مخمليات;16118666:
قمووووورة ويييي شهالحالة !!!
لا ان شاء الله بتتيسر أمورج وبيركبون المطبخ قبل العرس ، انا اصلا كللللش مااحبهم ولو لا سمح الله صارت مشكلة ترى سيدتي زينين وتعاملهم افضل واسعار معقولة
بالنسبة للصواني الشفافة جيكي اللولو وجيكي بعد كارفور ، انا شفت في اللولو بس من زماااااان ، وجيكي بعد منازل
انشالله يارب واذا سووا سوالف باجيك سيدتي
وعن الصواني انشالله باجيك مشكورة حبيبتي :)
**بحرينيهـ**;16119005:
اخت القمر
زين سوت امج صاجة الا اوراق وبتنقط. يلة الحمدلله ما باقي لكم شي الله يسهل اموركم.
اي تعالي تذكرت. في محل كلوور قالت لي عنه يبيع جلابيات بيت ويخيط ويطرز .. تجوفين المحل ما تتشجعين تدشينه تحسين ما بتلقين شي .. .. بس دشيته لقيت عنده جلابيات ستن مطرزين والله زينين حق البيت .. واسعارهم وايد زينة على 9 و 10 دينار. جيكي يمكن ايوزون لج حق رمضان ينفعون للبيت . المحل يصير في دشتج سوق الرفاع من صوب مروج المحرق تمشين شوي تلقين المحل قبل زينة الكويت بمحلين ثلاثة.. اسمه اشبيليا .. جيكيه .
باجوف بعد هالاسبوع بيتنا بيروحون السعوديه جان اروح وياهم اجوف البطايق
وعن المحل باجيكه دليته اي صوب :thumbs_up:
**بحرينيهـ**;16119032:
الله يسلمكم امس رحت معرض ف الموفنبيك ..
اول شي الي ما عجبني انه خلط مو حق النسوان بس .. وكان حرررررررررر مو طبيعي داخل القاعة .. وبعد .. بعض المشاركات بالمعرض ما كانوا يدرون حتى ان المعرض مكس ف كان وايد تحلطم وتصوير وحالة ..
كانت ام حسن يحليلها هناك ههههه تتنقرش في الرايح والياي .
من المحلات المشاركة .. محل غادة الندى للعبايات ... توهم فاتحين محل يديد في الرفاع جريب اللولوهايبر ماركت .. يم مدرسة فاطمة بنت الخطاب . أختي خذت من عندهم عباية للحفلات صراحة شكلها يونيك وغريب ما جفت مثلها من قبل. اختي جافتها لما رحنا المعرض اول مرة .. وقالت بتدور برع يمكن تلقى .. دورت هني وف السعودية ما لقت .. المهم هالمرة جافتها وقالت خاطري فيها لازم اخذها . ب65 دينار خذتها . ورحنا مساعة المحل مالهم ف الرفاع عشان تقصر الشيلة .. جفت دفة اتينن صراحة ب55 بدون تخفيض .. يمكن ارجع اخذها ان شاءالله .
وترى قالو لي البنات راعيات المحل ان عندهم كلللللللل اغراض الجلوة والحنة .. عندهم مسرح ودواشق ومساند وجفير وكل شي كل شي حتى دفة .. يأجرونهم . ف الي تحتاج شي ما شيات تجيك عندهم
وجفت بعد وحدة تبيع جلابيات بيت ومناسبات وتبيع ماسكات وهالسوالف .. شغلاتها وايد حلوة خاصة مالت اليهالو حق القرقاعون .. ماتذكر والله الاسعار .. وكانت تبيع ميك اب بعد .. شغلاتها حلوة وتبيع ف بيتها سكرت محلها .
وبعد صاحبة محل حلم العروس كانت مشاركة وجفت جلابيات حلوة عندها مناسبين للبيت واغلب الي جيكت اسعارهم من 20 ل35 . عجبتني وحدة خضرة عندها قلت يمكن اروح اسوي لي مثلها حق يوم الي بتحنى . بس بسويها حمرة .
وبعد قالت لي انها كانت تخيط وتصمم للأولى ومادري من .. وانها تتعامل مع شخص يسوي زفات خاصة بالاسامي وقالت ان بسعر رخيص بس من اللوية ما خذنا منها تفاصيل . المهم شحليلاتها تاخذ وتعطي جيكوها.
كان وايد في ناس يبيعون اكسسوارات .. ومافي شي يديد نفس الشغلات الحلوة .. كان في وحدة اطقمها حلوة حتى حق اليهالو وتبيع ف البيت واتيي اذا احد اتصل لها ..
اممممم
في وحدة اسمها ام ليان للعطور تبيع عطورات فرنسية اصلية ومكتوب عالكارد مالها انها تبيع العدسات الاصلية وكله حسب الطلب . جيكت عطرين من عندها .. رالف لورين وغيرلان وصج اصليين .. الريحة اصلية وقوية .
بس هذلين الي اتذكرهم.
وان شاء الله بدز حق كلوورة الارقام .
يعطيج العافيه اختي على التقرير :)
oioon;16119386:
السلام عليكم ورحمة الله وبركاته
اخت القمر...
الله يعينج والله...اكره هالسخافه8o| الله يعينج...
بالنسبة للصواني اذا تقصدين اللي تيي معاهم مغطاة او لا،،في الحالتين تلقينهم في تايلوس اللي في المحرق...
اي والله هالاشيه اهيه اللي تكدر
لا قصدي اللي بدون مغطاه انشالله باجيك هناك :thumbs_up:
