شموخ الكوبرا;16057408:
ماشاء الله عليك كول انا ظروري اخذ منك دروس....
ان شاء الله الاخت ياربي الجنه تستفيد
وانا متاكده باذن الله مشكلتها بتنحل دام انتي اللي رديتي
ههههه تسلمين حبيبتي من طيبج والله :o اشكرج على ثقتج فيني وان شاء الله اقدر اساعدها واحل مشكلتها
ياربي الجنه;16057776:
معاك حق لان اشوف اكثر الحلول منها مشاءالله عليها الله لايضرها
اجل وانا معك لازم اخذ دروس منها...احجزولي كرسي:D
ياربي الجنه;16057779:
حبيبتي كول بغيت اسئلك هل ممكن الاداه اللي عطيتيني ياها تظر باحد البرامج
....
هههههههه شكلي لازم اسوي دروس:lol: بس ترا مو كل الاشيا اعرفها... في اشيا اعرفها واشيا اتعلمها من بحثي حق الحلول
تسلمين اختي على كلامج الطيب:o
وعن سؤالج اختي جوفي باشرح لج كل اداة وفايدتها بالضبط عشان تكونين مطمئنة اكثر...
جوفي اول اداة تحدث لج تعريفات الجهاز: الجهاز فيه تعريفات وايد بتلقينهم في لوحة التحكم ومع الوقت تنزل تعريفات يديدة والتعريفات القديمة ما تكون فعالة نفس اليديدة مثل البلوتوث والصوت والشاشة و و يعني الاشيا الاساسية بالجهاز... فممكن لو عندج تعريف قديم وايد فاهوه يسبب بطء في الاستخدام والبطء ممكن يسبب لج مشكلتج
الاداة الثانية تشيل لج المشكلة حقج: جوفي اسم الحدث الخاص بالمشكلة حقج اهوه APPCRASH فهذي اهيه مشكلة فهالاداة تشيل لج هالمشكلة وانا دورت لج عن هالمشكلة ولقيت من موقع خاص حق هالمشكلة هالحل وهالاداة...
والاداة الثالثة اللي قلتلج استخدميها لو ما انحلت المشكلة اهيه حق الفايروسات: الفايروسات بشكل عام تأثر في كل شي في الجهاز من ابسط شي لاكبر شي فممكن سبب مشكلتج فايروس ومو كل انتي فايروس يمسح لج كل الفيروسات فهذي الانتي فايروس يمسح نوع معين من الفيروسات اللي اهوه السباي وير
وفي الاخير اختي احيانا لما تستخدمين الادوات تنحل المشاكل واحيانا لا والسبب اللي اهوه ما تنحل فيه المشكلة ان ممكن في اسباب اخرى ما زالت موجودة في الجهاز تأثر على المشكلة او ممكن تطلع مشكلة غير لان الاداة حست ان الجهاز فيه مشكلة بعد فتحاول تبين لج المشكلة... ففي غالب الاحيان وهالحركة انا اسويها بعد اذا استخدمتي اداة وحسيتي ما استفدتي منها وطلعت لج مشكلة زيادة فسوي system restore لان هالحركة تعيد لج الجهاز للنقطة اللي انتي تحسينها مناسبة لج...
اتمنى قدرت اوصل لج الفكرة وخبريني شيصير وياج
