كم مرة حطيتى مكياج في الصالون وفي البيت؟؟؟؟

R

RoOoOmy

عروس ماسية

21-10-2003 | 12:09 PM

اختي التمساحة

انا راح أقول لك عن تجربتي

انا الحمد لله مكياجي حلو والكل يشهد لي بكذا .....

يعني انا اللي أمكيج نفسي في كل المناسبات وأمكيج امي وخواتي وصديقاتي وحتى العرايس في اسبوع زواجهم او ليلة الحنا

بس في زواج صديقتي قبل كم سنة قلت خليني اروح معاها

وعينكم ما تشوف الا النور من كثرة ما المكياج يفشل ما رضيت ادخل العرس الا بعد ما ترجعني العروس ( لأني صديقة الطفولة الوحيدة ) يعني ما عندها غيري وما حبيت ازودها ودخلت بس والله اتذكر وانقهر لان المكياج كان يفشل رغم انه في صالون كبير عندنا اكيد كلكم تعرفونه ..

من ذاك اليوم لو ايش ما كان عندي من مناسبات ما أروح الصالون مستحيل

بعدين ما أحب استعمل الأدوات اللي في المحلات يعني الفرش والاسفنجات الخاصة بالمكياج يشيلوها من وحدة ويحطونها في وجه الثانية
يعني مكياجي حلو وأروح لصالون مو مضمون ؟؟

بس الله يستر في زواجي عموما راح آخذ معاي شوية مكياج لتصليح اي شي ما يعجبني

تحياتي للجميع

ل

لولــي

عروس رائعة

21-10-2003 | 04:32 PM

كم مرة حطيتى مكياج في الصالون وفي البيت؟؟؟؟

مره وحده حطيت في الصالون وندمت بعد وحرمت ... وكنت معتقده أنه المكياج مالهم بيطلع أحلى عن مكياجي معني أعرف أمكيج بس في آخر لحظه غيرت رايي قلت خلني أسيير الصالون وكان عدنا عرس ...

وكم مرة حطيتي روح وطلع روعة؟؟؟

وااايد وأنا بعد أمكيج البنات إلي من أهلي ... وكل حد يعيبه مكياجي ...

وشو اتفضلون الصالون ولا في البيت؟؟

بصراحه أنا أفضل مكياجي روحي ولا أسير الصالون ...

وشو اللون اللي دايما اتحبينة؟؟

أحب اللون الأسود والتركوازي (الفيروزي) والأخضر الغامق وطبعاً الوردي بدرجاته والبني الغامق مع الذهبي ...

وشو اتفضلون اللي اتحط المكياج هندية ولا لبنانية؟؟؟

لا هذي ولاا هاذيييج

تسلميين حبيبتي التمساحه على هالموضووع ... وكل عام وأنتي بخيير ...:smile:

م

مريم نور

عروس مشاركة

21-10-2003 | 04:53 PM

اما انا سرت الصالون مرة وحدة في حياتي وهي في زواجي

اما في البيت فهو كثير لان المناسبات كثيرة ولله الحمد

الالوان استخدم كل لون يناسب الفستان

طبعا الاسود على القائمة

واحنا في البحرين اللي في الصالونات اغلبهم بحرينيات او ايرانيات عايشين بالبحرين

ا

التمساحه

عروس برونزية

21-10-2003 | 05:40 PM

مشكورات اخواتي على التفاعل في الموضوع

خ

خالدة

عروس مشاركة

22-10-2003 | 01:00 AM

كاتب الرسالة الأصلية : بيبي روز
\والله انا احب احط لنفسي دائما بس اذا فيه مناسبه فخمه وتكون لاشخاص يقربولي اروح للصالون

ع

عضوة

22-10-2003 | 04:53 AM

بصراحه انا جم مره حطيت بالصالون بس الصالون لو مهما يكون مايظبطوونلج كثر ما انتي تسوينه :down: لانهم مايعرفون ملامح الجمال اللي في ويهج ولا من هالامور غير لما انا اكون عارفه اللي يناسبنيي وخطه الكحل الاحلا علي انا افضل مكياجي لنفسي :D2

ا

اللوالو

عروس جديدة

22-10-2003 | 05:11 AM

انا عن نفسي ...

حتى في يوم زواجي حطيت مكياجي بنفسي ...

لاني بصراحه اخاف اغامر نهائيا ...

وبحياتي ما رحت الصالون عشان اتمكيج ...

ممكن اروح عشان التسريحه ... اما المكياج لا وألف لا ...

مع اني اشوفه على بعض الحريم حلو مره ... بس اخاف اخاطر وما يكون عندي وقت اعدّله اذا ما عجبني وهنا تقون الوهقه ...

وتحياتي ...

ه

همم

عروس جديدة

22-10-2003 | 06:57 AM

عن نفسي في زواجي حطيته بالصالون لكن بقية المناسبات أحطه بانفسي أما عن الون أخذ الي يناسب الفستان

h

honey_q8

عروس جديدة

22-10-2003 | 08:54 AM

السلام عليكم ورحمة الله وبركاته

بالنسبه لي انا ما احب المكياج يكون قوي احبه هادي علشان جذي انا احطه لنفسي

بس طبعاا اذا فيه حفله لازم صالون

واحب انا اروح الصالون

وطبعاا مستحيل هنديه تسوي لي مكياج

c

campoocha

عروس برونزية

22-10-2003 | 04:04 PM

انا تقريبا حطيت مكياج بالصالووووووووووون

يوم خطوبتي
ويوم الزواج
وعرس ولد اخوي
واخوي وبس

والباقي بروحي واطلع احلى من الصالووووووووون بألف مرة

لأن اعرف شنو احب وشنو مو حلو على ويهي

وشكرا

d

darmaki

عروس جديدة

22-10-2003 | 04:09 PM

السلام عليكم ورحمة الله وبركاته
احب اني اتمكيج بروحي في البيت بصراحة اخذ راحتي اكثر

n

nonowa

عروس جديدة

23-10-2003 | 12:34 PM

مشكورة اختي على هالموضوع الحلو

انا الصراحه ما اروح الصالون الا في المناسبات وساعات ما اروح الا حق شعري لاني والحمدلله اعرف امكيج عدل .. ايوني صديقاتي وغيرعم عسب امكيجهم وكلهم يقولون اني يوم احط لروحي احلى بمليون الف من الصالون.. لاني اعرف كيف ادمج الالوان بطريقة غربية وحلوه
وكل ما حد يشوف مكياجي حتى يوم اروح باريس غاليري عسب اتشري يسالوني منو حاطلي المكياج:shy:

ا

التمساحه

عروس برونزية

23-10-2003 | 03:11 PM

حلو واللة يابنات الوحدة تتعلم روحها بس ساعات الوحدة تتطر اتروح لصالون

o

om mshmsh

عروس مبدعة

23-10-2003 | 04:49 PM

اخواتي حبيت اعرف كم مرة حطيتى مكياج في الصالون وليش؟؟؟
انا مره وحده حتطيت مكيااج عند الكوافيره وكان زوااج خالتي
واحب اللي تحطلي لبنانيه او اردنيه
واحلى الالوان درجات البني وبالذات الترابي يجنن
:up: :up:
وشكووره

ا

العذاب

عروس جديدة

23-10-2003 | 05:13 PM

هلا اختي التمساحة000
انا احب اتمكيج بروحي لاني اعرف الالوان اللي تناسبني 00 ودايما امكيج خواتي :smile::smile:ونادر مااروح الصالون
وعلى فكرة جربت المكياج الهندي طلع رووعة :up::up:وتعجبني الالوان الفاتحة 000

ا

التمساحه

عروس برونزية

24-10-2003 | 02:09 AM

المكياج الهندي روعة

س

سلطـــــــــانه

مشرفة سابقة

24-10-2003 | 04:33 PM

موضــــــــــوعك روعه

انا من زمان مارحت لصـــــــــالون لاني حريفة مكياج

الا مره رحت له بعرس اخوي

ولما يجي عندنا عرس من اهلنا تلقين كل خواتي يقولون لي

ترا مكياجنا انتي الي تسوينه هم وخالاتي

حتي اذكر مره كنت اسوي لختي مكياج وابي اخلصها

عشان ابدي في نفسي الا وامي جايبه بدلتي حقت العرس

والخدامه حارقه طرف التنوره من تحت

تخيلي موقفي ساعتها نزلت عشان ازفها واهاوشها

لقيتها تحت الدرج منصرعه تبكي

سكت ورديت اسوي مكياجي وكان ساعتها اخس يوم عندي

<<< طولت صح :o

احب الالوان عندي : *الشـــذري " الازرق الفاقع " *

*درجات الاخضر *والذهبي *والبــــردو * بصـــــــراحه كل الالوان

لانه مع الدمج يطلع شي خيالي وخصوصا البـــــــردوني والبني

تحياتي لك واسفه اني طولت

تشـــــــــــــــــااااو

ا

التمساحه

عروس برونزية

24-10-2003 | 06:04 PM

سلطـــــــــانه

مشكورة الغالية الظاهر انج خبيرة مكياج بالتوفيق يارب

f

fatma

عروس ماسية

25-10-2003 | 06:50 AM

:clap::clap::clap:
مووضوووه حلوو

وانا افضل اتمكيج في الصالوون عشان افتك من الصددددددعه هههههههههههههه:D2

غ

غزال الشمالى

عروس نشيطة

02-12-2003 | 04:56 PM

بصراحة رايى من راى عسوالة الفنانات بالمكياج على المستوى العام البحرين والكويت ولبنان ومن كل نواحى الكشخة من ميك اب ولبس واناقة مع احترامى للجميع