تجمع حوامل وأمهات قطر لشهر رجب من عام 1433؛ الموافق لشهر يونيو من عام 2012

الف مبروك لنوران ويتربى البيبي بعزها وعز ابوه .

مساء الخير ~


انا ولدت من أسبوع وجبت بنوتة ربي يبارك فيها ..




الورد :
الخريطيات مافيها .. في حضانة جديدة قريبة من تقاطع ربيعة بن عيسى مري شوفيها ماعندي فكرة عنها
وعندج جيجلز في الناصرية قريبة من الميرة وانا كنت مدخلة ولدي حضانة ليتل بترفلايز قريبة من دوار الشمال


نور :
انا نفس ام الغالين مع ان ودي يتغير النظام لكن متى مادري

مساء الخير



ام الغاليين

نظامج حلو بس اذا خليتها على كيفها متى ما قامت بتلعوزني وما بتنام العصر وهي الحين تعودت على نظامها صار لي كم يوم ما اقعدها فهي تقوم من نفسها على نفس الوقت , حتى الطلعة ما اطلع والسبب عشانها نايمة وتشبع نوم




عذبة

صج كلامج بس 9 وايد وهل وبتقوم الفجر هي جذي وما شاء الله عليها احيانا تقوم الصبح بعد 9 وانا متى بنام :worn_out:




روح

ايام كنتوا تسهرون للفجر هههههه , احسن له الحين




نور الدنيا

هي من جبتها تنام متأخر وحتى لو شبعت نوم هي حنانة الله يحفظها ويحفظ عيالكم




دوحانية

وانا اقول غايبة صار لج فترة , الحمد لله على سلامتكم ومبروووووووك ما جبتي وتتربى بعزكم ان شاء الله





نوران

الحمد لله على سلامتكم ومبرووووك ما جبتي

نوران
الف مبروووك حبيبتي وبتربى بعزكم

دوحانية
الف مبروووك حبيبتي وتتربى بعزكم انشالله
والحمدلله ع السلامه
نور الحب
اي وين كنا وين صرنا الحضانه وايد عدلت رقاده  

نور الحب و روح :
الله يسلمكم ويبارك فيكم

دوحانية
الحمدلله على السلامة

نور
قلت الرقاد حسب العمر ..
ولا ما ينشون الكبار الفجر يقومون 5ونص او 6 عشان الدوام
والصغير مرات يقوم 3 فاعطيه رضعته ويرد يرقد لين 6 أو يقوم 5 او خمس ونص واظل صاحيه معاه

عذبة

الله يعينج والله , الوحدة من تتزوج ما تقدر تنام متواصل

نور
من قال انها تنام أصلاً :085:
آه بس على ايام العزوبية :024:
:019:

والله صدقتو وين ايام العزوبيه وين

مسا الخير
شخباركم


دوحانيه
الحمدلله ع سلامتج ومبروك ماجاكم تتربى فعزكم ان شاءالله
ماشاءالله احس ان توج خبرتينا بحملج

بنات ممكن ترشحون لي محلات لضيافة المستشفى

ابي شي راقي

عذبة وروح

هههههه الصراحة صج ما كنت انام وايد بس كل شي عندي منظم وعلى كيفي

عذبة :
الله يبارك فيج


حايرة :
الله يسلمج ويبارك فيج
الشهور تعدي بسرعة سبحان الله


الحلا كله :
جربي لي لي وايت في النادي العربي
جربت عندهم الساندويتشات والميني تارت و السمسمية

لي لي وايت يوصل للبيت؟؟؟

اوووو بس المستشفي

دوحانيه ,,
شكرا حبيبتي عالرد بس وين مكانه؟؟

وياليت ترشحون لي اماكن ثانيه بعد..
وابي اعرف شنو تقدمون في ظيافة المستشفى
معلي استحملوني شوي اول مره ومااعرف شي

بيبي قطر :
المستشفى بس



الحلا :
مكانه في مواقف النادي العربي في اسلطة هو كوفي شوب ومطعم

ددوحانية


الف مبروك وتتربى بعزكم البنوته وحمد لله ع سلامتج

الحلا كله

كانت ضيافتي من زنجبيل وفطاير من الضيافة

مساء الخير ماميز

شخباااااااااااااااااااركم

عندي سؤال

في حد جرب المصمم عبدالرحيم في مايبيل الي جانب صالون المشاطة الجديد

شرايكم فيه اخيط عنده ولا لا

صباح الورد