ربات بيوت ،، سنعات ،، حلوات و أمورات البيت الخامس والعشرون

صباح الهواء العليل..

والمود الجميل..

صباحكم نشاط وحيوية..

لاتنسون رياضة الصباح..

اللي تمرنت تتفضل حياها عالفطور..











وهذا للي مسوين دايت ..











ـهههههههههههههههـ

الله يقويكم وينحفكم من غير شر..

ملاك.. مشكورة عالاطراء..اخجلتي تواضعي..

وبالنسبة للهجة..انا يوم عن يوم اتمسك فيها اكثر!!

قبل اتزوج كان كلامي عادي..لكن بعد الزواج اصبحت اتساتسي..

اتساتسي = لا انطق كاف المخاطب للمؤنث .. وشلونك..تصبح وشلونتس..

مع العلم ان زوجي كلامة عادي.. انا لهجتي محليه اكثر منه وهو معجب باصالتي..:083:

___________________

يومياتي..

بعد الروتين الصباحي رتبت البيت عالخفيف..

وسويت رياضتي.. وحامت كبدي لأني كنت شاربة كاس موية عالريق..

ومع رياضة شد البطن حسيت بلوعة..

مسكت اللاب توب وكملت تنسيق وتصميم الليبلز حق مطبخي..

بقى اطبعهم واقصهم واغلفهم ثم اخرمهم..

ودي انزل للسوق.. ابي شرايط وابي سلات..

ناوية على مطبخي نية.. اغلب دواليبه شفافة..ودايم حوسة..

فنويت اجمع القراشيع بسلات رفاع بحيث ما تبين من ورا الباب الشفاف..



خلونا هالشهر نركز عالمطبخ من جمييييع النواحي مو بس تنظيف عميق..

اعادة ترتيب وتغيير اماكن بعض الاواني للافضل ان امكن..

وتنسيقه مثل ما اسلفت..

وراح اغرقكم بالمقاطع والصور اللي ممكن نستوحي منها افكار..

معا في حملة "تنسيق المطبخ"

صباح الخير كيف حال الحلوات

هذا الرف يباع عند ايكيا..:adore:













هالنوع من العلب توفر لك مساحة وتحفض الطعام..





هذا الحامل رهيييب ما يحتاج تخريق بيبان وحوسة..

بسهولة يتعلق عالباب..يصلح للمخزن الضيق.. عاد وين يباع ما ادري :rolleyes:










هذي مخزنها بالدرج :confused:





هذي بعد حلوة..عجزت وانا ادورها بالامازون ما لقيتها :thumbs_down:

خذت قاعدة شاشة كمبيوتر الشاشات القديمة..عشان تفر يمين ويسار..<<الحاجة ام الاختراع.














استغلال باب الدولاب من جوا..

وضع سبورة معدنية خفيفة..تباع بكل مكان..

وتكتبين فيها مهامك لليوم الجديد..مواعيد..

تذكير لك وما تبين احد يشوفه..

وعند ايكيا علب ممغنطة تقدرين تثبتينها عليه وتعبينها بهارات..كنوع من توفير المساحة..












استغلال اخر لباب الدولاب من جوا..




الجيوب ممكن استغلالها لتوفير مساحة ايضا..













حامل الصايني يسهل عملية اخذها وترجيعها..











حولي الرفوف المكشوفة لادراج مستورة..





اصنعي مدرج للعلب..





اختاري الوان منعشة ومريحة للعين..






وممكن تضيفين خلفية ملونة ومزخرفة للرفوف او الدولاب..


























وما ننسى الليبلز اللي هو تسمية وعنونة العلب والسلات..

ياعيني عليك يارووووز
احولت عيوني وانا اشوف هههه
ماشاءالله حلوووين
والمطبخ اهم شي فيه الترتيب والتنظيم ويطلع زي الحلاوه
الله يوسع علينا يارب

روز ... واااااو
من جد واااااو
....
الله يسعدك والله انتي ونعم الاخت اللي تعين عالخير وربي يسعدك ويعطيك الخير
ومن جد كنتي نعم الاخت ونعم العون لي اني تجاوزت ما مريت فيه من محنة ..وما تخليتي عني وادرتي ظهرك ..
الله لا يحرمني منك
ومن كل حبيباتي في الملف
والله مش متخيلة حياتي من غيركم والله
..
روز .. لا تنسي اللي وصيتكعليه عالخاص ..نشبة هههههه
..
ابشركم خلصت الاشياء الصعبة في مطبخي
وباقي لي اللمسات
هو طبعا قمة البساطة لكن لما نقارن كيف كان وكيف اصبح ..تغيييير قوي جدا ومبهر
متشوقة نكمله ونشوف ردود فعل اهلي واهل زوجي

السلام عليكم

مساءكم خير وطااعه


للتذكير فقط :

اليوم عايشت موقف صعب ع النفس
وخلاني أراجع حساباتي
وحده متزوجه لها فوووق العشر سنوات وماجالهم عيال
هي تمام بس زوجها يبغاله علاج وهو رافض !!
لا وكمان يفكر يتزوج عليها بس المادة ما تسمح له !!
من جد عجب العجااب
اللهم فرح قلبها ويسر أمرها وهون عليها غربة أهلها وبلدها
=(

اللهم لك الحمد على نعمك التي لاتعد ولا تحصى
اللهم لك الحمد حتى ترضى وإذا رضيت وبعد الرضا


تفائلو بالخير تجدووه =)

::

ملاك \

الله يدلك للطريق الصح
أستخيري الله

بس لو أنا إحتمال كبير أني أعيش الإجازة وانتبه لصحتي
والدراسه ملحوق عليها
طبعاً هذا رأيي يحتمل الصح ويحتمل الخطأ بالنسبه لك

روز مشاءالله عليك الله يعطيك العافيه

ملاك الله يابارك فيك المنتديات لاسى مجمعت 500 عشان اعطيهم
خليني كذاء احسن بين الحريم:D

مساء التنظيم والالوان..

الصور اللي فاتت كانت متمركزة على ترتيب دولاب المؤنة..

اليوم راح احاول اشوف جزء اخر من المطبخ..



درج الملاعق او المغارف..



ممكن تعليق حامل يظف الادوات اللي مسوية زحمة وتستخدمينها باستمرار..





نخصص مكان لكل نوع من الادوات.. لتسهيل ايجادها واعادتها..









قبل و بعد :adore:





وهنا مسوين ليبل..


هذي مرة حلوة فكرتها.. مقسمة الادوات لثلاث اقسام..

خبز.. طبخ.. تقديم..

ممكن تسوينها بعلب عادية..طقم قديم انكسر غطاه..

او حتى قوطي فول..







وهنا علبة نيدو كبيرة مصبوغة ومعنونة ومخصصة للاكياس..










نجي الحين للدولاب اللي تحت المجلا..

هذي الرفوف تباع عند ساكو.. مرررة حلوة وعملية..




قبل..

تخصيص سلة لكل نوع.. و تلزيق ليبل..



تثبيت علب لوضع بعض الادوات..






دولاب ادوات تنظيف..قبل وبعد..



ودائما هناك ليبلز..


اعجبتني فكرة تعليق البخاخات..









هذي رهيبة ليت من يلقاها.. تتعلق عالباب بدون حفر وتخريق..



اللي المجلا حقها مكشوف وما عليه دولاب.. تصنع له ستارة..



اخيرا وليس اخرا.. ما اوصيكن يا بنات عليكم بالسلال..


واذا تقدرون توحدون اللون يكون افضل.. زي ما لاحظتوا سر التنظيم بتخصيص مكان لكل غرض وذلك عن طريق السلال..

شكرا روز :adore::adore:

السلام عليكم
كيفكم حبوبات
روز الله يعطيك العافيه بالفعل انا تعجبني حركات البلاستيكات
والارفف والسلال تعطي ترتيب ونظافه وسرعه الوصول للشي
انا حاليا فرشت الدواليب مشمع مقوى زي الي ينفرش في الارضيات
روعه
يومياااتي مدري متى اخر مره كتبت يوميات
اليوووم
نمت بعد ما راحو عيالي للمدرسه للساعه3 ونص
صحيت عملت كبسه دجاج وسلطه زبادي وسلطه حاره
بعد الغدا غسلت الصحون وعملت شاي وبعد المغرب حطيت
مكسرات وغيرت لبناتي وبعد العشاء طلعنا السوق
ورجعنا على الساعه 11 عشيت عيالي ونا نظفت السلات
وكنست ورتبت دولاب القدور والصواني وغسلت شوي مواعين
شغلت الغساله على ملابس بيضاء وبس
تذكرت امس الجمعه دقت بنت عمتي بيجوني استقبلتهم وجوني
على عشره حضرت معمول وكيك وشكولاته مع فواكه وقهوه
والشاي مكسرات طلعو على وحده والوقت الي
كان الحريم عندي عمل زوجي لعيالي اندومي وياسلا يالحوسه
هم راحو من هنا ونا غيرت قميص وغسلت الصحون ولمعت الطاولات
والمرايا وشغلت المكنسه وغيرت لبنتي ونيمتهم
بالتوفيق للجميع

صباح الخير عالحلوات

انجازاتي فاليومين الماضيه 

الحمدلله انجزت اشيا ماجله كثيرة منها الكوي 
كل بدل العمل والثياب كويتهم بالبخار

وجمعت ملابس زوجي في صناديق حلوين 


السبت 

اول شي سويته قسمت الاعمال اليوم وبكره 

اول شي مسحت أدواتي وغسلتها اللي هي المساحة والمكنسة اليدويه ورميت الاسفنج والسلك 
وفرشه الممسحة الدواره

عشان ابدأ بادوات نظيفه والنتيجة اكون رائعه 

كنست البيت كله ومسحت الطاولات وفضيت طاولة الكمبيوتر ومسحتها ورجعت وحطيت الطاولات فالمطبخ اقرب مكان للصاله 

حطيت منظفاتي بالورد ومسحت الصاله ورجعت المفرشه الصغنونه والطاولات والحمدلله تفتح النفس

رحت عالممرات وكنست ومسحت ورجعت كل شي مكانه

وكمان غرفة النوم بدلت المفرش ومسحتها وحطيت الفواحة وقفلتها 

وغسلت الصحون ولميت الزبايل تكرمون 

وبخرت وانتهى يومي 


اليوم سويت فطوري ورصيت الاواني فالدولاب 

وخرجت جرير وجبت لي نوت عشان بجدد النوت القديم وبكتب طبخاتي 

ومسحت حدايد الابواب بالزيت  لانها تطلع صوت 

ورتبت تسريحتي وصار شكلها احلى من اول 

ومرتبه وبضيف لها اشياء 
ان شا الله 

اما فكرت روز مررره حلوه الترتيب اهم شي وكمان التنسيق 
جزاك ربي الجنه عالمجهودات 

انا قبل فترة جبت استيكرات فواكة ولصقتها عالثلاجة من جنب وطلع شكلها مررره حلو 

وبكمل بافكار تناسب مطبخي 


والدولاب تحت المغسله جبت صندوق ولميت اغراضي فيه والحمدلله مرتب واشيك عليه بين فترة وفترة

دولاب مطبخي لون بني فاتح بدخل معاه التفاحي وشويه اورنج ويارب يجي زي ما ابي 

وكتو 

اشوفكم على خير 

متابعه بالتوفيق للجميع:065::065:

ملوكة

والله اهم شي استخيري الله

وانا حاسه فيك اللخبطة شي مو كويس بالنسبه للمواد فالجامعه وخصوصا تاخذينها مع صاحباتك
بس انتي شوفي وضعك ان شاء الله معوضه
واستانسي فالاجازة وبعدين تبين طول العام دراسه فدراسه على الاقل ارتاحي وهني عائلتك وونسيهم بالاجازة وعوضيهم كل ما فاتك فالترم من ضغوطات

هذي نصيحتي لك وانتي ادرى بوضعك وبموادك

وربي يكتب لك الخير