لمه العراقيات المغتربات من كل مكان (الشهر جمادى الاخرة )

الله يوفقج دودو بس ان شاءالله ترتاحي لان مستقبل كدامج

تسلمين حبيبتي فوضت امري الله يسهل على الجميع ان شاء الله

سلام بنات شخباركم ..
ما كان عندي نت هاليومين ..
ام عبود اي والله الناس صايره على كلشي تحسد .. الله يبعدنا عن الحسد هسه اني والله بيه طبع لو شفت شي والله العضيم حتى لو بقلبي اله اقول ما شاء الله اقول خطيه كلشي يصير والعين حق والواحد ما يدري شيصير .. واحنا الفتره الناس صايره عيونها علينا وعلى شنو ما ادري والله العضيم شهر اربعه الله يستر منه كله غرامات وسوينه حادث بسيارتنه واتاذت حيل السياره .. الله كريم ما عندنا غير نقرا المعوذات والقران والله يبعدنه عن المشاكل ..

ممشوشه الله يسهل عليج ومثل ما قلت لج لا تخافين انتي سباعيه كدها وكدود هههه راح ادبريها ان شاء الله ..

http://forums.3roos.com/showthread.php?t=654788
حياكم بنات

يسلمو ام عبود روعة

ام فطوم
يمعودة ولا يمج ترى ناس على كل شئ عينها
والله مااعرف اشبيهم الناس
اني من كعدت بهذه بيت كلهم تخبلو
تصوري رحت خطار بيت
واجت مرية همين خطار هذه بيت
اني مااعرفها ولا حاجية وياها
رأسا سالتني شلونج بالبيت جديد مرتاحه

كلت بقلبي ياحافظ
شنو منتشر خبري خخخخخخخخخخ


وصديقتي جتي تباركلي وهي بواشنطن كاعدة تصدكين ظلت عينها تكلي هاي شلون مطيج هيجي غرف خخخخخخخ

متعجبه

وكل ماتخابرني تكلي والله ناس عينها عليج
وهسه كاعدة بالبيت بطلت مااشتغل كل ناس متخبلين متجنين
هسه يمعودين اني مااشتغل حتى اجمع ذهب وفلوس اني راحتي هي ذهبي
لكن
بسم الله ماشاءالله لا قوة الا بالله

عينا بعين ربنا وهو يسترنا

هاي بنات شلونكم شكو ماكو والله ضوجه صايره و روتين ماكو شي واحد يسوي و يلتهي بي

ام عبودي عاشت يديج على سينابون شكله كلش يشهي

الله يسلمكم.حبايبي تسلمووون واسعدني مروركم للموضوع ام فاطمه الحمد الله ع سلامتكم والحمد الله اجت بل حديد ولا بيكم اي والله الناس صايره تحسد ع كل ش الله يحفظكم ويحفظنا من كل شر يارب - دوًدو هلوووووو بيج حبيبتي شلوووونج اني وعبود بخير مخلصينها دياحه الجو و كلش حلوو يمناا نخلص العصريه كله بره طقت ارواحنا من البيت ههههههه شكله جوكم بعده بارد؟؟ هلوووو فرجينا شلونج قلب وعوافي عليكم الكيكه يارب ام فهود شلونج؟

ام عبودي ماجاوبتي كتبت هذه مثل لفة خميرة
لان انتظر جوابج حتى اسوي

هلو بنات
كلما أجيب طارئ السفر يجيني مغص ببطني ههههههه من الخوف
بس الحمدلله رجلي قرر يوصلني لدبي لأني اضيع والمطار جبير وماكو وكت بين الرحلتين الا ساعه ونص يالله تكفي.
ادعولي ربي يسهلها واوصل بالسلامه
مع السلامه

با عافيه عليكم ام عبودي والله راح احسد جوكم ههههههه

احنه يمنه مو بس مطر برد يعني ملابس شتويه هههههه

صار من شهر الرابع الهسة كوله مطر ما وكف يوم هههههه

هلوووو بنات شلونكم فرجينااا اني رديت عليج اهنااا بل موضوع مال السينابون بس ما اعرف مافهمت قصدج شنو يعني هل تقصدين الخميرة شكد تحطين لو شنو ؟؟؟ واني حاضره (: هلا دودو ههههه خطيه الله يساعدكم لا اهنانه يمنا نعمه هههههه صيف ع اصوله يكولون الاسبوع الجاي راح يكون بارد شويه ههههههه.. ام فهود تروحين وترجعين بسلامه يارب

اقصد ام عبودي يعني هذه معجنات مثل لفة الخميرة
لانها شكلها نفس شئ !

اي ام عبودي هوه هنا جوهم يوم حار و سبوع برد ههههه

اي اي فرجيناا هي همين نفس المعجنات تخمر ونفس الفه حطي ملعقه خميره كاااافي (دودو) اي والله جوهم يوم ويوم ههههههههه استغفر الله (:

( أستغفر الله الذي لا إله إلا هو الحي القيوم وأتوب إليه )
( سبحان الله، والحمد لله، ولا إله إلا الله، والله أكبر )





http://forums.3roos.com/showthread.php?p=16081211#post16081211
حياااااكم بنات دوووووولمه




( أستغفر الله الذي لا إله إلا هو الحي القيوم وأتوب إليه )
( سبحان الله، والحمد لله، ولا إله إلا الله، والله أكبر )

هلا بنات شخباركم ..
ام عبودي اي ولله صحيح بالحديد ولا شي ثاني لا سمح الله .. وعاشت ايدج على الطبخات وطريقتج للدولمه غير عن طريقتي ميه و180 درجه ..


باقي البنات شخباركم ..

الله يعافيج حبيبتي ام فطومه

سلام بنات نسوان شلونكم

الجو عدنا مرة اشعل تبريد ومرة بعد ساعة اطفئ يصير بارد

واليوم مطر

وبعدين تصير ربيع يخبل

وحتى زرع متاثر بجو

كانت الزرع عادية 2 يوم كانه ناثرة ورد لما انتبهت ظليت صافنة وريحة تخبل
ولا كانه اني عاشيشة بهذه مكان ظليت صافنة شلون بيوم وليلة بقدرة القادر طلع هذه الورد


واليوم اول مرة افتح شباك وانام وبصراحة تغريد طيور تكفي تنطي قوة حتى استيقظ



هسه انزللكم اما صورة او فيديو على مكان

بصراحة يخبل مشهورة ولاية فيرجينيا بمناظرها طبيعية خلابة الي لاتجد على الارض غيرها وكذلك بريعها دائم وخضارها ساطع

الحمدلله كل شئ حلوة بس لاني مغتربة على اهلي مااحس بطعم شئ وحاسبة بالوحدة فضيعه بعمري ماحستها من قبل

بنات اندعولي لان قلبي كش مكسورة لما اشوف نفسي انقهر على ذاتي:'(

قبل مشاهدة اي مقطع ادخلو كلمة سر بقول;)


استغفر الله (سبحان الله وبحمده سبحان الله العظيم)
[YOUTUBE]zslN7HFGYu8[/YOUTUBE]


2


[YOUTUBE]-ealX8L8KF0[/YOUTUBE]

هلو بنات شلونكم ام عبودي شنو هاي دولمه والله شهتيني اموت على الدولمه

ام فاطمة شلونج حبيبتي شو الاخبار ام فاطمة ليش انتي شلون اسويه الدولمه

اني اليوم طلعت شتريت بدلات طويله مال طلعه من اشتري شي ارتاح نفسين هههههه

و اليوم جاية بت خالتي و زوجه وابن خالتي