مرجانة البحار;16125092:
اعذريني ماانتبهت لكلامك
تعبت ياااادوها تعبت
رد علي بعدماقلت له خلص معاملة الطلاق قال لي كبرك عقلك
لاتخليني ضحية مشاكلك مع اهلي وكسر خاطري:'(
قلت له طيب دام انت شاريني وانا شارتنك
انت الرجال وشوف لي حل يناسبنا
حاليا زوجي موجود في بيت اهلي وجالس مع اخواني
وراح ينادوني وقت الي يبغوني وراح نشوف شنو الحل
:(:'(
يابنتي طول مانتي لكي بيت مستقل فيكي
ما اقدر اقول انو انتي مو طايلك الغلط
لو انك عايشه ببيت واحد وتتهزئي عالطالعه والداخله اقول معاكي حق
لكن تقدري تسكري على نفسك وتستقلي بحياتك مع زوجك
والله يهرجو لبكرا ولاتفكري فيهم ولاتديهم وجه خلاص انتهينا
بس كل اشويا ما يبغوني وابغاهم اهلي ومدري ايش
مافي شي بالغصيبه ما يبغو يحتكو فيكي خلاص براحتهم وانتي قصري الحق من نفسك وخليكي بحالك بلا تبغيهم اهلك بلا بطيخ
بالنسبه لزوجك هما اهلو ومحتار بينك وبينهم لانه من الاساس مو عارف المشكله فين
ترى واحد غيرو رايح يسيبك من اول حركه ليكي
ويخلي الحق مع اهلو
ولا تطلي فيه بنظرة شفقه زوجك لو تحبيه وقلبك عليه ما تطلي له انو ما يتصرف ويحط حد ومن الكلام دا
انتي زوجتو تدري يعني ايش زوجتو بس تصرفك قلب الموازين من وجهة نظري
روحتك لبيت اهلك غلط ياقلبي حلي مشكالك من دون ما يدرو اهلك راح تكون عصبيتهم ما تفيدك بشي وخاصة الوالد
ترى كان كلامو شديد لابو زوجك وزوجك كمان
وانا معاه دام ما اجاتك اهانه من زوجك ولاضربك ولاعيب فيكي حاجه طلعتك مالها داااعي
وتراكي مكبرتها وهيا ماتسوي
والله كلمة الطلاق كششت جسمي ترى القلب يحن مره وحده يامرجانه لانه رابطة الزواج موده ورحمه وتضحيه وكلمه طيبه تمحي كل زعل
اتمنى ما تطول المشكله بس بمعلومك قرارك اتسرعتي فيه وغير مسؤول انتي اكبر من كدا
لو عشان الاولاد اقولك هادا رايك لكن تقولي اهلو وطفشوني
لا لا ابدا ولا تزعلي من شي ولاتحتكي فيهم الا من رمضان لرمضان ولى عيد لعيد عشان ترجعي احترامك واعتبارك لانه كمان من حقك تكوني مرتاحه
اسسسفه طولت عليكي