التجمع السادس لامهات يناير 2012 شهر رجب

فديتكم حبايب

صدق مثل ماقلتو يمكن لاني مقابلتها اربع وعشرين ساعه
ومثل ماتعلقنه بامهاتنا تتعلق فيني حبيبتي هههه

بنتي مريضه اليوم كل ترجع وترجيعها كل بلغم
ومضايقه حدي عندي امتحان ولا لي خلق شي
وزكمت اكي تعاطس

الا لحظووو وينهااااا
خلتنا نحاتيها
الي عندها رقمها تتصل فيها نطمن عليها

::

فديتكم والله .. كل من سئل عني . .!
اني موجوده .. ادخل بين فترة وفترة اشووفكم .. واشوف اخباركم ..
عبورة الحمدلله زينة .. بس وايد يصيدها صدرها :( .. وتقعد تساعل :( ..
تعرفون دواء ؟ لاني قلت بروح الصيدلية وبشوف وش يعطيني .
لان بين فترة وفترة يصيدها صدرها .
وساعات تزكم من الايسي .

الا بسالكم ؟
للحين تقمطوون اولادكم ؟ او خلاص ؟
ومن فيكم بته او ولدها .. قام يحبي ؟
وشخباركم ويا السهر ؟ تعدل نومهم او للحين ؟


وبعد شفتكم تسولفون عن المشاية .. كلش كلش متشووقه اشترى ..
بس قلت بصبر شوي .. على الاقل لين تقعد .. احسن الى ضهرها ..

هلا لحظو نورتي التجمع وماتشوف شر العسوله

عباي الحمدلله تعدل نومه ينام من وقت ويصحى قبل الفجر بشوي يرضع وينام
والحين بدأ يقلب فديته بس بعده ما يحبي

عبادي من كمل 40 ماأقمطه كان واايد يصيح لما أقمطه

انا بعد بس اول شهرين اقمط بنتي وبعدين خلاص

السهر الحمدلله خف شوي قام يعتدل نومها الحين يعني اتطول النوم بالليل الحمدلله

وعن الاكل بنتي الاسبوع الياي تكمل الخامس فبديت اعطيها من امس مهلبية وكنت اعطيها من قبل سيريلاك وقلت بعد اسبوع او اسبوعين ببتدي اعطيها انواع الخضرة والفواكه كل يوم شي

بيريشيان اي سويت لي قلتيه الحمدلله نزلت حرارته وانا تخوفيت عليه لان التطعيمة الاولى كانت اخف وماصخن جذي .... انا ولدي مااقمطمه لان يقلب ويلتف عليه لحظه وللدي بعدصدره من ولدته والسبب الزكام لانه مزكم فيروح البلغم داخل ومن هلون ابه صدره لازم انظف خشمه واحط قطور والقطور الي احذه هو عبارة عن ماي وملح يعني مو دواء ولو تودينها لدكتور احسن وماتجوف شر

بنات انا باكل ولدي توني ابدأ معاه بعضير البرتقال اول شي ؟؟ ولا شنو ؟؟

عروسة كم عمر ولدج بالضبط؟

عصير البرتقال مايضر ومفيد وفي ناس يعطون عيالهم من اول او ثاني شهر فعادي تقدرين تعطين ولدج بس يكون برتقال سكري ومخفف بالماي تعطينه رقم 2 بس مو اكثر

وعندج منقوع التمر جدااا مفيد وينعطى للاطفال من اول ماينولدون مفيد وايمشي البطن يعني اتنقعين 3 او 4 تمرات في ماي مثلا 120م وبعدين تشخلينه وتعطينه ولدج

انا بنتي بعد تطعيمة الشهرين بكم يوم ابتديت معاها احط بسكوت فارليز مع الحليب بالمرضعه وبعد تطعيمة 4 شهور ابتديت اعطيها سيريلاك مع ماي وبسكوت فارليز مع ماي بالقفشه

والحين بتكمل 5 شهور وابتديت اعطيها فواكه شوية (كمثرى وتفاح) ومهلبية

انتي بعد دوري بالمنتديات والنت عن برنامج الاكل حق الاطفال بسن ولدج وبتجووفين وايد اشياء وتقرين وايد تجارب واختاري اللي يناسب ولدج بس على شرط تبدين معاه الاكل كل اسبوع مثلا تعطينه نوع معين ماتعطينه كلشي مع بعض لأن اولا شي يديد بيكون على معدة البيبي وعشان تعرفين هالاكل تسوي له حساسية او لا

السلام عليكم
لانفضل ادخال اى انواع من الاطعمة للطفل قبل سن 6 شهور
لان حساسية الغذاء اصبحت موجودة بنسبة عالية بين الاطفال
مما يؤدى ايضا لظهور حساسية الجلد او الصدر او العين مستقبلا عند الاطفال
والسبب هو استعجال الامهات فى ادخال الاطعمة للطفل
ممكن للطفل بعد 4 شهور ان ياخذ فقط عصير برتقال مخفف و تفاح مسلوق



ماجستير طب الاطفال و حديثى الولادة






بنات هذا لقيته لما دورت بالنت.


يمكن يضر الياهل لين استعيلنا نوكله


انا قلت ببدا معاه بعصير البرتقال وشوي شري باتدرح معاه بالاكل.

حتى كل الزكاتره اسالهم يقولون بعد السادس نقدر نعطي الياهل اكل



كلاسيكيه ولدي عنرها بع شهور توه مطعمته تطعيمة الاربع شهور

انا اكلت بنتي من الرابع بس شي خفيف

ان شاء الله مايضرها مستقبلا

شخباركم
وحشتوني
هااا من قعد من اليهال
من قام يحبي
من تقلب
من مشى
من قال بابا

بنتي بدت تقعد عدل الحين وتنقلب بس ماتحبي للحين

وكلمة بابا لااازم ايقولونها اول شي ههههههه ايحرون

::

شخباركم ؟
عبوورة مجننتني .. للحين مو راضية تعدل نومتها .
تنام في النهار .. وفي الليل لاا .
وما اقدر اسيطر عليها في النهار عشان تتعب وتنام اللليل .
شسووي :( ..
وبتي صارت تقلب .. ساعات ترجع تعدل روحها
بس اكثر شي تقعد تصيح عشان اعدلها

لحظوو حاولي معاها بشتى الطرق وان شاء الله بتتعود على نوم الليل

يعني طول النهار حتى لو نامت خليها في جو فوضى وازعاج عشان ماتطول بالنوم وبالليل سبحيها او مسديها بالزيت قبل ماتبغينها تنام واعطيها حليبتها ونوميها وان شاء الله بتنام الليل االسالفه بس يبيلها صبر

::

كلاسيكيه ان شاء الله ..

بنات ..!
مذركير الشايع مسوي تخفيضات على كل شي 50 % ..

وين مذركير الشايع؟ اللي في الرملي؟؟

::

اااااي
فيه له فرع في الرملي ..
بنات لا يفوتكم .. العروضات كشششخه
شريت الى بتي جواتي وايد حلوين .. كانو ب 5 و 6 دينار ..
خذيتهم بنص السعر

شخباركم جميعا
فيني نومه
بقوم انام ههه