صدمتي في اختي الصغيره

حبيبتي هاذي اختك واسمها اصغر منك ما ينأخذ بكلامها ! واكيد ماكانت تقصد واكيد كنتوا متهاوشين على شي معين وهي عصبت وقطت كلام عليك من غير ماتقصد ومش من قلبها على الاكيد ,,, حبيبتي ترى الاخت عزييييزة وشنو مايصير بينكم بتظلوا خوات وتحبون بعض ولو الحين يصير لها شي الله لايقوله مابيصير حالك طيب صح ؟؟

ههههههههه عن نفسي ياما ويامااا مع خوااتي ولحد يومي هذاا ! اذا وحده من خواتي تبغي تعتب علي ما اتصلت لها او شي تقعد تقط علي كلام وارد اروح اقط عليها كلاام وتصير زعله وازواجنه يتغربلون بحالنه وامي تقولهم ماعليكم منهم شيلوا ايدكم من الموضوع لا يصيدكم الراش هههههه بالاخيررر نرجع لبعض كل وحده تعتذر للثانيه و شوفي انواااع الحب عاااد ,,, يعني بالعكس ساعات هالشي يخليك تحبيين اختك اكثررر على قولتهم هذا ملح الحياااة ..

وعليكم السلام ورحمة الله وبركاته
كلما كان الانسان عزيز وغالي كلما الكلمات المابيهة حنية وقسوة من جهتة تجرح اكثر
شوفي اختي:
تذكري .
1.لاتعير اخيك فيرحمه الله ويبتليك
يعني واجب اختج تخاف على نفسهة لا تصير بنفس الموقف
2.انتي بعمر الزهور يعني مو عجوز
وسأليهة بعد متتصالحون وكوليللهة اذا كان عمري 23 تكولين عجوز لعد من يصير عمري 100 شراح تسميني؟
واذا انتي اختي ال غالية اللي داريتهة ولعبتهة من كانت طفلة كتكوتة صارت تعايرني انو لسة مجا النصيب لعد شبقيتي لل يكرهوني
وعاتبيهة
كوليللهة هية هاي الاخوة
والله كلامج كسر خاطري وماتصورت تطلع منج هيج قسوة
تصورتج تصبريني وتطمنيني انو ربنا مراح ينساني وضاملي النصيب الزين اللي يفرحني ويهنيني
خليهة هية ال تعتذرلج
وانتي غاليتي لا تصدكين بكلامهة ترة هية الواضح من كلامهة مراهقة ومدتقصد ال كالتة
والمراهق فورة هرموناتة تخليهة غاضبة وتذب كلام جارح يمكن حتة ولا تعنيه
يعني المراهقة ساعة تصير مثل الناضجة وساعة تصير مثل الجهال (زعطوطة)
وعادي الزعطوط يجرح
لأنة ميعرف اثر كلماتة
لاتحزنين الله عليج:)
اليوم جمعة صلي على النبي وطلبي من ربنا انو يرزقج الرجل التقي النقي الغني اليسعدج ويهنيج
ولاتنسي(رب لا تجعل في قلوبنا غلا للذين امنو)
اسفة عل اطالة اختي
تقبلي مروري
ابتسمي ولا تحزني
سلامي اختي

ههههههههههه انتي اكبر مني بسنة اي عجوووووووز ؟ والله رغم اني تزوجت بس صدق احس نفسي الحمد لله صغيرررررررة
بس شوفي يالغالية الزواج مو كل شي بالدنيا عندك انا تزوجت وماتوفقت بزواجي الحمد لله على كل حال وعندي ولد رجعت بيت اهلي مع زيادة هههههههه ربي يحفظه لي
وحتى لو قالوا ماقالوا لك طنشي بعد ناقص 23 كبيرة هههه والله توك صغيرة
وعلى فكرة انبهك بالمناسبة لاتتسرعي بالزواج العمر قدامك واحسني اختيار زوجك ولاتتسرعي باي شي بسبب الكلام
اعرف وحدة تسرعت بسبب كلام وبعدين ندمت لان زوجها طلع مش ولا بد فالاحسن التاني احسن من الطلاق بالنهاية
وماعليكي من اختك هي صغيرة مو فاهمة شي

23 سنة صغيييييييرة لسه قدامك الحياة طويلة

طنشيها اذا بنسمع كلام الناس الجارح كان نص العالم ميته
طنشيها وخلاص عطيها اذن من طين واذن من عجين وكانا الله غفور رحيم
قطي كلامها بحر او ارميه بالبالوعه وسحبي على سيفون

اهوووو شعليكي منها انتي تحطي راسك براسها ودوبك دوبها وعقلك بعقلها
ياستي هذي جاهله وبزره وعقلها صغير انتي تطاوعينها ؟
خليهات ولي عنك زين

خليها تولي *

طيب انتي شايفه نفسك عجوز عشان تزعلين !
23 توك صغيره
اذا زعلتي وبينتي قدامها ان كلمه اثرت فيك راح تعيد عليك كلام اكثر لان عرفت نقطه ضعفك والي يضايقك لازم بالعكس قولي لها والله توني صغيره ماراح اتزوج الا لين يجي عريس يعجبني

امممسكيها وعطيها ككف > اممزح

بس اعطيها كم كلمة عششان ماعاد تتمادى مععاك , ولا تعطينها وجهه كثثير
وحبيبتي تترا هي صصغيره خذيها على ققد عقلها وعلميها ماتعاير احد عششان بعدين الناس مايعايرونها ( ان الله يمهل ولا يهمل ) , ( يوم لك ويوم عليك )
وبالنسبةة لك باقي الععمر ططويل , الله يرزققك الزوج والذريه الصالحه وكل تأخيره فيها خيره

ما تشيل في خاطرك

ايش الي كبيره خير انشالللللللللله

الحين البنات يوصلون ال30 ونقول عنهم صغار عادي

و وايد منهم يتزوجون وهم فوق ال30 بعد مب عوانس

شهالخرابيط انتي بعد من صجج معطتها ويه ومصدقتها

ترا ايام يدتي البنات يتزوجون صغار الحين الوحده تبي الشهاده والوظيفه

شدعوه مب مصدقه تتزوج اي واحد والسلام لايبه هذا مستقبل لازم تفكرين عدل

ف شي طبيعي تكونين ماتزوجتي دام الي يجونج ماعجبوج هالمره قوليلها عيل عبالج مطفوقه وميته عالريل؟

وانا كمان عمري 23 سنة بس احنا لسه شبآآآآآآآب :015: هههههههههههه انا لو مكانك اطنشها. :041:

يا ستي من أول الخوات يتغايرن ويتبازن لا تزعلي منها والله أذكر زمان أنا وخواتي كل وحده تعاير الثانية بلقب لين كان ما ودي أقتلهن ومن ظمنها يالعانس وهذا هو الحين الحمد لله تزوجنا وكلنا عندنا عيال. و23 سنة بعدك صغيره

السالفة ما تسوى اختي ...

كبري عقلج واختج من القهر يمكن قالت لج هل الكلام ...

قوليلها طيب يختي نشوفك يوم تصيرين بعمري ان ما تزوجتي ترى بقولك يالعانس مع ابتسااامه وضحكه صدقيني رآآح تبطل هههه