تجمع الحوامل اللاتي سيلدن في ينـــــ2013 ـــاير ...

شكرا لكي يا نور الشمس تسلمين على معلومات

ام روانة اي والله ياختي ننتظر اليوم الخبر بفلوس بكرة بنلقاه بلاش

بس قلبي يفزني الحين اسوي التراساوند واعرف جنسه لكن بتمهل


وينكم يا حلوات مشغولين بتجهيزات العيد ؟؟؟

شخباركم اليوم بنات؟؟؟

ماشاء الله مابقى شي على نهايه شهر الخييير

كيفكم بنات شو اخباركم مين طلعت كروشتها ان لسة صغيرة جدا

جوجووووو وانه بعد وايد صغيرة لدرجة ان مايبين علي
بس انه احس ان طلعت لي دبه

توريااااان طلي علينه عقب العيد ههههههههه
انه باسوي مسح ع الاسواق وبابتدي اشتري هههههههه

أهلا يا كروشات أنا كرشتي طلعت شوي بس شوي والله ما جهزت شي حتى أعرف جنس بيبي انشاء الله وبعدين أجهز على بسرعة

السلام عليكم
شخباركم جميعا ...
رمضان خلص ما بقى شي ..والله يعوده علينا بافضل حال ...

الكرشة من زمان طلعت بس الحين احسها كبرت زود ومنشدة .
سالفة التشري انا بديت في التشري بس كلهم محايدين الالوان بس خاطري في الوردي اكثر والفساتين يهبلون ...ما بخسرهم والبيبي يبي له ثياب وااايد في البداية ...

انا مدمنة مواقع بيع ملابس اطفال :o
كل الوقت عليهم وخاطري اعرف جنس البيبي عشان ابدا فالتشري
شكلي الحين بطلب المحايد ...:adore:

والله سالفة الكرشه معاندتني واااايد

حتى من شوي دش علينه واحد كل اسبوع اجوفه
حطمني. يقولي انتي مل ماله وتضعفين
انه ويهي انصفق عباله اني اسوي رجيييييييم

مع اني الصلاه ع النبي لا اله الا الله وايد اكل
يعني ماخلي شي في خاطري بتاتاً

مايندره بنجوف شتقول لي الدكتورة موعدي الياي


بنات احس قلبي يطق بسرعه على اقل مجهود او حتى اذا مافي مجهوود
ليش ؟؟

توريااااان عاد عطينه المواقع
يمكن يعجبنه شي ونشتري

توريان;16217462:

ام حموووووووووود عادي حبيبتي مو شرط كرشتج تطلع
فيه منهم يحملون ويولدون وبسم الله ما شا الله ما يبين ابد عليهم
والوزن بعد لا اتميين تحاتينه دام فحوصاتج طيبة والدم معج بخير ما عليج باس ان شا الله
والف سلامة عليج ان شا الله
يمكن الوهن لان الجسم تعب من الصوم ع نهاية الشهر

بالنسبة للمواقع عادي احطهن فالموضوع والا ممنوع؟

وووريان المشكله حدي ماحسيت اني من النوع اللي مافيهم بطن وهلوون لان انه طويله وفيني خصر ووزني شوي زايد يعني ماقول اني متكتكه. اقل من متكتكه بس مو ضعيفه من جذي توقعت دبتي بتكووون حدها عوده وبامتن
بالنسبه حق دمي نقص ذي الشهر بس واايد زين للحين في السيف سايد
بس اهم شي اهي بخير ووزنها وحركتها اوكي. الحمدالله

وبالنسبه حق المواقع اتوقع جداً عادي لان بنستقيد منهم. وناس وايد حاطين مواقع
ننطر :)

كيفكم يابنات كل عام وانتم بخير

شلونكم بنااااااااااااااات ..

اني للحين ما حسيت بالحركة وقاعدة أحاتيييييييي وخايفة .. مو المفروض اني حسيت فيها من زمان ؟
مع انه الدكتورة تجوفه يتحرك لما تسوي الألتراساوند.

دموع حالمة;16218389:
شلونكم بنااااااااااااااات ..

اني للحين ما حسيت بالحركة وقاعدة أحاتيييييييي وخايفة .. مو المفروض اني حسيت فيها من زمان ؟
مع انه الدكتورة تجوفه يتحرك لما تسوي الألتراساوند.

هلا دموووووع

يقولون بالنسبه للبكريه تحس فيها من الاسبوع 18 لي الاسبوع 20

بس انه مع اني بكريه بس ماشاء الله حسيت فيها قبل
يمكن انتي تحسين فيها بس عبالج غازات او شي
واذا موعدج قريب سألي الدكتورة

مساكم الله بالخير ياحلوات طبعا اليوم راح احكيلكم قصه صار بيه من اكثر من اسبوع اعتقد تذكرون من قلت لكم قبل فتره عندي خفقان وضغط اما صاعد او نازل لتحت ل5 واثناء هذه الفتره كانت عندي حشوه ضرس قديمه وقعت وضل ضرسي مفتوح لجذر لان الحشوه جذريه وطبعا رحت لدكتوره ولسوء الحظ الدكتوره غير متمرسه يعني صار لها سنتين من تخرجت وحشيته كالعاده ورجعت للبيت طبعا هذا الكلام قبل اربعت ايام من حشيته والله والله الى هذا اليوم وانا لاارى النوم نهائيا رجعت عليها قلت لها الحشوه دمرتني قالت عادي راح اعطيكي بندول وكبسول للالتهابات وان شالله يطيب وتصورون كل نصف ساعه اشرب بندول ولا يهود الضرس نهائيا وحسبت البندول الي شربته يمكن 6 او 7 بندولات ماعدا الكبسول وانا على جره الوحده عياط وصياح والم ولا اكل ولاانام واضطريت اروح اليوم الساعه الخامسه عصرا اذهب الى جراح متمرس محترم ونضر الى الضرس قال هناك مشكله كبيره الدكتوره الي وضعتلك الحشوه وضعتها على عصب الضرس الملتهب دون تنضيفه وبسببها ضرسك جدا ملتهب ولا استطيع تخديره لايجوز بسبب الالتهاب ولازم تكونين شجاعه واخلع لكي الحشوه دون بنج تصورو بنات بدون بنج يخلع الحشوه وانا ضرسي يشبه القنبله الموقوته في فمي اتفق مع زوجي ان يمسك جسمي ويدي غصبن علي وربط يدي بس مش بالحبل بايده وصرت ابكي من الخوف لما سيحصل لي من كوارث وسم بسم الله وقام بالحفر وسبحان الله صحيح حسيت بشويت الم لاكن عبرت والله سهلها وهانت وخلع الحشوه وبعد قليل قال لسكرتير اعطيني ابره حفر واذا به يجلب ابره طويله مبرومه مثل البرغي ولكنها رفيعه جدا وقام ببرمها في العصب مباشرتا لان الحشوه اكيد مش موجوده وضل يبرمها الى الداخل قلت له ليش تعمل هيك دكتور قال عشان اخرج الالتهاب والقيح الى الخارج مايجوز يضل محصور؟ بصراحه انا شكيت بالموضوع لكن قلت راح اصبر واذا به يخلها اكثر فاكثر وبعدين صرخت جدا من الم وزوجي ماسكني وانا اصرخ وبعد لحضه سحب الابره المبرومه الى الخارج بسرعه جدا وكان شيء جدا مؤلم فوق ماتصورون وقال الدكتور شوفي ياهديل ايش طلعتلك قلت له ماهذا دكتور قال هذا عصب سنك الي مخليكي الليل ماتناميه ياربي شنو هل كارثه سحب عصب السن بدون بنج وخرج شكله ابيض وقالي عصب سنك ميت وسنك ميت ولكن بسبب الحشوه التهب سنك وهذا اكبر خطاء وقالي الدكتور انتي شجعاعه بما يكفي وقالي اشتازيتي مرحله طوله يمكن شهر او اكثر لان لو مش سامعه كلامي وساحبين العصب لكان بصعوبه شافيناكي وانتي حامل والادويه مش كويسه عليكي واعطاني اربع ابر كل يوم وحده وقال بعد اسبوع تعالي اخلع سنك لانه ميت لامحاله ولايجب تركه ابدا وقلت الحمل هل ياثر عليه قال بتاتا لايؤثر فقط في الشهور الاخيره لانه لو خلعناه في الشهور الاخيره راح ينفتح الرحم ويسبب ولاده مبكره \\\\\ وحمدالله على السلامه ياهدوله \\\\ بنات انا متاكده عين وصابتني والله لان مثل ماتشوفون من مرض لمرض الله يستر علينا وعليكم خلو بالكم من اسنانكم

ماتجوفين شر ام روانه
ماشاء الله عليج شجاعه
والله يبعد عنكم العين والحسد
عليج بالرقية بس

الحمد لله على سلامتك يا أم روانه الله يبعد عليكم عيون شريرة ويبعدها علينا
المرة جاية لا تروحين عند دكاترة الي ما عندهم تجارب لأني أنا كمان عانيت من دكتورة الآسنان ليسة لها تجارب وكتير عانيت معها من لألم والحمد لله على كل حال سلامتك