تجهيزات عرائس ' مملكة البحرين ' لشهر جماد الثاني 1433 - 2012 م / الجزء : 89 »

ماشاء الله عيووون انتي وجودج فايدنا بشكل ماتتصووورين
الا بتحطييين لنا تقرير

اخــ القمر ــت;16101166:

كلورة لا لا ليحين مادودهتوني :lol:

هذي الفكره اللي ياتني قبل ان اخلي وحده تصورني تصوير مفتوح وعقب انا ادور مكان يسوون مجله وحق الحفله تصوير عادي وفيديو

دشيت فلكر مريم العامر عجبني تصويرها وبكجها زين مثل ماقلتلي

~>. Weddings Package: [BD 45]!Includes:

1* 100 shots
2* Free Simple frame for the couples -Picture of your choice
3* 10 edited pictures
PLUS ++++
5* A Voucher gift with Discounted Price for the next time ;D

(Printing All Pictures for this package = BD 15)

مادري الحين شنو الحل النهائي اللي باوصل له :| :hysterical: :worn_out:

خيو اخت القمر بيطلع ليش نفس السعر بتدفعين قيمة للتصوير المفتوح وبتدفعين بعد قيمة المجلة نفس السعر لين خديتين مصورة تصورش كامل .

اخت القمر خلي المصورة تصورش في مكان الحفله بالغرفه كامل بحيث ادا طلعتين على المسرح يبقى عليش الكيك والعصير والشبكة والاهل .عشان تاخدون راحتكم بالحركات و انتي والمعرس ماتستحون من اللقطات .

ونصيحة مني خلي البومش بس انتي والمعرس ادا المجلة خليه بس اثنينكم لاتضيفين الاهل .وتقدرين تسوين الصور للاهل الالبوم العادي

مسامحة على المداخله

JALA 89;16101221:

مشكورة حبيبتي كلورز ...
؟؟؟ كلهم مو مجانا الدخول...؟

M!ss CoLoRz;16101223:

لا ..كلهم مجانا الا اللي في الدبلومات الدشة جنه بدنيارين :-o

بعد هاي اللي ناقص :-#

هههههههههههههه اي والله هذا اللي ناقص ...من جدي انصدمت لاني رايحة قبل معرض في الجولدن تويلب وكان مجانا..قلت يمكن حطو قوانين جديدة ههههع:biggrin:

تحدد المجوهرات التي تقررين ارتداءها مع فستان زفافك طلتك النهائية، فإما أن تكون إضافة مميزة إلى اختيارك للفستان، وإما تبدو غير متناسقة معه، وقد تفسد جزءًا من أناقتك وتألقك كعروس.
لذلك عليكِ التخطيط لما سترتدينه من مجوهرات ، ولا تتركي الاختيار للحظات الأخيرة، وهناك لمسات صغيرة لكنها هامة ، تساعدك في اختيار موفق لمجوهراتك ، منها :

لون الفستان :

- اختاري المجوهرات المناسبة للون الفستان . فالثوب الأبيض الناصع تناسبه الفضة واللؤلؤ والبلاتين .

- الفستان ذو البياض الخفيف ، فتناسبه كافة ألوان المجوهرات .

- الفستان العاجي يناسبه الذهب الأصفر .

- إذا أردتِ إضافة لون آخر إلى مجوهراتك ، فتجنبي اختيار اللون من وحي ديكورات الثوب الملونة ، بل اختاري ما يناسب لون باقة الورد التي ستمسكينها ، او لون الطرحة أو حتى الحذاء .

فتحة العنق :

يحدد شكل فتحة عنق الفستان نوع ما ستختارينه من مجوهرات :

- الفتحة على شكل 7 تتناسب معها قلادة بسيطة، أو سلسلة رقيقة مطعمة باللؤلؤ أو الأماس.

- فتحة العنق المحكمة أو لا يناسبها ارتداء القلائد ، وعليكِ الاكتفاء بالأساور أو الأقراط .

وأخيرًا تذكري أن البساطة أساس الجمال ؛ فكلما كانت مجوهراتك بسيطة ، كلما أتاح ذلك لجمال فستانك أن يظهر ويتألق .
وألف مبروك

M!ss CoLoRz;16101192:

عم الهدوء مرة وحدة!!!!!!!!!

جفت جالا89 وتذكرت

في معرض الله يسلمكم في مجمع العالي تاريخ 31 مايو و 1 يونيو

الخميس من 10 ل 10

الجمعة من 3 ل 10

وفي بعد تاريخ 26 مايو في الدبلومات من 11 ل 5 بس ترى الدخول مو مجاني والمعرض تبع جمعية المرأة الأمريكية

وبعد تاريخ 25 مايو يوم الجمعة في امواج معرض من 2 ل 7

اي اللي في الدبلومات طرشوا لي دعوة
الدخول حق الكبار بدينار واليهال من 3 ل15 سنه بنص دينار واللي اصغر مجاناً والريع يروح حق أعمال خيريه


وشسمه، من اللي قلتي عنها يصير نودي لها الصور وتسوي لهم Edit ؟؟

عيوووون حبيبتي والله :o ، اي اكيييد المقاصص شي اساسي:lol: انا فستان ملجتي كان ب ٣٦٠ خذيته ب ٢٩٠ و طبعا التعديل مجانا ، عن هندوو ماادري هنوو هي اول ما فتحت كانت أسعارها معقولة وعقبها الله يهداها رفعتهم وجان أهون عنها اروح أخذ من تروف احسن




كلووورة تسلم لي عيونج حبيبتي ، زييييين عندهم سيل ووقتهم بعد زين على المعاشات :lol:




بحرينية أبوي انا اشوف البنفسجي أحلى وخاصة للميكب والباقة بغض النظر فاتح او غامج والوردي اللي حاطته أوردي صاير على بنفسجي والحلو انه هادي للنظر




اخت القمر أبوي لا تحتارين انتي مو قلتي انه تصوير صفية عاجبج ، خلاص أخذي من عندها بكج التصوير العادي و المجلة الصغير ، وعن الفيديو عندج المستقبل ياخذون بس فيديو ب ٨٠ وعندج بعد فوتوكينا بعد ياخذون بس فيديو ب ١٠٠ اعتقد ، وكنت بقولج عن استوديو فاطمة اللي على الشارع العام مال الخميس شفت امس البوم لوحدة صراحة حلو وخلفيات سودة وبسيطة وما تمسح الملامح حسيته مرتب روحي جوفي بعد

أنا الشوق

استديو مارلين جريب من المستشفى الامريكي
اللي قالت عنه حلوة ودلوعة

السلام عليكم ..

بناات ابي احد يركب بورسلين عدل وشغله مضمون وسعر مناسب ..

وابي ورش مال نجارة حق ابواب خشبيه نبي حق الصالة باب وحق الحجر .. ونبي ورشه مجربينها والخشب زين ..

وتنصحوني بخشب اي نوع بحريني احسن شي ولا في انواع غير ؟

وانتظر ردكم بسررررعة وضروري ..

هاي بنوتات شخباركم طالبتكم طلبه ابي أرقام مصورات ياليت الي انحط عنها تقرير ومريم العامر وظبية الجنيد دزوهم لي على الخاص الله لا يهينكم رفيجتي ملجتها عقب اربع ايام ونست التصوير مادري شتحس فيه وأحين متوهقه ادري كلور بتقولي الملف بس ما يفتح عندي عالايفون بليز ساعدوني ولي عودة بريبورت عن استعدادات خطوبة بنت خالتي

مس دلووعة ، تبين بورسلين والا احد يركبه ، ماادري تدودهت اذا بورسلين عندج ايلامس بس غالي شوي وعندج سيراميك جاليري وعندج مرمرة كلهم في شارع سترة


وبالنسبة لورش النجارة عندج عبدالرحيم الكوهجي بس ماعرف وين ورشته وعندج نهاية شارع الخدمات اللي جنج بتروحين كراج اللكزس وتويوتا في هناك محل اسمه ماجيك وااايد عجبني شغلهم ونظييف واذا تقاصصينه تتطلعين بسعر معقول ، واذا ما تهمج الميزانية وتبين شي فووووق الديلوكس عندج في سلمباد مجابل ماك ستور ، مؤسسة حيدر للنجارة شفت لهم ابواب فرت مخي سستمهم نفس ابواب الفنادق بس ترى محلهم لج عليه مب مهتمين في العرض بس يسون لبنك الإسكان ومشاريع عودة ومعروف الناس الكشخة كله عنده ، بس اسعاره ناار فيني قهر صراحة حدي خاطري في ابوابه النحيييس بس غالي ، انا للحين ما ابتديت في التشطيبات بس من الحين اتفرفر واسوي لستة للاماكن المفضلة




بحرينية حلوة وحشتينااااا لج فرية مب من عوايدج تغبين علينا هالكثر ، ان شاء المانع خير وسعادة لج F:F: 

عيوووووون تقرير شهر العسل ايننن وااايد حلو عسى ايامكم كلها عسل

صار خاطري اكنسل حجزي واروح المانيا :lol: بس ان شاء الله السفرة اللي عقب اروحها ولج أحلى تقييم :adore:

ms.dalo0o3a;16101842:
السلام عليكم ..

بناات ابي احد يركب بورسلين عدل وشغله مضمون وسعر مناسب ..

وابي ورش مال نجارة حق ابواب خشبيه نبي حق الصالة باب وحق الحجر .. ونبي ورشه مجربينها والخشب زين ..

وتنصحوني بخشب اي نوع بحريني احسن شي ولا في انواع غير ؟

وانتظر ردكم بسررررعة وضروري ..

فديتني ريومز;16101845:
هاي بنوتات شخباركم طالبتكم طلبه ابي أرقام مصورات ياليت الي انحط عنها تقرير ومريم العامر وظبية الجنيد دزوهم لي على الخاص الله لا يهينكم رفيجتي ملجتها عقب اربع ايام ونست التصوير مادري شتحس فيه وأحين متوهقه ادري كلور بتقولي الملف بس ما يفتح عندي عالايفون بليز ساعدوني ولي عودة بريبورت عن استعدادات خطوبة بنت خالتي