✿✿✿لمة بنات ليبيا الحرة لشهر جماد الأول سنة 1433 - 2012 الجزء (8)✿✿✿

يا رب و الله متضايقة على الي يصير في ليبيا من الخونة
يارب امتى تبدى في حكومة و انتخابات و تاخد ليبياحقها

يارب يارب الطف ولدنا كملو

حتى نطمنو علي مصراتية بالي مشغول عليها.... متعرفوش هي خطيبها وين؟؟؟ في سبها ولا بنغازي؟؟؟

من المختفى

حبيبتى على ما اظن هى فى سبها وخطيبها فى الشرق

يارب طمناعلى احبابنا

نجومة والله انشغلت عليك حبيبتى انشاء الله المانع خير

اللهم اني أسألك أني اشهد انك انت الله لا اله الا انت وحدك لا شريك لك لك الملك و لك الحمد و انت على كل شيء قدير, اللهم اني أسألك اني أشهد انك انت الله لا اله الا انت الأحد الصمد لم يلد ولم يولد و لم يكن له كفؤا أحد, اللهم اني أسألك بأن لك الحمد لا اله الا انت المنان بديع السماوات و الأرض يا ذو الجلال و الاكرام

مصراتية مختش من آمس ان شاء الله خير
في حد يعرف رقمها نكلموها نطمنو عليها؟؟؟

اللهم صب على صديقاتي في المنتدى الرزق صباً صباً..
ولا تجعل عيشهن كداً ولا نكداً .)
دعوه قالها النبي صل الله عليه وسلم .. لأحد أصحابه فما رؤي أكثر منه مالا ..
ولا أرغد عيشاُ .. أسأل الله لكن مثلها .. ولا تغفل عن الدعاء بها لك ولي معك

السلالالالالالالالام عليكم
يااااااااااااااااااااااااااااارب احمي ليبيا من شر الفتن
ياااااااااااااااارب احقن دماءالليبين
يارب اخمد نار الفتنه
يارب فرج على ناسنا وهلنا في سبهااااااااا
يارب احمي كل شبر فيك ياليبيا من كل شرررررررر

السلام عليكم
بنات هدو بالله عليكم .... كل أهل ليبيا خير و بركة و كلهم اهل جود الا القليل الي غسل عقلهم الطاغية المقبور .. والي يصير امر طبيعي و اني كنت متوقعة اكتر من هكي لبلد غيبها انسان حقير 42 سنة لكن و الحمد لله قدر الطف من قدر ... بالله خلونا ندعو لأهل ليبيا ومن ندوروش من السبب و شن السبب.. متخلوش اعوان النظام البائد يمشو مخططهم في الفتنة
مصراتية ربي يحق الحق و ان شاء الله انت بخير و الاهل بخير؟؟؟ بالله طمنينا على الأوضاع غادي .. و الله قلبي معاكم .. يا ريت كل شوي اطمنينا شن صاير

مصراتية ولا يهمك يا قلبي ..... الله يحمي ليبيا .... ان شاء الله

والحين احنا صرنا واعيين بحقووقنا وايش لنا وايش علينا ......

ريماس ..وننس ...هذا اللى نبوه لازم انكونو واعيين كل شئ يصير حولينا زمان المقبور مانع عنا كل شئ ومحوصلنا ومانقدرو نعطو حتى راينا ...راينا كان حتى بين اهلنا وجيرانا انخافو انقولوه ..بس بعد الثورة الليبي الحر عرف شن ليه وشن علية ...
هذا ليبيا لينا كلنا ..وماعمرى قلت انى من مصراتة خليى الدنيا تنحرق بالعكس هذا ليبيا يعنى اللي بيوصل فى ليبي حايجيه يوم يوصل فيه لان هزاء علي الليبي فمعناها انى مانعنى عنده شئ ...كلنا لازم انكونو يد وحدة ..وكل ازمة اتمر علينا هوة امتحان لينا احنى الليبيي ..وبالعكس لو تشوفو اهنى فى سبها والله ماتوقعت يكون التحام القبائل بالكامل اللى كانو متعاركينى تخيلو والله فرحانة ..هالازمة حاتلحم اهل الجنوب وحاتلحم الليبيين ...جوو لسبها فزعة من كل مكان بنغازى الشاطى الزنتان مصراتة الزاوية الكقرة وغيرها وكل يوم ارتال كتائب تجى لسبها وهذا دليل على ان الليبيين يد واحدة ضد اى واحد يبى يسلب لو شبر من ارضنا ...وانى وحدة نكتب وندافع على اهل سبها لانى انى فى حمايتها وكليت من رزق هالارض ..واهلها كانو اهلى وكانى فى مصراتة وخاصة فترة حربنا على الطاغى ...والتبو اللى تهجمو علينا اول من جااء حمانا هما اهل سبها بدون مانستدعوهم ...كيف ؟؟؟؟ماننسى جميل هالبلاد علية وحانوقف معاهم ...وحانوقف مع بلادى لااخر لحظة لو على روحى ...تخيلو الناس كل يوم اتموت علشان خاطر هالارض ..وفى وحدين لايراعو دماء الليبيين رغم ان دمائنا غالية ..وكل يوم نخسرو فى ارواح يعنى الحكاية مش لعب ...
وفى الاخير اللى تجى وتقولى راعى شعور لو وحدة تباوية تشادية معانا ..كيف هذا مش وقت المجاملات وقت المجاملات انتهى انتهى ..توة وقت ليبيا لليبيين ..وانى نكذب انى بنجامل وحدة علشان ولد ابلادى اللى يموت ...لايرضى بيها لا عقل ولا دين اهلها يقتلو اهلى ونسكت ...
وانى ماقلتش التبو الليبيين ...انى تكلمت على التباوية التشادية
واخر خبر سمعت اخراج التبو التشاديين الى القطرون وبقاء 200 عائلة تقريبا فقط من اصول ليبية اما غيرهم سايتم ترحليهم هذا اخر ماسمعته ...
وسامحونى انى انقول فى كلام الحق ماحدش يزعل انتم المفروض اللى تزعلو على اللى يصير فى بلادنا ..وانى عايشة حرب مش زي اى وحدة خارج سبها ...والله عانينا حرب مع الطاغى كونى من مصراتة والطاغى حاربنا وبقينا فى رعب ..الاغتصاب والقتل ..وتوة حرب التباوية التشادية تعرفو هذو لو ينطلقو فى المدينة والله مايخلو حد ..هذوو مجرمين ..ولكن الحمد الله والله ليبيا فيها رجالة ...الرجالة من اول يوم حاصرو سبها وماخلو واحد يدخلها ..ولمو بعضهم ..بس اللى زى حالتنا صح مش مع اهلنا مصراتة ...وقاعدين فى حوشنا ..بس حتى الاشاعات واهو دخلو التبو وسيارات وارتال التبو ومش عارفة شنو حتى هذه تخلى نفسيتك تعبانة يابال لو دخلو علينا ...والله من اول يوم كلمت هايلة وانى نرعش ونبكى وانقوللها دخلوووو لان الدنيا انقلبت وبدوو اشاعات والناس فى الشوارع والله خفت ورعب ركبنى ماتتخيلو كيف ..وبعد توضح الامر ارتحت وكل يوم نشعر براحة بالذات كل يوم تزيد المسافة فى طردهم خارج سبها بس للاسف المناطق زى اوبارى ومرزق ماكديين انهم خدوها التباوية التشادية وسيطرو على جميع المناطق الحيوية ..والعسكرية وان شاء الله ننتصرو عليهم ..واللى يبي يقعد يقعد يحترم الارض ويحترم الليبيين ..يااما ماليشى حل يااما يموت يااما يطلع ...

الله يخليك بنغازية ..انحاول والله انوضح اللى صاير كونى انا موجودة داخل الحدث ... ومش قالو وقلنا
والسبب....والله لاقبيلة ولا شى ..احنا نعرفو السبب ..اتنين من التبو نزلو راجل بالقوة من سياراته وهذا الراجل بوسيفى وقتلوه ..يعنى لاقصة زنتان ولا شى...ولا ولاد سليمان ...
توة كل القبائل متحدة اهنى والحمدة الله


وهذا الفيديو الخطير لتقسيم ليبيا ...هذا العميل لفرنسا فتحي بن خليفة ....من كم يوم وانا اشهد مصراتية كان فى سبها وشفنا التبو التوارق يرفعو العلم الامازيغى فقط وماكانش رافعين علم الاستقلال وشكينا علاش دارو هكى ...وهالراجل اجتمع فى حى التباوية التشادية اسمه الطيورى

[YOUTUBE]ijQ7gNhldAc[/YOUTUBE]

يا بنات متأسفة لاسباب ادارية تم قفل اللمة مؤقتـــــــــا


يرجــــــــــــــــى الالتزام بالقوانين لو سمحتوا

يا بنات ما نبيش نمسح رأى حد بس شروط المنتدى تعرفوها والادارة نبهتنى اكثر من مرة

ياريت تتفادو الكلام فى السياسة تجنبا للمشاكل بين اعضاء اللمة وذلك لاختلاف وجهات النظر

واللمة مقفلة لمدة يومين ان شاء الله يوم السبت تنفتح


اللى تلقى رد ليها ممسوح تعذرنـــــــــــي

هاي صبايا