مرحبا

اختي اللمسه السحريه وحياك الله معنا والف الف مبروك مقدما افتتاح الصالون وان شاء الله اي خدمه تحتاجينها ماراح نقصر معك والله يوفقك دايم وابد

هلا اختى ...ومبروك على افتتاح الصالون...

والله يوفقتج ان شاء الله...
بس لا تنسين تخبرينا عن كل ماهو جديد...في مجال التجميل,,,;) :)

ألف مبروك اختي اللمسة السحرية على العضوية وعلى افتتاح الصالون ... وياليت تعطينا نصايحج و كل الي تعرفينه من لمسات سحرية أقدر استفيد منها قبل زواجي انشالله الي ما بقى عليه شئ

انا والله بعدني ما فتحت الصالون بس قريب انشاء الله وانا صاحبة الصالون يعني مب خبيره لهناك بس تطمنوا الخبيرات الي عندي ما يقصرن وانشاء الله الافتتاح بعد اسبوعين واكيد بطرش لكن حلويات الافتتاح وبطاقة ا ل VIP :) وعشان خاطر عيونكن اول عروس تدخل الصالون على حسابنا (a) العرض جدي;)

اختي اللمسه السحرية

عاد أنا ما يمديني أكون أول عروس اتدش عندج الصالون.. عرسي بعد شهرين... هيهيهي ... بس اذا تسويلنا تخفيضات بييلج دام اني في الامارات الحين قبل لا ارد الكويت انشالله هيهيهيهيه :p

عزيزتي الغاليه والله حياج وتأكدي انج بتكونين صاحبة الصالون يعني كل شي بدون دفع وهاي هديتنا لج وما يصير خاطرج الا طيب

حبيبتي اللمسه السحرية ...

ما تقصرين بعد عمري وفيج الخير حبيبتي و عسى ربي ايوفقج وتفتحين فروع لصالونج بالعالم كله مو بس الإمارات ... فديت روحج أنا بس كنت أتغشمر معاج والله ... وعساج دايمة انشالله. (k)

عزيزتي الحبوبه لكن انا جاده في كلامي انشاء الله الاسبوع الياي بنعلن افتتاح الصالون واتمنى انج وكل البنات الي يدخلون المنتدى يشرفونا واعتبروا الصالون صالونكم :D

حبيبتي اللمسه السحريه

خلاص تسلمين يا عمري بس قوليلنا متى الإفتتاح أو وين بالضبط .. عشان انا مثل ما قلتلج في الإمارات الحين وانشالله قبل لا أرد الكويت امرج (k)

هلا فيك اختي اللمسة السحرية بمنتدى عروس والله زين سويتي دخلتي المنتدى علشان ننفعش وتنفعينا عموما الصالون اللي إن شاء الله والله يوفقك فيه أعتقد إسمه اللمسة السحرية صح ولا انا غلطانة ؟
عموما حبيبتي ألف مبروك وإن شاء الله يجعلل كل خطوة تقومين فيها مباركة إن شاء يدر عليش الربح الوفير
أنا أتمنى أني أفتتح صالون لي بس موقبل لا آخذ دورة في التجميل وتصفيف الشعر علشان على الأقل أعرف راسي من رجلي
انا جارتكم من عمان وإن شاء الله زواجي بعد كم شهر ممكن أمر عليش إذا جيت الإمارات وأعمل برنامج للعرايس إذا عندش ؟
والله يوفقك إن شاء الله
وسلامتكم:)

اكيد اني بخبركم تاريخ الافتتاح بالضبط بس حاليا مب متاكده اي يوم وصح ان اسم الصالون اللمسه السحريه في مدينة ام القيوين مقابل اذاعة ام القيوين وانتي يا عزيزتي شهد78
حياج في اي وقت تشرفينا واكيد بيكون هناك عروض حلوه للعرايس وهم غير العرايس والي تشرفنا ايام الافتتاح بتحصل على بطاقه ال vip
وبهاي البطاقه بتحصل على خصومات في بعض خدمات الصالون انا ما اسوي دعايه حق صالوني;) وانما من خلال هالصالون حابه اتعرف على كم هائل من الصديقات انفعهم وينفعوني وانشاء الله كلنا نكون ايد وحده وانتي عزيزتي هنوف كوني دايما على اتصال بالمنتدى لاني من اهني بخبرج متى يكون يوم الافنناح انشاء الله :) وانتظرج تشرفينا وحياج

مبرررررررررررروك على الصالون الجديد أخت المسة السحررررررية ;)

ومسكوررررررة على دعوة الافتتاح بس للاسف ما أقدر أحضرررر (f)

بس لا تنسيناااااا

أوكية (y)

أم القيوين وين بالضبط حبيبتي اللمسة السحرية؟؟ أنا في الشارقة الحين هل تبعد عنها وايد؟؟؟ اذا وايد بعيدة ما راح أقدر ايي :confused:

عزيتي هنوف مدامج في الشارجه يعني واصله لأم القيوين لان المسافه ما تاخذ اكثر من ربع ساعه بس خبريني لمتى بتكونين موجوده في الامارات :)

حبيبتي اللمسة السحرية ...الله وناسة يعني مو بعيدة :D ... انشالله أنا قاعده هني لين نص شهر 6 ;)

غاليتي هنوف صدق وناسه والله انج تشرفينا ونتعرف عليج عن قرب :)