التجمع الرابع لامهات يناير 2021..... شهر جمادى الاولى

انه بنتي كانت ترجع وتغربلت معاها
ويوم بدلته حق تبع الترجيع صادها امساك
فنصحوني بحليب ابتاميل كومفورت
هضميه مريحه
حق الي يرجعون والي فيهم امساك
ووايد تمام
والكل يمدحه
جربيه لها وبتشكريني

لحظووا لاتتخوفين او تحتارين انا بعد بنتي من كملت الشهرين جربت اعطيها الفارليز مع الحليب والحمدلله ماشي معاها وما صادها شي وهاذا بنصيحة الدكتور

خذي اول مرة ربع البسكوتة وخليها مع الحليب وان شاء الله بيمشي مع الياهل خصوصا اذا كان الياهل مايشبع من كل رضعه فالبسكوتة بتساعده انه يشبع انتي جربي

وبعد عندج عصير البرتقال السكري مخفف مع الماي

ومنقوع التمر وايد زين حق الامساك والمغص

بالاضافة لأهم شي وهي حبة الحلوة ما استغني عنها وايد مفيدة

الحين بنتي بتكمل 3 شهور بنات شنو الفعاليات او النظام الغذاىي الي اقدر اسويلها - وبعدين قولولي شي مفيد للزكام والخشم المسدود لها غير الادوية والمستشفى؟

::

ان شاء الله اليوم باخذ لها ..

هلا خيه
اول الايام بدي معاها فواكه بحيث ماتكون يابسه سويها بالخلاط
انه افوحها خمس دقايق بماي كلللش شوي
وعقب اخليها في الخلاط مع الماي مالها ماقطه لان في فيتامينات وبالخلاط وماخليه ماي مايو ولا ثقيل
عليض شوي
مؤ كل الاطفال يرغبون للتفاح
وبعدها بيومين جيكي صنف ثاني
عندي موضوع بمنتدى ثاني مسويته عن وجبات الاطفال
اذا تبينه خبريني يمكن تستفيدين منه وتفيدين

عن الزكام والخشم المسدود
عندش قطور مثل السيلان شكله بس اهو قطور تخلين نقطه في كل فتحه وتقدرين تستخدمينه حتى لو مافي البيبي زكام
اوقات نسمع بس صوت في الخشم هذا يعني مسدود نحط منه
انه بنتي على طول استخدمه بها ولين بتنام احط لها عشان مايكون مسدود وتتغربل ماترتاح بنومتها
اسمه Rinoflux
جنه اهو املاح البحر شي جدي بس وااااايد زين وافضل من القطورات الي مامنها فايده

لحظه تقدرين تجربين لها البسكوت فارليز
ووكليها عادي
حطي في المرضعه ربع والأسبوع الي بعده زيدي ربع وكل اسبوع جدي
لين يصير في المرضعه بسكوته
وفي حلمات مخصوص البسكوت لان غليض ماتكون فتحتها نقطه
لا تكون على شكل زائد
جيكي الصيدليات او سنتربوينت افضل من الحلمات الباقيه عن لايعورهم بلاعيمهم
وعطيها في اليوم وجبه وحده مثلا نوع من فاكه بس ابتعدي عن المانجو والفراوله والكيوي والاشياء الحامضه
ولين جربتي مثلا التفاح وجربتي لها عقب يومين الكمثرى عقب خلطيهم مع بعض
وغيري لها لاتتملل
وفي وجبات وايد ومالي مزاج اكتب وايد ههههه
اذا تبين الموضوع خبريني وبطرشه لج

قلبووو أنا أبي الموضوع

انا بعد ابي الموضوع

بنات انتوا تبتدون تأكلون عيالكم من الرابع والا السادس والا متى؟

على حسب كل ناس لها وقت معين

بس ترى ما يضر البيبي كلام الدكاترة هرار من سته شهور


اني ولدي من دخل الرابع

قمت احط له نص بسكوته ثلاث مرات في اليوم في حليبته المعتادة

ولمن كمل اول اسبوعين من الرابع قمت الحين ااكله سيريلاك الرز فقط ما وياه شي ثاني

واعطيه تمر دايركت في بوزه يمصه يستانس عليه فديته

وما افكر ادخل له شي ثاني الا لمن يكمل الرابع اخاف يطلع يتحسس مثل بنتي لان

سويت له مثل نظام اخته

لمن يكمل الرابع ويدخل الخامس ببدي فواكه كل اربعة ايام صنف

وبقولكم بنات ترى مو لازم تفوحونه الا اذا كان كلش خشن

اني اخد التفاحة و اسحتها بالقفشة ودايركت اعطي بنتي كنت جذي احسن

من الفوحان تفقد قيمتها الغدائية

بس يفضل ما تدخلون لهم اي شي غير السوائل و حبوب الارز و البسكوت في الرابع

لان ناس يتحسسون وناس يناسبهم فلا تجازفون وبس

بنااات بسألكم وين احصل الثياب المشبوك على فراري وبورش وبولو وشخصيات كرتونية وهالسوالف حق بنتي؟؟

الستي المحلات الاصلية مالهم بس واجد مبالغ في الاسعار صراحة

وفي محلات في جدعلي تبيع كوبي ون خخخخ محل الاختصاص مثلا بس مادري

ادا موجود حاليا او لا بس ماعرف اوصف المحل خخخ


واسواق الايام هابين فيهم بعد خذت لولدي مشبوك سنفور بس فراري مافي قده حسافة لا

اهو ولا بولو

بس بنية حلاته تاخذين لها فستان بولو

اما فراري و بورش مو حلو على بنية

حلاته بولو و بربري و شانيل في فساتين روعه

مشكوره شكلي بشتري لها ابتاميل كومفورت

وين انزين احصل فستاني جذي؟

ظبعا ابي الكوبي ون مانقدر عالأصلي هههههههه وبالعكس حلو على البنات هالثياب فراري وبولو ايصيرون حلوين عالبنات اكثر من الصبيان هههه انا احبهم وخاطري البس بنتي بس مو محصله اذا جفتوا مكان ايبيعهم خبروني بلييز

كلاسيكيه جيكي مركز البحرين التجاري

عن سالفه الفوحان اول شي خيه مايفقد قيمته
تروح في الماي
وانه اخلي الماي في الخلاط وياه يعني تتم الفوائد
وعن الحكاك بالقفشه
البيبي مافيه اسنان اوقات يضغط على القفشه وتأثر على لثته فاحسن شي الربل صعب ربل ينحك فيه وبسرعة تستوي سوده
وانه لمن اسوي التفاح وافوحه اخلي حق ليومين اقسمهم في علب او حافظات
وكل يوم أطلعه من وقت لين يفتر ومايخترب ولا يسود وجنه توه مسوي
وبنتي تحبه مطبوووخ اكثر والتفاح لين تاكل سنه التفاحة تصير سوده
وكل واحد وطريقه اكله حق البيبي
فكل وحده تجوف شنو يحبه ولدها او بنتها ههه

http://go.3roos.com/v47tuakpkct

هذا الموضوع ان شاء الله تيتفيدون من البنات

صج برشونة كلامج عن بامبرز الابيض الصراحه ريحته كله بول وتنتفخ

فتوني الحين قمت اجرب هجيز وبصراحه مرتاحه منه شكلي بواصل عليه

اي بامبرز السوفت كريييييهه ريحته تبط المخ
من اقل بوله تقب الريحه
ويستوي رطب وخاصه اني بنيه البول يروح ورا وورا يصير رطب جنها مسربه بس اهي مؤ مسربه
ويتحول البول حق جيلي
هالشهر قلت خلاص بغيره وفففف خايس

كلاسيكيه في موقع كارترز في فساتين ماركه بولو

اي والله جربي هاجيز حلوين حتى على اشكال ههههه ضفادع ودلافين حبيتهم

بجيك الموقع الحين مشكورة خيو

عسى ماشر
داشه عرض
راوينه عرض كتافج ودوري الي تحبينه