تجمع أمهات ديسمبر 2011 الخامس لشهر رجب

هلا اختي دكتور سم سم الله يعينج وحمد لله على سلامته حبيبي حاولي تخلطي له الجزر او الاكل اللي ما يحبه مع الاكل اللي يحبه ويمكن ياكل وبشرينا لمى تطلع له الاسنان

يتهنى لوكاس بملابسة الجديدة يا كاروووو مبروكين عليه حبيبتي
ومبروك الأسنان يارب عقبال بقية الاسنان والضروس وياكل بيهم كل الي يحبه
أسامة لسة ماطلعله أسنان بس ايده في بقه علطول ويعضعض فيها ومابيحبش يستخدم العضاضة أظن اسنانه ممكن تظهر عن قريب حبيب قلبي
وحشتيني كتير يا ام لوكاس

دكتورة سمسمة حبيبتي الف سلامة عليكي ومبروك بداية التسنين يارب يظهروا بأمان وسلامة
أسامة كمان يباة يومي مش باينله ملامح لو حطيته في سريره لو كان لسة ما تعمقش في النوووووم
برده لسة مش بيسند نفسه لوحده بس بيحب يقعد ونسنده وبيقعد في كرسي مرجيحته وبينام فيها ساعات وهي بتتهز لوحدها
طعمناه النهاردة تطعيم ال6 شهور في مكتب االصحة وطلعنا على دكتوره وعلى ما وصلنا كان دفي شوية والدكتور رفض يعطيله التطعيم الخاص قال تعالوا الاسبوع الجاي يكون اتحسن وعلى ما وصلنا بيتنا كان الولد حبيب قلبي سخن جدا جدا ولونه احمر ومصهد على الاخر علطول قلعته هدومه وحطيته في البانيو بتاعه مليان مية من الحنفية وحميته وحطيته في سريره حبيبي كان مفرهد خالص واديتله بروفين مع انه في عيادة الدكتور كان مديله لبوس سيتال مخفض للحرارة
وبعدها اديته تاني قطارة سيتال بس بعد تقريبا خمس ساعات من البروفين
سألت الدكتور على برطمنات هيرو قاللي لا استني شوية واديله بس الي في العلب الي هي السيريال
بيحبهم الحمد لله ... عملتله امبارح كوسة مسلوقة مع جزر ماعجبوش يظهر ان الجزر ماكانش مخلوط كويس وفي قطع صغنونة لسة فمارتحش وهو بياكل ورفضه ... بس شوربة الخضار بتاعة سيريال هيرو عجبته ماشاء الله
مش عارفة ليه الدكتور قاللي ابعدي عن اي حاجة بتعمليها في البيت هههههههههه الدكتور ده غريب جدا جدا جدا شكلي هغيره
اسيبكم باة لحسن وانا بكتبلكم ببص عليه لئيته نام في المرجيحة وهو عيان ومفرهض خالص فهقوم احطه في سريره وارضعه حبيبي لبس اقرا طير مجروح كاتبة ايه وارد عليها

طير مجروح حبيبتي الف مبروك الأسنان وبداية الوقوف يارب يفرحك بيها
وضحكتيني على شكلها بالضرس ... حبيبة قلبي بكرة أسنانها كلها تكمل وتبئة احلى بنوتة باذن الله

الساعة عندنا دلوقتي سبعة الا ربع صباحا
صحيت على صوت اسامة الساعة اربعة ونص الفجر قمت قلت اكيد عايز يرضع شيلته حبيبي من سريره لئيته مولع نار سخن عالاخر ... زعلت من نفسي اوي اني نمت
بالليل اديته الدواء الخافض للحرارة وعملتله كمادات وكانت الساعة وقت ما اخد الدوا 12 باليل والكمادات اعد اعمل فيها ساعة ونص ونزلت الحرارة شوية الحمد لله وحطيت راسي انا عالمخدة وقلت هتاخد وقتها وتنزل اكتر لما الدوا يعمل مفعوله
صحيت على صوته وزعلت من نفسي اوي اني استسلمت للنوم واني كان لازم افضل سهرانه جنبه وهو نايم حبيبي
اهه الحمد لله اديته بروفين بعد مارضعته الصبح وشغلت الكمادات تاني بس الحرارة فضلت لسة مش عايزة تنزل وجسمه مصهد خالص فقلعته هدومه ونزلته في البانيو بتاعه في المية الباردة من الحنفيه ومع استمرار الكمادات اهه بدأت تنزل شوية ... كمان ساعة ونص كدة اديله قطارة سيتال علشان ماستناهاش لما تزيد تاني .. اهه اعد جنبي في مرجيحته حبيبي بيلعب بس تحسوه كدة مكسور ربنا يشفيه
لو الحرارة عليت تاني انا هروح بيه عالطول المستشفى الي جنب البيت هنا ... ادعوله ربنا يسترها معاه

د سمسمه
اياد عارف ان في احد جاي في الطريق وعاوز يتدلع حبتين
طير مجروح
خخخخ تخيلت شكل البنوته عسل ههههه

ام مشمش
الف سلامه على اسامه
مايشوف شر