بسمات الخيال;16052720:
آآقصد آنه في حد من خوآتيه
يعـآنون من جفاف و سمااار في ريووولهم
و كلما استخدمو اي منتج او اي كريم
صح انه ينعم و يرطب لكن كريمات الفتيح ما تنفع ؟
و الجفاف يرد مره ثانية
يعني شو الحل لهاي المشكله ؟؟
الرجل واليد لازم ترطيب عالاقل 3 مرات يوميا وشرب الماي 8 اكواب بسرعه تجف ولازم بالصيف مايلبسون شي مفتوح ولا صنادل تسمر الريول والجفاف لا غسلوا ريولهم وما جففوهم ورطوها وتعالي بعدين رجعيها للونها الطبيعي
اول شي مرتين بالاسبوع يغسلون ريولهم بالشاورجل ويركزون على بين الاصابع وعقب ييبون طشت فيه ماي ساخن اللي تتحمله ريولهم وملح وبيكنج صودا او بيكربونات الصوديوم ينقعون ريلهم فيه لمده عشر دقايق ويقشرونها بسكر وليمون وزيت زيتون او مقشر الشمش ويفركونها بليفه القفاز من بودي شوب وبالحكاكه يبعونها للريول يحكون كعب الريول وعقب يجففون ريولهم ويرطبونهم بزيت اللوز وعصير ليمون وزيت الجسلرين كلها تنخلط مع بعض او يخلطون فازلين مع نشا مع بيكربونات الصوديوم او كريم اسمه شول خاص للريول scoll ويلبسون دلاغ خاص بالريول يكون قكني من بودي شوب كون لونه ابيض وينامون فيه بعد مايرطبون ريولهم الترطيب الترطيب وايد مهم
والسمار لان الريول مكشوفه خلهم يلبسون جواتي احسن والصنادل مو لكل مكان لحق المولات ولا رحتوا مطعم يعني يكون بالليل ;) والجوتي ماتكون ضيقه ولا لبسوا جواتي يحطون
بودر اطفال وبالبيت لازم سليبرز ماتمشي حافيه يسبب جفاف ومسمار القدم وهوا بالبطن