بعد طول انقطاع رجعت لكم باخر عطوري اللي اشتريتها

سلام يا حلوين كيفكم لكم وحشة اعذروني عالانقطاع المفاجئ بس مالي غنى عنكم
حبيت اشارككم بعطوري اللي شريتها في هالفترة واشوف اراءكم يلا
بسم الله نبدأ
1







هذا عطر من حامل المسك ريحته صابون ونظافة يصلح للجنسين سبق ونزلت موضوع عنه انصحكم فيه
2








هذا عاد غني عن التعريف (شي)من انفاسك دخون خطير مرة وريحته تثبت فوق الاسبوع عالملابس ريحته على عود فيه فخامة ويستاهل سعره بقوة
3







هذا نفس ريحة شوبارد القلب وريحته تثبت كم يوم وسعره رخيص 60 ريال بس يدوم
4








هذا قديـــــــــــــــــــــــــــم هانا موري ريحته قويه وعلى حلاوة ينفع مع البخور والعود
5










نجي الان لعطور الماجد القميــــــــــــــــلة هذا ترف شريته من اول وماعاد شريته هو ريحته حلوة مرة على نظافة بس مدري ليه ماكررته بس لما شميته مع العود البخور طلع يجنن وعلى طول طرت لاقرب فرع للماجد اخريوم في التخفيض وشريته
6








هذا ريتاج من الماجد ريحته باردة بس ماعد اكرره
7










هذا المملكة الخاص بس يا خسارة 150 ريال فيه طبعا بعد التخفيض لان ريحته نفس ريحة مخلطات جنيد وهي سعرها ارخص بعد

8
الحين عندي كم عطر اخذتهم من دبي واتمنى القاهم بالرياض مرة حلوة









هذا من عطور كوين بي روعة اسمه بلو عنبر ريحته قويه بس لما تبرد تطلع حلوة

9








هذا مقرن من عطور فزاع الملكي ريحته على مخلط عود بس حلو مع العود ويصلح للجنسين

10









هذا فتنة من دبي مول من كشك اسمه عود غاليري ريحته حلو وتصلح للمناسبات
خلصنا عطور دبي نجي للباقي
11







هذا عطر قديـــــــــــــــــــــــم اسمه انجور عطر امي الغالية من زمان تدور عليه
لقيته فلقطت منه 2 واحدلي وواحد لها

12







وهذا يتبع سلسلة (غبر غبر )من فرساتشي وايت جينز حلو ريحته ويصلح للي تحب العطور البهارات


13









هذا عطر من محل اسمه شكس ورقم العطر 37 بس يجنن ريحته مرة حلوة وملفته يشبه عطر غلاموريس القديم من رالف لورين

14






هذا اسمه عود مميز حلو لما ينخلط مع العطور يعطي فخامة بس لوحده ما يصلح

15








هذا عود المسك من الرصاصي ريحته بالاول قويه بس لما تبرد يطلع حلو واحب اخلطه مع عطر بويم من لانكوم
اما الاخير فهو المفاجئة العظمى اكبر مقلب اكلته بحياتي عطر قمة في الفشل عطر من روز ماري حتى اسمه ما ثبت براسي ريحته جابتي اكتئاب وكتمه شوفوه