ساعدوني اكوون الثانيه او اتنازل ؟

الله يكون في عونك ويمجمعك مع من احببتي

وانا اقول نصف من احببتي خير من عدمه كله

عروس الخيال

ادري انه كلامي ثقييل وااااايد مش شوي


بس عادي مادام هو رجال زين عادي

وايد سوووها


زوجهم القاضي لانه في هاي الحاله بيكون هو الولي

لانه الاهل في حالتج وضعهم العناد بس مش لانه واحد مش زين

وهو شوفيه مسكين اشقد متمسك فيج ... وبصراحة لا تتنازلين

الواحد وين بيلاقي حد يحبه في هاي الايام مثل الحب اللي انتي لاقتنه

ولا تتنازلين .... وبعدين لو خذتي واحد ثاني الله يعلم شو بيكون

صح ولا يحبج ولا ... ولا بس ماخذنج عشان استقرار اسري بس

يعني زوجة بس وام عيال ولا شيء ثاني


انا مادري هذي من وجهه نظري

غرنوجة
ليتني بقوتج ان جان خذته

السلام عليكم..

انا مع الأخت مرموم ف كل شيء قالته..

ليش كل هذا؟ عشان الحب؟؟


اوكي شيء حلو ان الانسان يحب.. بس الحب الحقيقي ييي بعد الزواج (هذا رأيي انا ويمكن ما توافقيني) بس المفروض انج تفكرين في النقطه هاي.. لأن احتمال انه يحبها بعد الزواج.. مش بايدينه الشي هذا.. بس حتى لو ما حبها بتتم هي حرمته ولها مكانه عنده ولها حقوق و و و ...... أنا صعب اقتنع بغير هذا.. لأن لو السالفه غير جي ما بيرضى انه ياخذها..

واذا هو من الحينه حاطنج بموقف جي.. فكرتي شو ممكن يصير بعدين؟

ولا تنسين الثانيه من أهله وهم موافقين عليها.. وانتي لا..

وانتي قلتي ان أهلج ما بيوافقون اذا هو متزوج..

وقلتي بعد انج ما ترضين تشاركينه مع حد..

والزواج قسمه ونصيب... انتي استخيري واذا الله كاتب نصيب اكيد بيكون لج..
بس أهم شيء الأستخاره..


اسمحولي أعلق على كلام الأخت غرنوجه..

أنا أحترم وجهة نظرج.. بس الأخت ما ذكرت الأسباب اللي تخلي أهلها يرفضون الريال.. فما فينا نقول انه عناد.. وما ظني في عائله ما تبي مصلحة بناتها.. يعني يمكن هم شايفين أشياء مب زينه فيه بس هي لا.. لأنها تحبه.. واللي يحب يفوت وايد أشيا..

وهو شوفيه مسكين اشقد متمسك فيج ... وبصراحة لا تتنازلين

أنا الصراحة ما أشوف انه متمسك فيها..

كيف يرضى يحطها ف هالموقف؟؟ هو ريال.. المفروض يكون قوي

مادري هذا رايي انا..

وأرد أقول للأخت استخيري.. والله يسعدج و يوفقج انشالله

طولت عليكم اسمحولي..

أختكم..

العنيــــــدة™

السلام عليكم ورحمة الله وبركاته


بسم الله الرحمن الرحيم

عزيزتي بالفعل قصتك محزنه ولكن بأقولك يمكن يزعلك

بس خلينا واقعيين .. حبيبتي يمكن الله عزوجل مو كاتب لك

هالشخص والله ما تدرين الخيره وين تدرين انو انا صارلي كذا كان

فيه شخص متقدم لي واهلي رفضوه مع اني كنت موافقه لكن بعدها

تزوجت من شخص تاني ما كنت احبه ابدددد لكن سبحان الله تحول الكره

لمحبه .. والشخص السابق تعرفت ان مايستاهلني ابد

والله حبيبتي خذي كلامي لانو من واقع تجربه ولا تركضين ورى قلبك

لان بتتندمين بعدين وما انصحك ابدددد انو تكوني تانيه بل انصحك انو تدعين

الله ليل ونهار انو يكتبلك الخير ويرزقك الزوج الصالح اللي يسعدك:up:

انا مع اختيه مرمرم واتمنا بعد انج تصلين صلات الاستخاره اختيه لا تفكرين بقلبج وعواطفج بالعكس فكري بعقلج الله ليش معطنا الاعقل بس زينه ولا عشان انفكر فيه في الشي الزين والله الموفق

و الله انا ما اقول غير الله يوفقككم و تاخذون بعض وانشالله ما تكون لج ضرة
وانشالله بدعيلج :smile:

أختي عروس الخيال اصبري والصبر جميل

والموضوع ما يشجع سواء انتي الاولى بتكونين أوالثانية

الغيرة:confused::confused:
أنا جربت هذا وانا الثانية وزوجي صار لي بس

بس صعب الحب بيطير لأن من بدايته مشاكل

لا تزعليين انا اقول تجريتي وبس......... والمثل يقول (( اللي ما يطيع يضيع))

تبين رايي ... صلي إستخاره ... وإذا جفتي عمرج بعدج تبينه وهو بياخذ هاذييج البنت ... خلاص وافقي ... وهيه بتكون مؤقته ... إذا كان يحبج صدق بيطلقها ... وأنتي بتكونيين العزيزه والغاليه والأولى والأخيره ... وهيه خلوها تكرف لكم ...

اسمعوووووووووووووووووووووووووووووني


انتوا صدقتوا انه اهله عقب ماياخذ البنت اللي هم يبونها

بيخطبون له عروس الخيال


هم بس مايبون يخسرونه ةيفشلهم جدام اهل البنت اللي يبونها


والبنت اللي يبونها قالت انا راضيه ياخذ غيري

لانها وبساطة حاطة في بالها انه تقدر اتنسيه حبيبته

اسمعوني خواتي

يمكن كلامي يكون غير منطقي عند البعض

لكن بصراحة انا اشوفه انه متمسك فيها

يعني عشان حطاها في هذا الموقف

شوفوا موقفه هو جدام اهله بعد لا نظلمه

وبصراحة انا حاسه انه هذيل الاثنين يحبون بعض حب قوي
مش اي كلام عشان بعد الزواج يتبخر

وماعليه اللي الله كاتبه بيصير

بس لا تتنازلين عن حقج مهما كان

ومحد يقدر يغرف مصلحتج كثرج لا اهلج ولا حد غير

انتي ادرى بحاجاتج

وبصراحة انا مب هاين على المحبه اللي بينكم تنتهي جيه

تنهونا بنفسكم احسن عن حد ينهيها عنكم

اعرف واحد من اهلنا

نفس سالفة حبيبج

لدرجة انه امه ضربته كانه طفل طلعته من البيت
لانه قرر ياخذ وحدة اختارها قلبه

لكن لاانه يحبها اصر
وراحت امه لين بيت البنت وخطبتها

في البدايه كلهم كرهوها

والحين سبحان الله
الكل مايقدر يسوي شيء الا بحضورها

لانها وحدة مثل النسمه

ترى مافي شيء يجي بالساهل


واسمحولي

انا ما بيج اتعارضين اهلج
انا بس ابغيج ما تظلمين نفسج

والحياه مبادئ

العنيــــــدة™
**عروس*البحر**
NoO نونو NoO
ملاك الحزن
تفاحة
حصــــه
غرنوجة
مشكورين ع تواجدكم وردكم علي خواتي .. وان شالله ربكم بيقدم اللي فيه الخير .. بس محتاجه لدعواتكم

اختى عروس الخيال ...نحن نحب ونجرب ونتعذب ....كل انساان يعرف شو الصح والغلط ...النصيحه تنفع احيانا وتفشل احيانا...
الاسلوب الصح اسمعي نصايح غيرج باختلافها.... وجوفى نفسج شو تريد وشو ممكن تتقبل وصلى استخاره واكثرى من الدعاء والتضرع ...ووزانى بين الكل واتخذى قراراج ....
لا تتسرعين فى اى قرارا بالذات اذا كان قرار مصيرى ...احيانا الانسان يضطر يتخذ قرار يحطم مشاعره وقلبه لكن بعدين يكتشف انه قراراه صح ميه بالميه ...وعسى ان تكرهوا شيئا وهو خير لكم ...اذا حسيتى انج بتتعبين مع ها الانسان ابتعدي عنه ....

الخوات نصحوج انج ما تكونين زوجه ثانيه لحبيبج لكن اسالهم على اى اساس تعارضون شئ حلله رب العالمين .؟؟؟؟؟
ليش اخسر الانسان اللى احبه واتمناه واللى متاكده انه يقدرنى ويحترمنى ومستعد يضحى بالدنيا لمجرد انه اهله اجبروه ياخذ غيري؟؟؟؟
يمكن ما تاخذينه ويكون نصيبج مع غيره وتكونين الاولى بعدج ثانيه وثالثه؟؟؟؟؟؟؟؟؟؟؟؟؟؟؟؟؟؟؟؟
صلى استخاره حبيبتى وربى يوفقج ....

مع احترامى للجميع اختلاف الراي لا يفسد للود قضيه ..
اختكم...

والله الواحد مب عارف ليش الدنيا جذه دايم الأهل يجبرون عيالعم ويحرمونهم من إلي يبونهم وآخرتها محد يخسر غير العيال والله بلاوي تصير بسبة رفض الأهل والأسباب تكون تااااااااااااااافهه ولا الولد ولا البنت يعيبهم شي لا من الدين ولا من الأخلاق لكن الأهل ما يقتنعون إلا لما يدمرون حياة عيالهم بإيديهم

:o حكمي عقلك والحب مش كل شي

انا من رايي انج اتصلين صلاة الاستخاره مثل ما قالت الاخت.
وبعد لا تنسين اهم شي الاخلاق وانه هوه يخاف ربه وانه محافظ عاى صلاته .
ثاني شي اتكون عنده شهاده ويشتغل شغله محترمه عشان يعيش وما تتعذبين في المستقبل انتي وعيالج.

لييييش الحب مب كل شيء




دورولي اثنين متزوجين من ثلاث سنوات

واساللوهم الحب مهم في الزواج ولا مب مهم؟؟؟



بس


ولا بس ييب عيال وبس وانسى نفسك

ودور راحتك برع البيت ووناستك

والحرمه يالسه اتربي في هذيل العيال


ماشي شغل بس اتحدد دورها في الحياه

عيال ومسؤووليه

و زوج راحته برع بيته

غرنوجة أنتي جييه :up::up::up::up:

السهر
والله صدقتي باللي قلتيه

شما الشامسي
من ناحيه الاخلاق والشغل الحمدالله

غرنوجة
واحصيص
:up:
انامعاكم انه الحب شي ظروري عسب ما تنجلب الحياه واتصيير روتينيه بس شو يظمن للي يتزوجون انهم بيحبون بعض او ما ايكون واحد منهم مغصوب ع الثاني او الاثنين مغصوبين ع بعض بمجرد انه الاهل بغوا



micky
من غير الحب ما بتنفع حياتهم ويا بعض سوى كان الحب قبل او بعد الزواج بس هو شي ظروري للزوجين ولا كل واحد بيدور عليه خارج نطاق الزواج


همس الشوووق
اعرف نفسي انا ما بتقبل اكون زوجه ثانيه .. ابصراحه كل شي بصالحها هي الاهل واقفين وياها وهي اتريده وماشي عندهم اي اعتراض وبعدين لا تنسيين انه من اهله ولازم بيي وقت يحن عليها

اما انا لا اهلي ولا اهله راضيين بالسالفه اهلي واهله لهم نفس التفكير انه لازم نتزوج من الاهل ماعندي غير امل واحد وهو حبه لي .. بس البنات يقولون انه الحب بعد الزواج يتغير وهذا اللي مخوفني اكثر

أختي الغالية
اتمنى أن تتقبلي نصيحتي بصدر رحب
لا أقول لك أنه لا يوجد حب قبل الزواج ولكن ما بني على خطأ فهو خطأ
الحب الحقيقي هو ذلك الذي يأتي بعد إرتباطك الشرعي برجل واحد لا غير فأنا أقول لكِ غاليتي
ابتعدي عن هذا الشاب إذا كان لا بد وأن يتزوج بواحدة غيرك حتى ولو كانت موافقة على أن يرتبط بغيرها فهذا الكلام لأنها لم تعاشره بعد ولكن بعد المعاشرة سوف تبذل قصارى جهدها لإبعاده عنك
فلماذا تبحثين عن المشاكل لنفسك
استخيري الله في أمرك وأرضي بما قسمه الله لكِ
ولعل الله أن يرزقك بالزوج الصالح الذي يعرف قيمتكِ ويقدركِ ويستطيع أن يصونكِ
أسأل الله أن يكتب لكِ الخير ويرضيكِ به
تقبلي تحياتي وفائق إحترامي وتقديري

عزيزتي عروس الخيال ..

الحب أهم شي في العلاقة بين الريال والحرمة .. وحتى لو كانت قبل الزواج تراها بعد الزواج تصير أحلى وأحلى لأن العشرة تقويها .. هذا الشي عن تجربة وأنا أقولج إياه ..

أنا زوجة ثانية .. وكنت أحب ريلي قبل الزواج .. وكل اللي حوالينا عارضوا هذا الحب وهذا الارتباط بحجة إنه متزوج وأهله مب راضيين والكلام المعروف مال الأهل :down: لكني أصريت وهو أصر .. وصليت الاستخارة وايد .. وكان الموضوع يمشي شوي شوي في البداية .. لكن سبحان الله اتسهلت الأمور بسرعة :clap: وصارت الملجة والعرس بثلاث أسابيع بس وهذا توفيق من رب العالمين ..

ولقيته بعد الزواج أفضل وأفضل وأفضل من قبل الزواج بالرغم من وجود زوجته الثانية .. وسبحان الله مادري كيف ربي نزع من قلبي الغيرة الشديدة من زوجته الأولى وبالعكس صرت أحب إنه يعدل بينا وما أحب إنه يزيدني عنها .. يعني لما يتحقق العدل تحسين فعلا بالرضا ..

أنا أنصحج إنج ما تتخلين عن حبج وعن حبيبج .. والحب بعد الزواج يكبر ويقوى .. لكن اللي يقولون إن الحب يتغير فهذيل ما حبوا أصلا حب حقيقي .. والحب فعلا بعد الزواج يتغير .. لكن للأحسن وللأرسخ لأن العشرة اليومية تعطيه معاني أكبر وأحلى .. :up:

لكن لو فكرت إنج تتركينه بتعرفي بعد مرور كمن ساعة بس إنج ما تقدرين ولاقلبج ولا عقلج يطاوعج وبتعيشين ألم كبير .. وخلي الحب يجمعكم تراه أحلى وأرق مافي الدنيا .. واللي يلقى الحب الصادق من شخص صعب يلقاه من حد غيره .. وصدقيني لو تزوجتي شخص ثاني وطلع إنسان ما يقدرج ولا يستاهلج بتردين تفكرين في الحب الأول وتتخيلين حياتج شلون بتكون معاه لو اتزوجتوا وهالشي يمكن يأدي للخيانة والعياذ بالله .. الأفضل إنج تتمسكي بحبيبج وصدقيني حتى لو تزوج البنت الثانية لكنها ما بتتهنى معاه ولا بتقدر تنسيه حبه لج لو اشعلت أصابعها نار عشانه لأنها دخلت حياتكم بعناد وتريد تهدها وهو ما بينسى لها هالشي أبد صدقيني وحتى لو كان لها حقوق مثلها مثلج لكن اهم شي القلب يريدج إنتي .. وحتى لو ما خذيتي راحتج معاه بالكامل في السفر والطلعات والتماشي لكن مب هذي هي الحياة .. الحياة هي الاستقرار النفسي والجسدي والحب بين الزوجين وهذا وايد أهم من التمشيات والطلعات .. وهو لو فعلا يحبج ما بيقصر معاج ولا بأي شي حتى في أمور السفر والسياحة وهو بيدبرها بمعرفته أو إنتي ساعديه في التفكير :up:

أنا أكلمج عن تجربة عشتها ولازلت أعيشها وربي يديم السعادة للجميع

واعذروني ع الاطالة

أختج عيون السهد