صباح الاجازة والاسترخاء :D
Greeni;16075447:
بنات من تدليني وين محل مليكه الي في الرفاع ؟
و تعرفون محل عبايات راقيه و ناعمه يعني القصه مميزه و الشغل كوالتي بحدود الاربعين ما يزيد عن هالسعر
شكراً مقدماً
مليكة يصير مجابل رنديفو ومري
إذا بتيين من دوار المنتزه .. خلين المنتزه ومحل قطار العائلة (خمس دوائر) على يسارج وتكملين سيده بتجوفين المحل على يسارج
افضل اتيين من حلويات جناحي أعدل
إذا ما دليتي قولي من وين بتيين وبشرح لج بشكل اوسع
محلات ثانية عندج غلا وروائح العبير .. تلفين من عقب مدرسة المعرفة وتروحين كللللللللله سيده بتجوفين هالمحلات على يمينج
مخمليات;16075607:
كلورة اكيد روحي انتي عروس ومحتاجة ويهج يلق ، يعني بعطيج مثال الفيشل مثل الحمام مغربي اذا تسوينه على فترات متباعدة بتستفيدين ما بتنضرين ، بس تخيلي تسوين المغربي كل يوم مب كل شهر ! الفيشل نفس الشي اذا بتسوينه كل أسبوعين او ثلاثة يمكن يأثر لكن اذا كل ثلاث شهور مرة عااادي
وعن الفيشيل اللي ببلاش ، من قال ! :| ، لازم تشترين من الماركة نفسها جم كريم ركزي على كلمة جم كريم :lol: بعديييين يقولون لج بنسوي لج فيشل ببلاش ، وفيشلهم بالنسبة لي جددددداعادي مافيه بخار ولا تفعص ، انا رايحة كذا مرة من قبل تنظف ويهج وعقب تقشره وتسوي لج مساج دقيقتين وعقب تحط لج السيروم وعقب الجل تبع العين وعقب كريم الويه ، واهما يسوون لج الفيشل لهدف معين لو في كريم ما خذتيه تاخذينه حزة الفيشل يعني الفيشل بارت من الماركتينغ :lol: ، واذا صرتي كستمر عندهم كل شهرين تشترين كريماتهم ممنونين يسوون لج فيشل
لا .. انا ما قلت بروح لهم اسوي .. قلت بروح لهم اسألهم إذا أحتاج أو لا
رحت لهم امس .. قالت لي نفس اللي قلتيه إنه اهمه يسوون مساج بس مو مسموح لهم يسوون أكثر .. المهم رحت لهم وقلت لها أنا اعرسي جريب هل احتاج فيشل .. دققت ودققت في ويهي قالت لا مافيج شي وإذا رحتي سوي مال استرخاء بس مو تنظيف عميق وخذت كريم وحطته في ويهي قالت عن الحبوب .. مخلص كان من عندهم ..قالت بتروحين البيت وبتتعجبين.. تصدقين صج!!! رجعت الحبات الي كانوا ناطين فشوا :-o:-o
ولا ببلاش أنا يحبوني الظاهر :lol: لأني مرة شريت بس حمرة اهيه من نفسها قالت بحجز لج .. قلت لها بييكم لما تخلص كريماتي قالت مافي داعي
واذكر مرة اختي راحت وببلاش ما شرت شي!!
بروح بروح لا تحاتين بس مو الحين .. بعد عطوني فرصة اتأقلم:o
@eman@;16075624:
بنات ممكن تساعدوني شوي أخطط حق حفلة جلوة فياريت تحطون لي اقتراحاتكم + السعر
انا حطيت الأشخاص اللي في بالي بس اذا عندكم ناس غير ومستوى حلو ياريت تضيفيونه مع السعر طبعا .
المكياج والشعر صفاء
الحنة هند مدينة عيسى
الفستان
المسرح (شعبي )
التصوير
الأكل ( ما أفضل بوفيه )
الجلاية
نسيت شي ؟؟
حق ملجتي اتذكر اتصلت في هند بس ما اتذكر شنو كان ستايلها وما اتذكر ليش ما خذيتها يا ما اتيي بيوت يا كانت محجوزة
الفستان مافي على ثوب النشل تكشخين فيه.. اللي تلبس هندي صراحة شكلها كللش غلط في الجلوةإذا حق حنة اوكي ..بس جلوة!!! يطلع شكلها متصنعة :| هاي رايي
يعني بتلبسين اشية مالت عرب بعد مقبول مثلا مغربي او عماني لأنه عندهم نفس التقاليد
او ممكن ثوب نشل مطور بعد يطلع حلو
روحي حق بيت مريم في سند البناية اللي يم رويان بس المحلات اللي من الجهة الثانية!!!
او ممكن تخيطين .. عندي صور إذا تبين بس في الشغل .. ذكريني باجر
المسرح.. جيكتي جاسم؟؟ جوفي بعد دريم هوم ودان
NoteBook;16076176:
صباح الخير بنات
مبروك ع الجزء الجديد
الله يجعله فاتحة خير علينا و عليكم F: ان شاء الله
رجعت لكم باستفسار جديد ومستعجل جدا جدا لاني متوهقة
بغيت bra :o اللي تنلبس اذا الفستان كان بدون سيور للأسف كنت شايفة عند سارة وحطيت عليها امل بس طلعت ما تثبت عدل وجودها وعدمه واحد :thumbs_down:
فياريت اللي تعرف محل يبيعون وشرط مايكون السعر مبالغ فيه
ماباقي شي عن الحفلة :sick:
حق الملجة كنت بلبس اللي تلصق وصج تبهدلت في الاخير.. فاااشلة
لبست وحدة عادية وغيرت سيرها الى شفاف
وبعدين اكتشفت عالم جديد:lol:.. في اللي يكونون من تحت سيدده.. عرفتي قصدي ؟؟
يعني اهيه جنها طبقتين ومافيها سيور
كأنه كورسيه يعني
اسمها جذي بعد كورسيه نقط نقط
احسن المحلات دبنهامز وماركس اند سبنسر وبيكوكس وومن سيكرت
وطبعا تحتاجين تجيكينهم
مناامية;16076332:
السلام بنات ابي محل ياجر السفر العجم بسعر رخيص من 40-50دينار
بليييز بنات ضروري
بنات بنات ضروري ابي ارقام تاجير سفر عجم حلوة ورخيصه
طرشت لج ملف التجهيزات في وايد ارقام بس ما اعرف الاسعار.. إنتي قولي لهم ميزانيتج وجوفي شيقدرون يسوون لج
تراجي ام الزين كله;16076405:
مبرووووك الجزء اليديدعساه خير ع الجميعبحرينيهحبيبتي انتي خلاص سنتعه ورجع طبيعي هههبنات ابي محل عبايات راس يسوي عبايات قطريه اللي تكون حاشيتها عريضه واهم شي الخلق زين غير جواد في محرق بمن تنصحون؟؟
مادري ليش كلامي يطلع ملصق ببعضه
ما عندج صورة توضح قصدج؟؟؟ انا ما فهمت لأنه :|
razo0on;16076551:
شخباااركم عراايس وبنوتات ؟؟
بنات انا للحين ما حجزت حناية تخيلووو ,,
ابيها حق تاريخ 25 وبعدي للحين احوس وادور هههههه
اتصلت حق ام شهد قالت ماتجي منطقتنا واتصلت حق رباب ام احمد قالت لي حامل ماتحني
ياربي شهالحظظظ
بقى عندي 3 خيارات
ام محمود المالكية
وام ابراهيم
وام ايمن
ام محمود وام ابراهيم شايفه حنتهم حلوة
بس ام ايمن مالقيت ولا صورة
ياريت الي عندها صورة حنا حق اسماء ام ايمن تدزهم لي ضرووووري :(
دورت عنها وما حصلت لها شي
لا توهقين روحج ترى الحنايات كثر الهم على القلب ... عندج الملف جوفي الاقرب لج واتصلي فيها والحين ممكن تطرش لج صور من حناها على البي بي او الواتس اب يعني ما تتعطلين إن شالله