تجمع الحوامل اللاتي سيلدن في ينـــــ2013 ـــاير ...

k ,v ,v تتذكريني انا وانتي كنا بنفس التجمع في سنة 2009 بالتحديد حوامل اللي يولدون بشهر 7 بس ما اتذكر اذا كان اول حمل لج او لا انا كان اول حمل لي وهذا الثاني وما شاء الله انتي هذا الثالث الله يكمله لج على خير

باركولي دخلت الثامن الله يكمله لنا على خير يارب

مبرووك العولمه دخولج الثامن
عقبال التاسع

اورقانزا <<< ان شالله الاسم صح

بيقولوا تجيبهم من الصيدليه احسن
لان يكون تخزينهم افضل

صباح النعاااااااااااااااااس حدي حدي تعباااااااااانه اليوم...

اورقنزا عندج سيباميد وشركة جونسن في بيبي شوب والصيدليات نفس الشي وفي الصيدليات في شركات ثانيه...
افضل سيباميد لنه طبي وبدون عطور للبدايه للبيبي احسن

شاسوي ووالله ياربنات بنام وعندي ميتنق :(

امس كلش ماقعدت رحت حق جدي اعزيه ورجعت سيده صليت ورحت حق السجاد مع ريلي ورجعت قعدت ربع ساعه وتعدلت ورحت حق وحده من اهلنا مربيه ويوم رجعت تعبااانه حتى جوعانه بس تعبانه اكل
والحين انود بالدوام :(

يالله كتبت رد عريض وطار الله يصبرني

والله بس مافي وقت كتير باقي للبنوتي طواقي الشتاء ماخدتهم وباخد االشامبوات والحفاظات والكريمات والله يسهل يارب

وينكم بنات معقولة مافي احد يدخل الله يعين الجميع

jojo mam;16325702:

ام شيوخ الله يعينك ويسهل امرك

اورجنز اسالي ياعمري ان شاء الله نقدر نفيدك
مع انا ولادتي في الغربة بس رح اقولك للمشتشفي باخد معي شنطة لبنوتي فيها لبسة ولحاف وبطانية لان احنا ممنوع تلبسين البيبي في المشفي الا لبسهم الا وقت الخروج من المشفي يعني كل شي منهم حتي الحفاظات

اما عني ولادتي رح تكوني قيصري فاااول يومين ممنوع البس بيجامة ولا لبسة تانية الا لما يشلون ابرة التغدية واقدر امشي رح اخد مع بيجامتين مريحة وادوات النظافة وملابس داخلية وقطن ولبسة الخروج من المشفي وكريمات

شخباركم بنات
شفيكم صادكم سبات كلش مب وقته

والله انا يا بنات خلاص حدي تعبانه مو قادرة لا امشي ولا شي ولا قادرة احمل اللي في بطني وحركتها ما شاء الله كثيرة تعبانه كثير لا جلسة قادرة اجلس ولا وقوف ولا نوم اااااااااااااااااااه يارب عديها على خير يارب احس روحي فرطت والله

صباح الخير
انا من امس مادري شنو يطق علي قبل ما اطلع من الدوام اقعد واطلع اغراضي عشان تغسلهم الشغاله واليوم طلعت اغراض البيبي يغسلونهم ويكوونهم على الاقل في الويكند ابتدي انزل الشنطه واعرف شنو احط فيها..

ممممم بنات الي عندها لستة الشنطه حق المستشفى تحطها لنا ...

والي عندها بعد افكار تقديمات جديده وغريبه تقول لنا :)

صبااااح الخير بنات.. صايرة مدة مادشيت احس نفسيتي مادري شفيها .. جنه نفسية لين تييج الدورة هههههههههه.. شخباركم .. انه الصراحه بده الثقل يزيد علي والدبه كبرت ماشاء الله صارت دبة حامل صج .. و السلم مستحيل اركبة لان ينقطع نفسي ماقدر اتنفس بتاتاااا وما اركب الا للضرورة .. والله يسلمكم غسلت ثياب البيبي بيدي وماخليت الخدامه تجيس شي من الخرعه ههههههه وبخرتهم وكويتهم وحطيت اللي ابيهم حق المستشفى كل واحد في كيسه عشان اسهل للتبديل بس للحين ماحطيت ولا شي في الشنطة.. وبقى جلابيات النفاس لي باسوي ثنتين عن خاطري ومغصوبة ههههههههه والباقي بجامات طبعا .. بنات باسألكم شنو احسن فوط صحية لبداية النفاس للدم الغزير مثل مايقولون ؟؟

ونسيت اقولكم .. احس بنتي صارت تحت لان احس ريولها تووووصل لي فوق ماشاء الله .. والحركة صارت مؤلمة لان من تتحرك كل بطني يتحرك احس وايد ضيج المكان عليها واااااااااااااااااااايد .. يوم الاحد عندي موعد باسوي التراساوند باجوف وضعها اذا قلبت او لا .. والاسبوع اللي بعده باخذ اجازة من الدوام خلااااص تعبت والله من السلم اللي اركبه كل يوم .. ووووبس اذا تذكرت شي باقولكم بعد

مرحبا بنااااااااات ..

أنا بصراحة احس كلما يقرب الوقت اتوتر لأني احس اشياء واجد لازم اسويها .. وحامله هم الشغالة الجديده اللي المفروض توصل بعد اقل من اسبوعين وشلون اتعامل معاها وشلون بتأقلم على وجودها معاي في الشقة ..

والثياب خلصت منهم تقريباً بس للحين ما غسلتهم وشريت سرير صغير بس الكبير للحين .. ياريت تعطونا افكار من وين شريتون سرير الطفل مع الكبت لأني ما محصله كبت حجمه مناسب كلهم صغار اللي في مذركير .

المفارش المفروض قريب استلمهم .. وبالنسبة للبجامات شريت وحده بس وسويت لي جلابيتين وأحتاج احين اشتري بعد بجامتين على الأقل واسوي بعد جلابية وحده .. واحس روحي مو عارفه شسوي .

السلام عليكم ورحمه الله وبركاته



أولا (((تجهـــيزات البيبي))):

- سرير لنوم الطفل خلال الأشهر الأولى وغالبامايكون على شكل سلة.

- سرير خشبي لغرفة نوم البيبي ويكون كبير نوعاما يكفيه لسنتين أو ثلالث.

- دولاب لملابس الطفل وبعضها يكون في أعلاها حوضأستحمام أو طاولة تغير الحفاض وهو عملي وايد.

- طاولة صغيرة توضع جنبك عشان أغراض البيبيالمهمة. أو سلة.

- المقص والمشط.

-أكياس من القطن.

- الكريم ماقبل الحفاض.

- شراشف قطنية لتغطية الطفل ويفضل تكون ناعمه.

- لحاف أو بطانية.

- جهاز مراقبة الطفل.

- مفرش لحمل الطفل.

• أما بالنسبة لملابس الطفل فيفضل أخذها قطنيةولا تكثرون منها لان البيبي يكبر بسرعه:

- قبعات قطنية وقفازات لليدين وجوارب وأحذيةلينه.

- ملابس النوم ذات أقدام مفتوحه ومغلقة على حسبالفصل الي بتولدين فيه.

- فنايل بدون أكمام وبأكمام قصيرة وبأكمام طويلةالي تتلبس تحت الثياب ويفضل الي فيها طقطق عشان تمسك الحفاض.

- بيجامات.

- صدريات الطعام.

- حفاضات.

- مناديل التنظيف أو فوط صغيرة.

- مصاصات عشان لما يصيح البيبي يمصها وينام.

وكذلك هناك أغراض الأستحمام وهي:

- شامبو ولوشن وبودرة وأسفنجة الأستحمام وأعوادقطنية لتنظيف الأذن وكريم ما قبل الحفاض.

- حوض الأستحمام.

- فوط أو روب.

- جهاز لقياس حرارة الماء.

- صابون خاص لغسل ملابس البيبي.

أما بالنسبة للأغراض الي بتحتاجينها عزيزتي الأمفهي:

*((((0شنطة المســـــتشفىوتضم)))):

- قميص نوم مريح جدا ويكون ثقيل نوعا ما ولهفتحة للرضاعه.

- قميصان أو واحد للإستقبال في المستشفى.

- الفوط الصحية.

- حمالات صدر مريحة.

- شبشب.

- مشط للشعر وشي تلمين به شعرك.

- عطر خفيف جدا ويفضل دهن عود.

- منشفة وأدوات إستحمام وفرشاة ومعجوت أسنان.

أما.............. أغراض البيت خلال النفاس فهي:

- قمصان نوم مرتبة للي بيزورك في البيت أوجلابيات.

- البنطلونات الداخلية القطن.

- أدويتك اذا كنت تاخذين حبوب للرضاعه.

- حمالات صدر مريحة للرضاعة.

- المناديل القطنية التي توضع على الصدر.

- مناشف أو فوط بألوان تضعينها على كتفك للطفلللتجشؤ.

- مفرش لسريرك ويكون أنيق ومريح.

- وسادة صغيرة وضعيه تحت راس الطفل.

- أشرطة كاسيت للقرأن توضع للطفل أثناء الرضاعهوالنوم اذا رغبت.

- كاميرا عادية وكاميرة فيديو إن أمكن لتصويرأجمل اللقطات للمولود في أيامه الأولى وطبعا البوم حلو للصور.

((كيفية تحضــــــير حقيبةالولادة ))

هل هذا هو أول حمل لك ؟هل قمت بإعداد حقيبةالولادة؟ أنت لا تعرفين ما الذي يتوجب عليك تحضيره !

و لا تعرفين ما الذي ستحتاجينه في ذلك الوقت !

للاستعداد لذلك اليوم ما تحتاجين إليه هو:

(ملاحظة حاولي إعداد حقيبتك قبل وقت الولادةبوقت كاف في نهاية الشهر السابع مثلا).

أحضري حقيبة مناسبة بعدة جيوب كبيرة وصغيرةللاستخدامات المتعددة :