التجمع الأول لأمهات شهر (6) يونيو 2012 لشهر شعبان

ام راشد ووووووينك ؟
شكلك رحتي بيتك وانشغلتي

مبارك عليكم الشهر جميعاً...

الله يعينا على صيامه و قيامه و يتقبل منا صالح الأعمال F:

*الفراشة*;16179030:
مرحبا مااامات كيفكم
وكيف الصغار
احس مااافي وقت ابد ادخل
طهرنا حمود يوم الاحد وكل صيااح تعبني
الحمد لله بدأ يخف بس ماتوقعت التطهير كدا انصدمت وعورني قلبي

واحس خلاص ودي ارجع بيتي قبل رمضان بس ماما موراضيه
اكمل الاربعين 15 رمضان تقول ارجع على العيد
ودي اعرف ليش هالعادات لازم اربعين يوم مللل وودي اطلع خلاص
وعندي سؤال
متى يرجع بطني مثل قبل ؟؟ ببنتي رجع بسرعه
هالمره طولت !!!!

هلا و الله الفراشة...

كلنا بخير عساج بخير إن شاء الله...

الله يكون في عونج... أكيد مع زحمة العيال الله يصلحهم الواحد يالله يلقى وقت يحك راسه خخخ

و عالبركة طهور حمودي... ارتحتي الحمد لله... و ما عليه يصيح الحين و يكبر و ينسى :)

أنصحج لا تفكرين ترجعين هالفترة، خصوصاً برمضان تعب زيادة عليج... خليج عند الوالدة الله يحفظها لكم و سمعي كلامها...

و البطن ياخذ له وقت... أنا في عيالي يبدا يرجع بعد 4 شهور تقريباً...

أم عزوز001;16179892:
يسعد ايامك يارب
لا دخيلك هونت خخخخ يادوب نلحق ع الحلبه :-#
الله يعينك اجل ع كذا اخر رمضان طهريه واستقبلي العيد مرتاحه ;)
الله يسلمك ،اقرا عليه كل ليله ويارب يشفيه

مغااااامره جد بس عشان تتعودين ع الوضع الجديد:lol:
الله يعينا ع السوووووق انا ماخذت لي ولا للعيال شي
ولازم النيو لوك بعد النفاس القص والصبغ والحنا
خذي لك كم يوم بيت اهلك برمضان بعدها روحي لما ترتبين اغراضك ع الراحه

سوسو جاله إسهال وشفت بحفاظته خطوط دم :'( ويتأوه من بطنه بكرا عنده موعد وبشوف اخرة كلام الدكتور ولا بغيره واستشير دكتور ثاني
جايني الم بظهري هاليومين مدري وش قصته الله يعينا ياااااارب

أم عزوز001;16180430:
توني جايه من موعد سوسو
قال الدكتور استمر على الجل وعطاني موعد ع الاحد بس صراحه زهقت من المستشفيات
والجل سبب له الاسهال
امي قالت نتوكل على الله ونعطيه مره وان شاء الله تختفي الفطريااااات

أم عزوز001;16181331:
كل عام وانتن بخيررررر
ومبارك عليكن الشهر


والله يعينا ع القضاء ان شاء الله

أم عزوز001;16182384:
ام راشد ووووووينك ؟
شكلك رحتي بيتك وانشغلتي

هلااا أم عبد العزيز...

و كل عام و انتي بصحة و سلامة إن شاء الله...

و مبارك علينا و عليج F:

شفتي! رجعت بيتي أمس و عينج ما تشوف إلا النووور :confused:
كأني تحسفت إني رجعت بدري خخخ بس ياللا الحين و لا بعدين التعب واحد الله يعين... و بس يكبر علوي شوي يهدا و تصير الوضاع تمام إن شاء الله...

الله يعينج على تقضي السوق، خلي سوسو عند الوالدة و روحي عشان تتسوقين على راحتج...

و سلامة سوسو ما يشوف شر يا رب... سوي زي ما قالت الوالدة المرة دوا و إن شاء الله يطيب عليها...

علوي و انتي بكرامه عنده إلتهاب مكان الحفاظ، لكن مو تحت الإلتهاب جاي بمفصل الفخذ من داخل و عالجهتين، و أدهنه بمرهم أفالون في كل مرة أغير له لكن ما في فايدة، لدرجة إنه يصيح منه و لازم على طول أبدل له و أهويه شوي... محتارة مدري شسوي معاه!

انتي شلون ظهرج الحين! إن شاء الله أحسن!

ههههههه استعجلتي الله يهديك تحملي شوي شوي وتتعودين الله يعينك
ومايشوف شر علاوووي شوفي لك علاج ثاني احس افالون بس اسم وغلاء بدون فايده شريت جل يريح الم الصدر ومااستفدت ورجعت ع زبدة الكاكاو من بالمرز كنت استخدمه في الحمل وريحني
بديت اعطي سوسو مره مسكين يصيح ويصارخ من بطنه الله يعيني ويشفيه
افكر من الويك اند الجاي انزل السوق ع فترات ويارب اخلص بسرعه
ظهري مره كويس ومره لا ،،،اظن من سحبت دوري ونزلته فراشه هذا السبب وفوق كذا جرحي ملتهب ولافكت الغرز خليها على الله

هلاا أم عبد العزيز... الشر ما يجييج حبيبتي... اليوم غيرت المرهم حقه و إن شاء الله خير... صار لي كم يوم أعطيه تمرة بالرضعة و اليوم طوول الوقت ممغوص و صياح قلت توبة خلاص ما اعطيه عفست له بطنه حبيبي... اما استعجلت صدقتي حتى بو رشود اليوم يقولي كان ما جيتي عالأقل لين يهدا علوي شوي، لانه انزعج صج من صياحه خخخ أفكر إن شاء الله بعد أسبوع اروح لاهلي كم يوم اسوي النيو لوك و اتضبط عدل و ارجع... بشري عن سوسو مع المرة عسى ارتاح عليها! و انتي لا تهملين نفسج عشان الالتهاب روحي كشفي أحسن و انتبهي تشيلين دوري و لا اي شي ثقيل رحمج توه ما رجع مكانه! انا سويت مثلج شلت عليا و جاني مغص قوي و حسيت رحمي تحجر خفت بعدها و لا اشيل شي! الله يكون في عونا F:

هلا بك
يسعد مساك
ان شاء الله يستفيد ع المرهم الجديد اما التمر ماعطيت ولدي الدكاتره يخوفون هالايام واول كنا نعطي عيالنا ولا يصير فيهم شي الحمدلله بالعكس تنظف بطنهم انتي عطيه مخففه وعلى فترات وبيتعود
نعيما وعليك عافيه مقدما لازم النيو لوك يكون مفاجأه
الحمدلله سوسو خف عنه المغص واما لسانه قريت بمنتدى صيادله مصري عن المكركوم الازرق ينحط بعد كل رضعه ويتعافى من الفطريات انا اشتريته واستخدمته مرتين باليوم ويارب يعافيه
الالتهاب شكله طلع لمجرى البول احس بنغزات بالجنوب بحجز لي موعد وبروح ويااارب خيررر

ام راشد عسى صمتي ؟

الله ينعم عليج و عقبالج F:

إن شاء الله ربي يكتب لسوسو الشفا على هالدوا و يرتاح حبيبي... أذكره الميكروكروم كانوا يحطونه لنا و حنا صغار لما تطلع لنا هالفطريات بالفم، أهلنا يسمونها كاث، كنا نضحك على بعض و حنا مصبغين خخخ ذكريات :lol:

و قدامج العافية يا رب ما لج شر إن شاء الله...

و أنا للحين يختي ما صمت :(
نفاسي كريه في عيالي قبل ما أطهر إلا بعد الأربعين بكم يوم... مع إني أستخدم تحاميل ملح عشان تنظف... و أمس سلفتي تقولي خذي حبوب منع الحمل الحين بس عشان أطهر بسرعة و أصوم، بس أخاف أخربط و الحبوب ما ناسبتني قبل، فبخليها على الله و أقضي عالهون إن شاء الله F:

امين يارب الله يشفيه اي والله مسكين العيال يسألون شفيه وليش خخخخ
ذكريااات كانت امي تعالجنا فيه بعد

لا تخربطين صبري تطهرين بعدين خذي الحبوب وانا استخدم تحاميل الملح والمره لعل وعسى اطهر قبل نهاية الشهر خخخخخ
والحمدلله ع صحه وعافيه ونقضيه بيسر ان شاء الله
الكل يضحك علي ان هذي ثاني مره افطر برمضان ، بولاده عزوز من بدايته لاخره
الله يعينا يارب

أم عزوز001;16184887:
امين يارب الله يشفيه اي والله مسكين العيال يسألون شفيه وليش خخخخ
ذكريااات كانت امي تعالجنا فيه بعد

لا تخربطين صبري تطهرين بعدين خذي الحبوب وانا استخدم تحاميل الملح والمره لعل وعسى اطهر قبل نهاية الشهر خخخخخ
والحمدلله ع صحه وعافيه ونقضيه بيسر ان شاء الله
الكل يضحك علي ان هذي ثاني مره افطر برمضان ، بولاده عزوز من بدايته لاخره
الله يعينا يارب

هلا أم عبد العزيز...

شخبارج و أخبار الأهل و العيال... عساكم بخير إن شاء الله F:

صار لي يومين حايسة ما فضيت أدخل! و اليوم كانوا سلايفي عندي توني أقعد عالنت... و المحروس بس صياح ما يمهلني أسوي شي الله يصلحه...
و الحين نايم لكن متحسفة أقوم أنام أبي أقعد أروق لحالي :worn_out:
و أبشرج إلتهاب الحفاظ الحمد لله خف بعد ما غيرت له المرهم... و اليوم اسم الله عليه كنت مريحته و هو مبسوط يسولف أووه أووه قمت أكلمه و أناغيه و ابتسم لي حبيبي تمنيت إني صورت ابتسامته فديته :adore:

على الصيام إن شاء الله ربي يعينا و نقصيه بشوال... الناس كلها تصير صايمة نصوم معاهم... دايماً أصوم القضا بشوال على طول ما أحب أأخر عشان ما أنسى أو أتعيجز أصوم لحالي بعدين!

F:

[]هلا أم عبد العزيز...
هلا بك زووود
شخبارج و أخبار الأهل و العيال... عساكم بخير إن شاء الله F:
الحمدلله الكل بخير طمنيني عنك وعن العيال؟

صار لي يومين حايسة ما فضيت أدخل! و اليوم كانوا سلايفي عندي توني أقعد عالنت... و المحروس بس صياح ما يمهلني أسوي شي الله يصلحه...
و الحين نايم لكن متحسفة أقوم أنام أبي أقعد أروق لحالي :worn_out:
ماالومك والله تعب البيت وتعب البيبي الله يعينك يارب
اي والله لما ينامون نتفرغ لانفسنا شويه :thumbs_up:

و أبشرج إلتهاب الحفاظ الحمد لله خف بعد ما غيرت له المرهم... و اليوم اسم الله عليه كنت مريحته و هو مبسوط يسولف أووه أووه قمت أكلمه و أناغيه و ابتسم لي حبيبي تمنيت إني صورت ابتسامته فديته :adore:
الحمدلله ومايشوف شر يارب ،،،، تهبل ابتسامتهم العفويه ع قولة دوري ليش سوسو يفتح فمه كذا مو مستوعب انها ابتسامه :confused:
على الصيام إن شاء الله ربي يعينا و نقصيه بشوال... الناس كلها تصير صايمة نصوم معاهم... دايماً أصوم القضا بشوال على طول ما أحب أأخر عشان ما أنسى أو أتعيجز أصوم لحالي بعدين!

ايوا اكيد ع طول نصوم وصادقه عشان ماننسى بعد
الله ياجرنا يارب

شخباركم بنات الله يعطيكم العافية
انا وريما تمام وريومة هادية وحليوة بالنهار بس يجي الليل تصيييييح الله يعين