التجمع الخامس لامهات يناير 2012 .... شهر جمادى الثاني

لحظه وش فيش ماكله قرد علينا
محد نشر الخبر هني
اكي لؤلؤ قالت لش السبب
ومثل ما انتين اخدتين ونشرتين الخبر غيرش بعد اخذ ونشر الخبر
يعني مؤ احنا عشان زعلانه ماينقال حقنا شي
وثاني شي اني استفسرت منش مؤ عشان شي ابي اعرف شالفرق بين الي اخذته والي عندش
والحمدلله عندي كفايا اخذهم كل من السعوديه كل شهر
ومشكوره

تحليل الغدة الدرقية سووه للي ولدوا بالمستشفى الحكومي
هذا التحليل يسوون للجهال بعد 24 ساعة من الولادة
وانا ولدي سووه له والحمدلله كل شي تمام

عن سالفه الاذن
ترى عاااادي الطفل يحك في اذونه موومعناته فيه التهاب او تالمه
اذا تالمه مايسكت كل يصيح
وبنتي كل تحرك في اذونها وتحط ايدها في حلجها عادي احين تتحسس كل شي وطبيعي كل شي يمسكونه في بوزهم لان هذا الي يدلونه احين ووايد زين عشان يتعلمون للمرضعه يمسكونها ويشربون

ها ماميزززز شخباركم وشخبار الامومة مليتون والا للحين؟ هههه

الحمدلله بنتي طلع مافيها شي وديتها الدختر بس قال احتقان كلش خفيف فيها من المصاصه اكيد بس اذونها الحمدلله سليمة

بنات بسألكم انا من الحين قاعده ادور افكار حق بنتي حق القرقاعون .. ياليت تعطوني افكار وصور ومحلات حق هالاشية يعني ثياب وتوزيعات

بنات بسألكم بعد متى اتخلون عيالكم في المشاية؟ انا وحده قالتلي من الرابع اوكي ؟ انتوا شرايكم

وعن الاكل انا بنتي كم يوم وبتكمل 4 شهور شرايكم ابتدي وياها اكل لو لا؟ في ناس قالولي اي وناس قالوا لا...

كلاسييكيه توهم على المشايه لين يثبتون روحهم على الاقل
خل تصير ٧ اشهر يالله تشد
بعدهم راسهم مايثبتونه عدل


عن الاكل اني أكلت بنتي من اول مادخلت الرابع لان مابيها تفهم على المرضعه واذا نطرتين اكثر بتكون تعلقت بالمرضعه صعب توكلينها
في هالسن المفروض الاكل يكون شوي اغلض من الي كنا نسويه
واحين خيه بتبدين وياها الأكل شوي ماااهي بتتاخر
ماعليش منهم لاتتغربلين مرت اخويي اتاخرت واكي متغربله ويه ولدها مايرضى ياكل ومن يجوع مايرضى ياكل يبي بس مرضعه وكل ماتحاول لين جاع مافي فايده مايبي الا المرضعه

وانتين امها الي تقررير
اني ناس قالو لاتاكلينها ودكتورها بعد قال
بس اني مابي تعوف الاكل وبتي من اصل ماتشرب حلييييب كلش قليل مؤ نفس عمرها ٩٠ وبالغصب ماتكملها وايد عانيت وياها
واهي المفروض تشرب لرقم ٨ لكن حدها ٣ وماتكملها وحتى عدد رضعاتها قليل

يلا الحمدلله

هلووو بنات شخباركم وشخبار الحلوين

اليوم طعمت يوسف وارتفعت حرارته مثل اول مرة

قلبووو ما واجهتي صعوبة في تاكيلها بالقفشة ؟

اني الدكتور نصحني اعطي ولدي اكل لانه رضعاته قليله سواء طبيعي او صناعي كللللش كأنه بنتج قلبووو مايزيد وزنه تعبانه معاه شهيته كلش

بديت اعطيه ارز الي بالكوارتين ماركة ابتاميل وبشوف وياه ان شالله يكبر ويريحني متعب بجد وبعد اسبوع بشوف هو حاليا مو متقبل بس يالله لين مايتعود بشوف صنف ثاني مثلا بطاطس مهروسه قررت كل يوم اعطيه منقوع تمر ويوم وثاني عصير برتقال وامي سوت له موز مهروس احس تحسس منه المفروض اعطيه شغله وحده واتدرج معاه

بوكله كل يوم هالرز هههههه

بيرشيان
بلى لحين أواجه مشكله وياها
متغربله غربال
ولان بنتي ماتاكل مؤ مثل الي ياكلون
ولان مايعرفون يبلعون الاكل عدل فتلاقينه نصه بره
فيعني خيه يبي لج شويه صبر
اني لين بيي ااكلها أحزب لان تعفسني
بس انتي لين بتآكلينه وقت الي قاعد من النوم
حتى الغذا خله يتأخر بس اهم شي نايم وقاعد عقب تاكلينه
والله يأكلونه

بنت خالتي تعطي ولدها بالقفشه الي جنها مرضعه
بس عيبها علمته ان تعصب واهو يشفط معتبرنها مرضعه فاذا تتأخر عليه يسوي الوقعه
هذا الشي حليو احين
لكن عقب لين شوي غلض الأكل مايصلح لهذي المرضعه
لازم بقفشه فمابعرف ياكل ان كل شوي تشيل القفشه
ومتعود على القفشه كل في بوزه لين يخلص
وبيعفسها صياح ولا بعرف يعلج الاكل متعود يبلع سيده
فانتي اذا عندش لاتستخدمينها
اني كنت باخذها امي قالت لا تعودينها الا اذا بتروحين مجمع عطيها فيها
بس طبعي ماحب اوكلها قدام احد
واهي من اصل ماتاكل لو اوكلها قدام حد تصوم ههه

والحمدلله على سلامتج خيه

بيرشيان
انتي ماتعطينه دوا قبل التطعيم

انا تطعيم بنتي بعد يومين حق 4 شهور الله يستر بسسسس هههه

وببتدي اعطيها شوية اكل بعد التطعيم ان شاء الله اذا ماتعبت وصخنت

بس عطوني الاكلات بالضبط وشلون اتسوونها وشنو اللي لازم افوحه وشنو اللي ما لازم زابتدي معاها بشنو؟ يعني اللي اخف على المعده

انا حاليا اعطيها منقوع التمر وبسكوت فارليز مع الحليب بالمرضعه

هلوووووووووووو ماميز ...... ليش محد يدش !!!

هلا قلبوو الله يسلمج حبيبتي
بصراحة خائفة أجرب بالقفشة ولدي وأيد عصبي ومافيه صبر على ما اسوي الرضعة يذبح روحه بجرب الويكند لين زوجي معاي

هالايام زائدة عصبيته بشكل مو طبيعي مادري بيسنن يمكن !!

أول مرة ماعطيته قبل التطعيم وهالمرة عطيته بس بعد صخن شكله مايتحمل فديته

إلا لحظوو شفيها ماتدخل ؟!

كلاسيكية أنا ابتديت في الرابع وياه فارليز نص وحدة باليوم ولما دخل الخامس أعطيه نص بس على رضعتين مرة الصبح ومرة بالليل قبل لا ينام

الأكل أعطيه الظهر عيش أفوحه في مائ طبعا بدون ملح وإخلطه في الخلاط مع المائ ماله وازيذه قفشتين حليب لأنه ماصخ

العصر من دخل الخامس جربت له أسبوع كوسة اسويها في جهاز البخار مال الأطفال وإخلطه بعدين وأضيف له حليب بعد

اليوم جربت معاه ألو بدل الكوسة نفس الطريقة بس حطيت قفشة حليب لأنه الردي حلو

كل أسبوع بجرب نوع خضرة ولين دخل السادس بعطيه أسبوع تفاح وأسبوع موز

بعدين تخلطين الخضرة كلها في وجبة

ثنكسس برشوونة

بس كلمن قالي انتظري لين الشهر السادس لاتعطينها اكل الحين مب زين على معدتها

بس ابتديت اعطيها سريلاك بالقفشه مرة باليوم وكل يومين ازيد الكمية شوي شوي لين ماتتعود عليه واورادي انا من الشهر الثالث اعطيها بستوك فارليز مع الحليب

بنتي كملت 4 شهور بس للحين ماتنقلب قلبه كاملة ولاتقعد _ انتوا شلون عيالكم ؟ تو الناس عليها يعني؟

كلاسيكيه كللللش عادي ماتنقلب
ولد اخوي انقلب في السادس وقعد في الثامن
وكل بيبي قدراته تختلف عن الثاني

والقعده تو الناس يبتدون من الشهر السادس
ولاتحطين في بالش بروحها بتنقلب
اني بتي في يهال قدها وانقلبوا تقلبات عدل
بس بتي يوم وترك او يومين ماتنقلب الثالث تنقلب على بطنها
وكللللش عادي مطنشه
اقتل بتي عشان تنقلب مردها بتنقلب وبتمشي وبتعفس
ولا عليش لين قالوا اشطر ما اشطر
هذا مؤ شطاره
والوراثة تلعب دور

صباح الخير ماميييييز كيفكم وكيف العيال الله يحفظهم؟؟

بنات قبل أمس كان تطعيم عبادي بس أنا خذيته اليوم إفتكرت مافي تطعيم يوم الخميس والحمدلله كل شي تمام..

بس اأنا لاحظت ولدي راسه للحين ماثابت وهو كمل 4 شهور ،، هالشي طبيعي راسه ماثابت للحين؟؟؟؟
كثيييييييير أحااااتي هالموضوع!!

::

بااااال
اشدعووة .. محد يدخل

هلو ماميز ... بالنسبة للاكل مافكرت اكب ولدي وهو عمره 3شهور و23 يوم الله يحفظه لان بطنه وابد ماذيه وايد غازات وهلون ومادري شيوي له ماتم دكتور ماتك دواء ماتم اعشاب ماعطتيته بس بدون فايدة عشان جي اجلت موضوع الاكل لي عقب التطعيم ان شاء الله ...

صج دشاتكم قليلة بس اكيد لاهين مع البيبيات الله يحفظهم ... نبضات ماعرف صراحة يمكن جسم ولدج صغنون من هلون مايثبت ... انا ولدي بعد احسه يثبته احسن من قبل بس بعد ليحين مايثبته زين لان جسمه وايد ضعيف وصغنون ... ماميز بقولكم مشكلتي .. صج الي صار لها مثلي او شي تساعدني شلون اتصرف ...... اقولكم انا متضايقة من ام ريلي وايد حاطة علي كل ماتجوفني تقط حجي تقول انا ماعرف لليهال وتدخل في كل شي مرة تقول لي ليش ملبسته هالثياب فطستيه حر موتيه مرة تقول وايد الميمية حارة بتحرقينع مرة تقول انتي بتعوقين لنا ولدنا لاني كنت ميلسته بحضني !!!والله جدام الكل انحرج زاسكت مايصير بعد هي مرة عودة ارفع صوتي ولا اعاندها !!!بس صج مب عارفة اتصرف معاخا هذا ولدي اكيد اخاف عليه اكثر منها هذا قطعة مني تعبت عليه ... شسوي معاها ؟والمشكلة العودة هي مريضة يدها وايد تالمها الله يعافيها يارب وماتقدر تيود اليهال بس تاخذ ولدي ماتيوده عد ..... يتالم فديته ويصيح بقوة احس فيه قلبي يتقطع عليه تعوي ظهره ويصرخ مسكين .... وماقدر اتكلم.. وبنتها توها والدة بعد تقول مابيود ولد بنتي اخاف عليه يطيح لان يدي تعورني ... انزين وولدي انا يعني شنو ... والله صج منقهرة ساعدوني بنات