليها لي وخبرتها
قالتلي "مبروك انتي حامل"
قلتلها لا مستحيل الخط واااايد خفيف .. يمكن أنا أتوهم
قالت لي سيري المستشفى وبتتأكدين بإذن الله .. وإن شاء الله انتي حامل
سرت المستشفى عشان أتأكد
والفحص أكد الحمل
دوم أردد .. الحمدلله ..الحمدلله .. الحمدلله على كل نعمه
يمكن نحن نتضايق يوم يتوالى الحمل ورا بعض
يعني بنتي كان عمرها 10 شهور وحملت بولديه
ولديه كان عمره 9 شهور وحملت فبنتي
وبنتي كان عمرها 9 شهور وحملت في هالبيبي
لكن كله أرزاق
وعطايا من رب العالمين
وهو سبحانه له حكمته
والحمدلله أنا واااايد أحب اليهال وأحب أنهم يترسون علي البيت بإذن الله تعالى
وأدعي دوم أنهم يكونون من الذرية الصالحة الحافظة لكتاب رب العالمين واللي تعرف تعاليم الإسلام
وعسى ربي يطرح فيهم البركة ويكونون بارين فينا في الدنيا ويدعون لنا بعد مماتنا
آاااااامين ياااااا رب
خواتي
حبيت أشارككن فرحتيه
وأطلب منكن فنفس الوقت أنكن تدعن لي بالخير
وتدعن أنه ربي يحفظ لي ريلي وعيالي
ويتمم لي حملي على خير ويرزقني الذرية الصالحة كاملة الخلق والخلقة من غير زيادة ولانقصان
آاااااااامين يا رب العالمين
وعسى الله يرزق كل محرومة الحمل .. عاجلاً غير آجل
ويسهل الولادة على كل حامل
ويرزقها الذرية الصحيحة السالمة يااااا رب