انا حرة ليبية .. انا انثي استثنائية ... تجمع الليبيات للعناية بالجمال .. الجزء 2

~ ويـسـى ~;16109157:

كنت نعانى من نفس مشكلتك والحمد لله توا دايره برنامج والله النقاط خفت وااجد والحمد لله

- اول شئ تقشير 3 مرات فى الاسبوع والمقشر قلته للبنات اللى هو (ملح حليب +ملح خشن مطحون_رز مطحون)

- والترطيب اليومى ديرى لوشن بروحك مكون من (كريم جليسوليد +زيت لوز مر+زيت خروع+زيت جنين القمح.. وممكن تضيفى زيت زيتون وزيت الورد كيف ما تحبى) ..

- وديرى بخاخ فيه مية ورد ضيفيلها ملعقتين خل تفاح بخى منه مرتين فى اليوم (يعنى فى دوش الصبح ودوش الليل) بس لو عندك لا سمح الله اكزيميا او اى نوع حساسيه ما ننصحك لان خل التفاح قاطع ..

- وازاله الشعر بالحلوه ..

وتوا رجليك يقعدن يهبلن يبن حنه بس :D

موفقه حبيبتى F:

يسمع منك ربي .. الحبوب خربن منظر رجليا وان شاء الله علي سكنة حوشي الجديد اندير نظام توة املخبطة وانرتب في روحي لما نستقر قبل رمضان ناوية بعون الله نهتم اكثر وحتى توة امكرشة ودايرة جهدي ..
بس ياريت الي عندها دواء من الصيدلية ونفع بيها اتقولي عليه عالاقل الفترة هذي ..

~ ويـسـى ~;16109161:

ندهن كل ليلة .. به غسل الشعر يوميا يخرب الشعر ؟ كيف ندير

والحاجه التانية انا مش عارفه نوع شعرى :o
مرة نحسه دهنى مرة نحسه جاف مش عارفه ؟

أوتار الربيع;16109184:
يسمع منك ربي .. الحبوب خربن منظر رجليا وان شاء الله علي سكنة حوشي الجديد اندير نظام توة املخبطة وانرتب في روحي لما نستقر قبل رمضان ناوية بعون الله نهتم اكثر وحتى توة امكرشة ودايرة جهدي ..
بس ياريت الي عندها دواء من الصيدلية ونفع بيها اتقولي عليه عالاقل الفترة هذي ..

ررووججة;16109207:

ويسي : مش ضروري تغسليه كل يوم اغسليه مرتين في الاسبوع ادا كنتي قاعدة في الحوش زي حالاتي وانا شخصيا نستعمل في زيت جوز الهند الاصلي امتاع البنقلاديش وريحته مش قوية وهادي صورته

~ ويـسـى ~;16109726:

اوكى هكى تمام معناها .. تصدقى عندى زيت جوز الهند هذا بس مش عارفه ليش مستثقلة دورته لأنى نستعمل فى فاتيكا بزيت الزيتون وماشى حاله، بس هكى شجعتينى ونبدأ فيه ان شاء الله F:

ربي يعطيك اللي في بالك وايوفقك ومتنسيش التقيييم والدعوااااااات يا ويسي

وين نلقاه زيت جوز الهند الاصلى

اني نحب زيت جوز الهند هلببببببببببببببة
هما الهنديات شعرهم حلو من شوية ما شاء الله
اني ندير في خلطة زيت جوز هند و زيت جرجير و زيت خروع حلو حتى هو

حبيبة عصوم;16110560:
وين نلقاه زيت جوز الهند الاصلى

~ ويـسـى ~;16110838:

عند اى عطار تلقيه

الأصلي؟؟؟؟؟؟؟ اني نلقى في الي في الشيش او العلبة الخضرا

roro-i;16112120:
الأصلي؟؟؟؟؟؟؟ اني نلقى في الي في الشيش او العلبة الخضرا

بنات نصيييييييحة لتوحيد اللون اهم شئ الترطييييييب ... و الحين وش كثر اللوشنات ما شاء الله