شعري راح اصبغة وابقي نصيحتكم ....

السلام عليكم بنات

انه بنت خالتي عرسها اخر السنة يعني بداية شهر 11 وانه ناوية اصبغ شعري بس خايفة لانه هذي اول مرة اصبغه وناوية اصبغه في فندق انه كله اتعامل معاه ...المهم انه كنت رايحة هذي الفندق من اسبوعين عشان اقص شعري واللي تقص الشعر اهيا اللي تصبغ وفي ناس غيرها بس هذي انه تعجبني ...

المهم يست استفسر عن الاسعار وغيرها وهيا قالت لي شرايج اتصبغينه وتحطين فيه هايلات وهذي انه اللي ابغيه خاطري اسوي جذي ويوم كانت بتقص شعري كانت اتنشفة من الماي وقالت لي انتي صابغة شعرج او حاطة فيه حنه قلت لها لا قالت لانه شعرج بني (ماشاء الله )والصراحة اول مرة الاحظ ;) لانه اهوا بني داكن بس يوم رحت البيت وجفته طلع صح كلامها فقالت لي بس مايحتاج اتصبغينة بس حطي فيه هايلات (مادري صح كاتبتها أو لا) قلت لها اوكيه راح افكر في الموضوع..

الصراحة انه يوم كنت راح اصبغة كامل وتالي احط في الخصل كنت متطمنة اكثر لانه اخاف اذا سويت الهايلات ايصير شكلي كريه لاني اجوف في المجمعات بنات شعرهم اسود وحاطين فيه اخصل ذهبي او اشقر والصراحة شكلة لوعة وانه خايفة انه ايصير لي جذي ....

وبعد ابقي اعرف اذا صبغته كامل راح ينزل اللون ويطلع لون شعري مرة ثانية ,,ادري سؤال غبي بس ابي اتطمن .

فشوروا علي شنو اساوي لانه ودي اصبغ شعري واسوي نيو لوك اخلي اللي مايعرفني ايعرفني :o ....

خصوصا انه عروس ما اتصير في عايلتنا وايد فابقي اكشخ على الاخر ....

وصج انه العرس ابعيد بس ابقي افكر وماتسرع عشان ما انصعق واندم لانه شعري بروحه بلشه ...

فشنوا اتشورون علي ....؟؟