riffaya marka;16095477:
السلام عليكم ورحمة الله وبركاااته
شخباااركم جميعا ؟؟؟؟ بس حبيت اســــــــأل اذا احد تعرف محل
طيور الجنة ( للتوزيعات ) وين يكون مكاانه بالضبط ؟؟؟؟
ومحل الرونق اللي كاان في سند وين نقلوه .. اللي تعرف مكااانه
توصفه لي ضروري ...
وجزااااكم الله خير جميعااااا .....
بحاول ابسط لج المكان قد ما اقدر لأن مكان المحل غلج حق اللي ما يعرف المنطقة
إذا قلنا بتيين من مجمع الواحة على دوار مسيد شيخان
طبعا بتخلين محطة البترول على يمينج وتكملين سيده الين الاشارة
تاخذين الاشارة يسار وتيودين يمين وتلفين اول لفة يمين
وعقب تكملين سيييييده وانتي ميودة يسار بتوصلين محل يخيط اثواب نسيت اسمه
تلفين لفته اللي اهيه يسار وبعدين اول يمين عند الخباز
كملي سيده الين ما تجوفين شسمه مال الكهربا البوكس :| وتاخذين يسار
كملي سيييييييييده الين ما تجوفين المحل على يسارج
في له طريج من دواعيس لولو هايبر بس هالشرح المعفوس حق اللي تدل الرفاع واللي ما تدلها
@eman@;16095583:
بنات أبي أسامي حنايات ييون البيت غير أشواق أم ناصر
ضروري
خاطري في حنة هند بس ما تيي البيوت :(
في وايد شقول وشخلي !!!!!!!!
إنتي شلون تبين الحنة؟؟ هندي ولا خفيف؟؟
الملف متروس اسامي وبعضهم في صور لهم في النت
بطرش حق اختج اللي عندي في التلفون خل تروايج
فراولة خضره;16096069:
مرحبا بنات انا عرس بنت خالتي فلبحرين بعد سبوعين وابي حنايه تجيني مخصوص تحني ريلي ويدي لين لبيت فرفاع ممكن تعطوني ارقام لاني من قطر ماعرف
الحنايات إذا حق شخص واحد مستحيل اييون
حق عروس بس اي ممكن
انا بطرش لج الملف على الخاص وانتي جوفي ببعد
حلوووة ودلوووعة;16096142:
السلام عليكم عروسات
الحمد لله عدت حفلة العشا على خير وصورت انه و ريلي ولبست ابيض والحين انه في شهر العسل في ماليزيا
بس حبيت اطل عليكم واسلم
مابي منكم الا دعوة الله يوفقني وايسر أموري
الف مبروك
وعسى الله يوفقكم ويهنيكم إن شالله
دخان;16096234:
صباح الخير يابنات
ياريت تخبروني وين يبيعون طقم دلات واستكانات وفناجيل قهوه بس ابي شكلهم مودن مو كلاسك مومذهب وخرابيط ابيهم سمبل ومودرن ياريت اذا احد يعرف يخبرني
و ياريت احد يطرش لي ملف الضيافه ومشكورين
ما قدرت اطرش لج الملف..فضي صندوق الرسايل وعطيني خبر عشان اطرشه لج
في بيت أبوي;16096253:
M!ss CoLoRz
صباح الخير حبيبتي ما عندج فكرة عن اسعار شغل المحل اللي في الدبلومات؟ نفس اللي برا والا هو اغلى؟
بريميرا استيلو طبعا أغلى من اللي بره معروف
بس مادري إذا خذتي منهم حق الدبلومات إذا لج تخفيض او لا
![]("http://www.3roos.com/files/ups/2012/376147/01337063902.jpg")