تجهيزات عرائس ' مملكة البحرين ' لشهر جماد الاول 1433 - 2012 م / الجزء : 88 »

اخــ القمر ــت;16038238:

اللهم صلي وسلم عليه :)

شاسوي كلورة احس روحي بانفجر من الضغط لان اهوه يبي يخلص كل شي الحين الحين واحنا عندنا اكثر من شهرين من جذي من امس اعصابي فلتت :-#

اي تقريبا او اكثر على الظروف بس حرام اقط عليه 600 واحنا بنكون طول الوقت في الشغل اكيد مب انا باطبخ الغدى والعشى شباسوي يعني خفايف او من برع مب مطاوعني قلبي اقط هالمبلغ واحنا محتاجينه في اشيه ثانيه باجوف بعد السوق الايراني يمكن يعجبني

ذاك الاسبوع رحت ماجفت تخفيض في هوم سنتر وQ HOME :-o

الكوهجي اللي في ستره عاد كلهم في ستره :lol:

مب اللي بروحه على اليمين لاا اللي على اليسار قبل الفرع اللي اييب كل شي تركي هذي ايدد واحد

جفت عندهم زولية دشت خاطري من طخة iD DESIGN وربعه ب 45 بس اللون اللي ابيه مافي الا المعروضه قلت له مابي دايسين عليها الناس :p

وايكيا طاولات الطعام عندهم كلش ماعجبوني والكواليتي مأساه يعني الطاوله بروحها اقل شي 100 وشوي وتعالي اشتري كل كرسي بروحه والكراسي مب مريحين حتى طاولات التلفزيون على 200 وفوق قلت له بنروح مفروشات اسماء او احمد شريف ارخص

امس جفت طاولة تلفزيون في الكوهجي اللي اييب تركي على 160 - 170 بس ابي ابيض اهمه كله غوامج

ههههههههههههه جاف حالتي المأساويه امس قالي المكان اللي تبين باوديج وبيروح بروحه يدور زل قالي انتي بس ردي من الشغل و روحي الجم وانا باتفرفر :lol:

الليت اللي خذناه امس جذي تقريبا

حسيته كشاف بس قلت يلا خل افتك واضائته قوية واحنا بنركب ابيض مب قاصر الا الفريق ويلعبون كورة :lol:

والاشيه الثانيه مقاربه حق جذي

عجبوني قلت يمكن اخذ حق غرفة النوم لان اضائتهم خفيفه شوي

اييييييي وامس مريت بيتهم اجوف الصبغ الحجرة اوكي الصاله شويييي غير بس ماشي حالها وغرفة الطعام اوكي ويمكن الشي اللي زادني ان امه قالتلي الصالة لونها حلو بس الارضيه مخربه لان قلت لكم اهيه حجرته من الاسا وماغيرنا السيراميك يوم قلت حق اختي جافتني مشوطه الا تقولي عادي احنا باركييه وصبغنا بنفسجي حبيبتي اختي تبي تخفف علي :'(

بحرينية_حلوة;16038254:

اخت القمر .. هدي اعصابج حبيبتي .. و نفس ما قالت كللورة .. خلي كل شي على صوب اليوم و طلعو طلعة رومانسية .. تعشو و تمشو و لا تتحجون لا عن عرس ولا شقة ..
و عن المطبخ صج تره ماله داعي كل هالخساير عليه و انتو اغلب الوقت فالدوام .. اخذي شي شكله الخارجي يكون حلو و خلاص مب مهم من وين .. مب من زود الطباخ على قولتج ! و هم تستفيدون من باقي المبلغ فاشية ثانية ..
و عن باقي التأثيث و الألوان .. لا تذبحين و تضغطين على روحج وايد .. لأن كله حطي في بالج ان هاذي مب بيتج ولا بيت العمر عشان تخسرين روحج و تذبحين عمرج عشانه .. اهم شي شي مقبول فنظرج و عاجبج مب لازم احلى شي فالدنيا .. لأن مردج بتغيرينه و بتطلعين من هالمكان .. و ان شاءالله حق بيت العمر سوي كلللل اللي خاطرج فيه .. :thumbs_up:

لأني عن تجربة .. قبل كنت نفسج .. ابي كللل شي خاطري فيه ولازم كل شي يكون نفس اللي في بالي 100% .. بس مع الأيام اكتشفت اني وايد باتعب روحي و باضغط على روحي و فالأخير هاذي مب بيتي الأبدي .. :)

unlimited;16038257:
طاولات التلفزيون اتلاقين في هوم سنتر كنت شايفه عندهم لونهم ابيض
الوول بيبر الي اخذتيه هم يركبونه ؟

M!ss CoLoRz;16038264:

اخت القمر

اليوم على أساس بنسوي جولة على المحلات
بجوف شيصير وياي وبقول لج..لأني أنا بعد أدور أبيض
وعن الصبغ ..مادري اي نوعية إنتوا ماخذين ولا حتى إحنا شماخذين :| بس لما صبغنا الله لا يراويج اللون ..أصفر كأنه أنانسة وطنقرنا شكثر وقلنا خلاص ما فيها تفكير بنصبغ مرة ثانية ..عقب يومين بالضبط رحنا البيت جي نطل والا اللون صار أوف وايت :-o ما صدقنا عيونا
إلا بسألج ..أي مسيد اللي يرضى يعطي قاعته حق نسوان في الرفاع؟؟؟ أول مرة أسمع :!!:

بحرينية حلوة

أفا عليج :D

اخــ القمر ــت;16038185:

مشكورين فديتكم ع الاقتراحات :)

نوارة حبيبتي انا اهم شي عندي اهلي موجودين واللي يبي ايي حياة الله واذا باسوي حنه او جلوة اكيد باعزم الناس والاكلات بتكون شعبيه احس احلى :thumbs_up:

الاستقبال امي بتسويه في قاعة المسيد اللي يم بيتنا لان بيتنا مافيه مكان وايد واذا باسوي استقبال باسويه حق الناس كلها مب كل ساعه جم وحده نطوا قالوا بنيي وتعالي من اول سوي اكل وتعدلي وحاله :|

وعن الحفله انا مب متقبله ان اسوي اي شي بس اسمي لبست الابيض وخلاص يا شي عدل او مابي :(

امس عصبت قلت حق اختي ماباسوي لاحفله ولاخرابيط بنسافر وخلاص :badly:

او انشالله نحجز مطعم حقنا وحقهم نتعشى ونطير :lol:

والله تعبت امس رحت حق المطبخ قال اخر سعر 600 يوم قلت حق امي قالتلي الالمنيوم غالي قلت لها باسوي من السوق الايراني زين 8o|

جنه حصوصه قالتلي تعرف وحده مسويه هناك ييبيلي الاسم الله يعافيج خل اخذ طله

وعن الليتات حاولت وياه مارضى يقول مافي توصيلات فوق يعني لازم يمدون وايرات وحاله استسلمت وقلت امري لله

مرينا الكوهجي الفرع اليديد عنده تخفيض خذت لي طاولة طعام وWALL PAPER عقبها مرينا محل لايت & برايت اللي في جدعلي اتذكر وحده من البنات قالت عنه والله عنده اشيه حلوووة بس حق الطوفه ماعندهم شي قوي واقترحوا عليه ان الكهربائي ايي يجوف الوضع ويمكن يقدر يمدد حق السبوت لايت بس ما اقتنع وشرينا حق الصاله ليتات جنهم كورتين كبار ويصير داخلهم الليت بادور صورة حق شي مشابه باراويكم

وحق غرفة النوم وغرفة الطعام قلت له بعد بادور جم محل واذا ماحصلت بنرجع وبـــــــــس انا امس مكتئبه بسبب الحفله وبسبب المطبخ ولايعه جبدي من الدنيا :'(

M!ss CoLoRz;16038202:
اخت القمر

صلي على النبي واستهدي بالله وكل شي إن شالله بيتيسر
عطي روحج راحة من التفكير يوم وجوفي شبيصير
إذا الأبيض مو مهم عندج خلاص عيل لا تسوين عرس
والمطبخ ...إنتي شكثر بتمين في الشقة؟؟ تقريبا يعني؟؟ 5 سنوات مثلا؟ إذا اي .. فأي روحي السوق الشعبي ومثل ما قلتي ما بتطبخين وايد إنتي ..بساهم شي عاد الشكل الخارجي حلو يعجبج

ما رحتي هوم سنتر و Q homes ؟؟ تخفيضات عدلة مسوين..امس رحت والخطيب إلا ناخذ من عندهم قلت له اصبر وه!!!
اي واحد الكوهجي اليديد اللي رحتيه؟؟؟ اللي في سترة ؟؟؟

انزين ليش ما تاخذين طاولة طعام من ايكيا؟؟؟ خالتي كانت ماخذة منهم يزعم مؤقت واكو مستانسة منها وما تبي تبدلها

على العموم...إخذي اليوم بريك ..طلعي استانسي مع ريلج ولا اتيبون طاري البيت والعرس وهالسوالف.. ما يسوى عليج

ملكة بس اميرة

براحتج
صفاء الرفاعي جفت مكياجها من قبل..جنه 20 او 25 سعره

حلو وناعم بس الي معاها للشعر ما جفت