ماذا لو صار أختلاط في كليات التقنية
أنزين خلونا نشوف شو بيستوي حق الطالبات لو كان في كليتهن أختلاط
@ أول شي كل الشباب اللي يشتغلون في الدواير الحكومية والجيش .. بيفنشون من شغلهم وعلى طول بيقدمون أوراقهم في الكلية .
@ بتقل نسبة الغياب الى 99 في المية .. على الأقل عند الطلاب .. لأنه الطالبات نادر ما يتغيبن عن دراستهن ..
@ بتنتهي أيام النذالة عند بعض الطالبات .. أيام ما كانت الوحدة مغرورة ما ترظى تعرّف ربيعتها على حد من ربعها الشباب اللي مكوّدين عندها في اللستة ..
@ كل وحدة بتي وصابغة ويهّا بدرام من الألوان .. وبتخلص غرشة العطر بالكامل عليها يوميا ..
@ كل الطالبات بيلسن في آخر الكلاس .. عسب كل وحدة أتنقي الشباب على مزاجها ..
@ هذا من غير زحمة الكافتيريا حزّة البريك .. بيتكوّدن البنات ويا الشباب .. وكل واحد يدز الثاني ويلصق فيه .. ياما بتكثر كلمة ( أوه أنا آسف ... أسمحيلي الشيخة ) في زحمة الكافتيريا ..
@ وفي الكلاس وقبل لا تدخل الميس بتشوف كل طالبة تركظ بسرعة اتحيز لها كرسي روحها وبتخلي الكرسي اللي عدالها فاظي محد ييلس عليها من البنات .. وهذا طبعا كله عسب تتريا حد من الشباب ييلس عدالها ..
@ أتخيل عاد أيام الأمتحانات .. بتكون المذاكرة مابين البنت والولد .. يعني مستحيل أي بنت تقبل أنها أتذاكر ويا حد من ربعها البنات ..
@ حتى الطلاب هب بس الطالبات .. بتلاحظ أنه الواحد منهم شقايل بتزيد عنده الأدب والأحترام .. واللي يقول ما يتذكر شو كام من زمان أنسان تافة ونذل مصلحجي ..
@ وبتلاحظ بعد أنه الشباب بيزيدون من الشعراء والرومانسيين كل واحد بيسرد أحلى وأعذب الكلمات .. لأجل خاطر عيون الطالبات ..
@ وخل عاد الطالبات .. الوحدة بتشوفها من تسريحة شعرها جنها سايرة عرس ما هب كلية ..
@ الشنطة والجواتي والبناطلين .. اللي يشوفهن أيقول عاد محلات سبلاش للملابس الزاهبة .. أوف حلاته طبعا البناطلين .. من تشوفها أتمر جدامك وهيه لابسه هالبنطلون الأستريج المخملي واللا الشمواه .. أتشوف نفسك لازم تقرا على عمرك الفاتحة .. قبل لا أجيّييسك سكتة والل تشققات في البراطم حلجك يعني المحتاس ..
@ واللا عن المكياج اللي يحطنه على ويوهن .. تقول لوحة رسم سريالي من فيل عور ما له خص في الرسم ..
@ لا والمشكلة أنه هناك بعض الدكاترة اللي شادين حيلهم ويا البنات كل واحد عنده مزيونته واللا حبيبته واللا عشيقته واللا واللا ...... الخ .. هذا قبل الأختلاط ... بتشوف عقب الأختلاط انه الدكاترة والأساتذة الريايل .. يحقدون على الشباب الربيشة والغزيييييلة المحترفين هذا الفن الأسقراطي .. بتشوف في عيونهم الحقد والكره والأنانية على الشباب الموجودين في الكلية ويا البنات ..
@ وأحلى شي عاد في الختلاط وقتها .. أنه بتزيد الظهرات والمواعد كل يوم العصر واللا الظهر واللا أي قوت .. بتستوي السالفة ليلام الكل يواعد والكل مواعد
منقول