جمعتنا ولمتنا السورية مع احلى رفقة أردنية لشهر جمادى الاول1432... اتفضلوا صبايا

سورية وبفتخر;16033398:
اهلين زهورة الامورة كيفك ان شاء الله الف صحة وهنا عالبازيلا بجزر نحنا يلي منعرفها ههههههه طيبة والله الطبخ بيحير واكيد رح اجرب الكوكتيل وبردلك خبر
دمشقية بخير الحمدلله وبتسلم عليكم النت مقطوع عندها

مساؤوووووووووو F:
كيفك سوريه اليوم صحتين عالمقلوبه
الله يسعدك ويهنيكي يا رب جوزي بحب الطبيخ اللي ببندوره ومن ضمنهم هاي الطبخه :p
يلا جربيه وخبريني زكرتيني اطلب من جوزي يجيب فراوله حاكم هلا موسمها ولازم نستغلها بسرعه :worn_out:حتى لما ترخص اكتر بجيب وبفرزها بالفريزه حب متل ما هي وكل ما اعمل كوكتيل بطول كم حبه وبحطهم بالخلاط :thumbs_up:انا اليوم كملنا طبيخ البازيلا وللولاد عملت معكرونه بالباشمل

سورية حرة;16033407:




اهلا وسهلا فيكي
اكيد اخوات نحنا مو بس ولاد عم
وتشرفت بمعرفتكF:
بس بتعرفي بس تكوني بالغربة وتشوفي حدا من بلدك بتنبسطي كتير وخصوصي انا لهلا ماتعرفت ع سورية لهيك انبسطت
وانت كمان عرفيني على حالك
وشكرا الك

مسا الفل يا فله F:
تسلمي الله يسعدك ويفرجها على اهلك بسوريا وان شاء الله يكون ربيع مزهر بكل البلاد F:
انا ام بكر عندي ولدين وبنتين الاعمار بالترتيب 12 و 10 و 6 و 3 الا شوي :worn_out:
ساكنه بالاردن عمان وربة بيت ما في وراي مصانع :worn_out:

الدمشقية;16033782:



اهلين وسهلين بزهرتنا الله يسعد هالطلة ياااارب
اي والله الدنيا عم تركض الله يعفو عنا ويباركلنا يأيامنا يارب ويجعلك ربي سالمة انتي وكل حبابك يارب والله يسمع منك يارب ترجع سورية متل اول واحسن والله كريم

وتسلميلي يارب والله يبسطك دووم مو يوم شو اخباركم وشو اخبار كاتي سلميلنا عليها امانة

مسا التماسي عالحلوين F:
كيفك اليوم وحمد لله على سلامة النت احكيلو ما يعيدها ها :rolleyes:
وبحب اخبرك اني لسا بجاهد مع حموده بتعليم الحمام قربت انجلط الا شوي فبقى ضلو اسالو عني لانو بجوز يغمن علي كمان شوي من القهر :worn_out:

سورية حرة;16035058:
ياترى شو عم تساوو هلا:058::058::058:

انا عشيت جوزي وجليت وعصرتلو جزر ونضفت العصاره وكنست المطبخ وصليت المغرب وهيني اجيت :worn_out:شو كمان :D

سورية حرة;16035104:
لوسمحتو سؤال محرج شوي
بس شو رايكن باللولب
انا صرلي سنتين عالحبوب وقالت الدكتورة لازم غير عنن لانو بسببو ضرر
بكرى لازم روح لعندها شو بتنصحوني

كل وحده الها جسم شكل انا جسمي ما تقبلو او بالاحرى ركبتو اربع سنين طول الوقت وجع ضهر والتهابات شديده ووقت الدوره تكون قويه فانت الدكتوره بتعملك فحوصات قبل التركيب وبتعرف ازا بناسبك او لا
انا حاليا على الحبوب صرلي سنتين ونص يعني ممكن يضرني :(

سورية حرة;16034518:
هههههههههههههه الله يعينك يارب شو بدك تعملي
رجلها قبل رجلك مو :lol:

الله يخليلك ياهن
ايه والله شوبدي اعمل هيك صايرة مابنام والله لما بنام بتجيني كوابيس ع اهلي
الحمدلله
يالله تصبحي على خير
وانا لقوم جرب نام

:confused::hysterical: اي لا تخافي تعودت صارلي عمر يعني حللي اتعود مووووووووو :|

وتسلميلي الله يخليلك حبابك يارب
والله يطمنك على اهلك بالخير دوووم يارب وان شالله مابتسمعي عنهم الا كل خير
صاير السهر والارق بدمنا ماشي مامنقدر ننام بكير ابدااااااااا تعودنا
الله يقوينا يارب بس بكرا على دخول ولادك المدرسة راح تنامي بالليل ولو ساعتين حتى تصحيلهم منشطة ههههه

اما بخصوص اللولب ياحلوة فانا ركبته ست سنين بالتمام والكمال والحمد لله مشي معايا تمام اللهم العفو الدورة عندي تزيد شوي بس كل شي يهون
المهم راحة البال وان شالله انتي يمشي معاكي انتي جربيه مابتخسري شي اذا ماواتاكي بتشيليه

سورية وبفتخر;16034968:
الله يسعد اوقاتكم يارب
اهلين دمشقية الله يسلمك يارب والحمدلله المهم لقاهم بس طمنيني كيف قضى اليوم بالمدرسة الجديدة ان شاء الله عجبته
وبخصوص شام منيح منهم عم يهموا على اخر السنة الله يفتح عليها وعلى كل الطلاب
وصحتين عالاكل انا متلك سخنت الرز والدجاج وساويت قدامها شوربة عدس الحمدلله واليوم محتارة شو ساوي

اهلين سوريتي اشتقتلك ياحرمة :D
ومحمود على كيفك انبسط بالمدرسة واتعرف على رفقات جدد واخد فرنسي كمان اليوم بقى الله يعيني وينك ياشامية تعالي ساعديني هلأ بلش الجد عندي ههههه

اليوم ياستي عملت معكرونة الفريدو طلعت بتجنن كتير طيبة وعملت بطاطا محشية بالجبنة بالفرن ,,, والله يديمها نعم علينا يارب
وانتو عوافي على الملوبة اكلة طيبة هيك بقولوا بس انا ماحبها خخخخخ

روح عامر;16034736:
الله يفرجها على الشعب السوري ويرجع الامان وينصر المظلوم ويبعد عنهم كل مكروه امين يارب العالمين
الشات عمرانة
أختي يا سورية حرة لاقيتي هالشات يلي رح ينسيكي همك وتعبك
انا متلك محبوسة بالبيت صرلي سنة ونص على هالحالة وبيتي صغير
ع طول بقلو لزوجي عايشة ب حبس عشر نجوم
بس وقت لاقيت هالشات والبنات الطيوبات عنجد تحسنت كتير ونفسيتي تغيرت
وصرت كل يوم فيق من الصبح عالشات حتى قبل ما افطر تعلقت فيهون كتير
الله يخلينا لبعض ويبقى هالشتا عمرانة وتكبر بحبنا لبعض
اهلا وسهلا فيكي اختي سورية وان شاء الله تنسي همك معنا

الله يسمع منك يارب وربنا قادر وكريم

وتسلمي ياام سنا وانتي طيبة ومافي متلك الله يسعدك يارب ويخليلك بنوتة ونحنا هون اخوات واعز ان شالله والله يديم المعروف والصحبة الحلوة

اهلين زهرتنا الامووووورة ماننحرم هالطلة الحلوة ياااارب
ولسى مانضف هالشب الحلو هههههه الله يحميلك ياه يارب عارفة زهورة لازم شوية حزم منك يعني عاقبيه او اضربيه ضرب خفيف يعني المهم انه يعرف انك زعلانة
والشي اللي عم يعمله غلط وخاصة انه كبير وواعي اسم الله عليه

وان شالله يارب مابيخلص شهر ابريل الا وحمودة نضيف ويقلك وداعا للحفاظ ههههههه

على سيرة الكوكتيل اي والله مافي اطيب منه وضيفي كمان فوق مكوناتك زهورة كم حبة تلج وعلى هالخلاط بيطلع عصير سلاش فراولة بيجننننننن
خلص بكرا بدي جيب فراولة ههههه

روح عامر;16035231:
بالنسبة للولب أختي انا ما جربتو ومابعرفو بس بيقولو عنو كتير منيح وخاصة ان الدكتورة عرفت تظبطلك ياه
يعني لازم تكون شاطرة
واذا الدكتورة عم تقلك الحبوب رح تضرك خلص بلاهون وعملي وسيلة تانية للمنع
والله يسرلك يارب

امين يارب
يلا اليوم الصبح ان شاء الله رايحة لعندها
الله ييسر بس خايفةوخجلانة الصراحة:o
وتسلمي عالنصيحة
بس ماقلتيلي ماعندك حدا بالغربة ولا لحالك
الله يهون علينا

زهرة المناره;16035554:
مساؤوووووووووو F:


مسا الفل يا فله F:
تسلمي الله يسعدك ويفرجها على اهلك بسوريا وان شاء الله يكون ربيع مزهر بكل البلاد F:
انا ام بكر عندي ولدين وبنتين الاعمار بالترتيب 12 و 10 و 6 و 3 الا شوي :worn_out:
ساكنه بالاردن عمان وربة بيت ما في وراي مصانع :worn_out:



مسا التماسي عالحلوين F:

وبحب اخبرك اني لسا بجاهد مع حموده بتعليم الحمام قربت انجلط الا شوي فبقى ضلو اسالو عني لانو بجوز يغمن علي كمان شوي من القهر :worn_out:

كل وحده الها جسم شكل انا جسمي ما تقبلو او بالاحرى ركبتو اربع سنين طول الوقت وجع ضهر والتهابات شديده ووقت الدوره تكون قويه فانت الدكتوره بتعملك فحوصات قبل التركيب وبتعرف ازا بناسبك او لا
انا حاليا على الحبوب صرلي سنتين ونص يعني ممكن يضرني :(

مسا الوردF:
امين يارب الله يسمع منك
الله يخليلك ياهن يارب وتفرحي فين
ومشان ابنك الله يعينك وانا هلا عم حاول مع ابني كمان بس لسى سنتين الاشوي عمرو
والله جد بجننو هالولاد


وبالنسبة للحبوب انا قالتلي الدكتورة مالازم استمر عليهن اكتر من سنة قالتلي بيتعبو المبايض وبصير صعب الحمل اذا ماكان مستحيل
بقى ليش لعرض حالي للخطر حتى انت اسالي واتاكدي احسن
الله لايضرنا
وصحتين وهنا عالمعكرونة بحبها كتير:adore:

[QUOTE=الدمشقية;16036058]:confused::hysterical: اي لا تخافي تعودت صارلي عمر يعني حللي اتعود مووووووووو :|

وتسلميلي الله يخليلك حبابك يارب
والله يطمنك على اهلك بالخير دوووم يارب وان شالله مابتسمعي عنهم الا كل خير
صاير السهر والارق بدمنا ماشي مامنقدر ننام بكير ابدااااااااا تعودنا
الله يقوينا يارب بس بكرا على دخول ولادك المدرسة راح تنامي بالليل ولو ساعتين حتى تصحيلهم منشطة ههههه

اما بخصوص اللولب ياحلوة فانا ركبته ست سنين بالتمام والكمال والحمد لله مشي معايا تمام اللهم العفو الدورة عندي تزيد شوي بس كل شي يهون
المهم راحة البال وان شالله انتي يمشي معاكي انتي جربيه مابتخسري شي اذا ماواتاكي بتشيليه




هههههههههههه الله يصبرك لكن:D
ايه والله اتعودنا عالسهر او من الهم الله اعلم
الله يكون بعونكن عالمدارس يلا جايني الدور
ان شاء الله يارب يمشي الحال مشان اللولب
خلص شجعتوني اليوم بروح ان شاء الله
حتى حاسة عالحبوب كتير صايرة عصبية وعم انفش:worn_out:

سورية وبفتخر;16035514:
هلا ام فيصل تشتقلك العافية يارب انا والله اول مرة بسمع فيها للخرج
واكيد اذا زوجك بيشتغل بهالمول حتكون روحاتك قليلة الله يعينك يمكن انا لو كنت بدالك لكنت داومت معه او لقيتلي شغلة هنيك ههههههههههههه بس حلوة الحديقة انتي جيبيلوا لأبنك شي لعبة بيحبها يلتهى فيها والله اولادنا بيحزنوا محبوسين بهالبيت ومابيشوفوا حدا
وبالنسبة لجدة جوها بالصيف غليظ حر ورطوبة وصايرة زحمة كتير واجارات غالية بس فيها اماكن حلوة الواحد يروحلها وفيها البحر بس اكيد الواحد بده يلحق رزقه
وصحة وهنا عالكبسة انا ساويت مقلوبة بيتنجان والحمدلله
اما عن اللولب فياحبيبتي انا كنت اكتر وحدة خايفة منه وكنت اخد حبوب وانساها واحمل اما هلأ ركبت لولب وكتير مرتاحة الحمدلله يعني حيصرلي سنة مركبته

هههههههههههههههه ايه والله لازم اشتغل
لا واليوم اجاني بخبر بدو يحطو معو بالمحل وع نفس الكونتر تبعو وحدة سعودية ياحبيبي:sick:
قلتلو اشتغل انا قلي لا لازم سعودية ولو اجنبية مو ممكن تشتغلي
ومشان فيصل مابيلهي شي ماشالله بدو يضل عم يكتشف والله جد بزعلو

ايه صح والله اجاراتكن غالية هيك سمعت الله يعينكن لا انا الحمدلله بيتي 4غرف وصالة ب 9الاف
بس ملحق

انا لا منتظمة فيها تمام للحبوب بس صرت عصبية كتيررررر وحتى عم اسمن مع انو اكلي قليل
بقى اليوم بروح وان شاء الله بشوف شو بصير:confused:

وصحتين عالمقلوبة

اهلا وسهلا ب اخواتي الحلوات يلي منورات الشات
دمشقية الله يسلمك يارب وان شاء الله الله يرزقك بيبي قريبا
ويكون حباب وعاقل متل بنووتي الله يحميها
ويديم عليكون الصحة انتي وسورية
سورية حرة انا ماعندي حدا هون بس نسوان رفقات زوجي
ويلي بحبهون مومعي بنفس الامارة وحدة ب دبي والتانية بالشارقة وانا ب ابوظبي
وبين كل امارة في سفر ساعة او ساعتين
يعني لحالي
هلا تعرفت على جارتي مصرية ومبسوطة معها طيوبة
بخصوص التمنيع انا ما جربت لا الدوا ولا اللولب التمنيع طبيعي
بس رجعتي من عند الدكتورة طمنينا عنك

اهلين زهورة الله يسعدك وانتي صحة وهنا عالمعكرونة جوزك متل جوزي كمان بيحب الاكل يلي فيه بندورة اما اكل اللبن مابيحب منه الا الشاكرية بس
والفرواولة مافي اطيب منها والولاد بيحبوها كتير
اما عن معاناة تنضيف الولاد هدى ماشاء الله عليها بالبيت صارت ماتعملها الا نادرا بس طبعا انا وراها دايما وبذكرها حتى اخر مرة شعلت شمعة وطفيتها بعدين نقطت من مي الشمعة على ايدها بس ما كانت سخنة كتير ولاعلمت بس بقيت مشكلتي برا لما بكون برات البيت بلبسها حفوضة وحرام بتقلي بدها حمام بس مابيكون في حمام او انا بتكاسل عليها اشلحها ملابسها وحفوضتها بقول لبين مااشلحها بتكون عملتها هههههههه

كيفكن ياحلوات شواخباركن
ان شاء الله تكونو كلكن بخير
انا الحمدلله رحت عالدكتورة الصبح ومشي الحال ركبتو ورجعت :thumbs_up:

روح عامر
يلا الحمدلله اهم شي تعرفي حدا تتسلي معو
وانا الحمدلله رجعت ومافيني شي:lol:

هلا دمشقية وانا كمان اشتقتلك :D والله يكون بعونك وبعون هالصبي ويفتح عليه
هلأ عطيت جودي لبن وتوم ولما خلصتهم ردت طلعتهم ولي على المرض ما اغلظوا

الله يسعد مساكي ام فيصل ايه والله لازم نشتغل بس ولادنا وين نحطهم ماحدا حيستحملهم قدنا هههههههههه وحبيبتي ديري بالك عليه لزوجك لكن :lol: الله يخليلك ياه يارب
وبالنسبة لأبنك عادي بده يلعب هلأ وقته الله يحميلك ياه هو واخته
وبيتك ماشاء الله قد بيتي بس مافهمت ايجاره 9الاف بالسنة نحنا ايجار بيتنا 1500ريال بالشهر يعني 18الف بالسنة وطبعا يعتبر رخيص كتير يعني هلأ بتلاقي بيت بغرفتين بس وبنفس ايجار بيتي يااما اغلى الحمدلله على كل حال ومبروووووووووك تركيب اللولب ان شاء الله يناسبك وترتاحي عليه

روح عامر الله يسعدك وان شاء الله ربي بيحميلك سنا وبتفرحي بأخ او اخت الها
شو اخر طبخاتك لسى بتطبخي من موقع منال ؟

سورية وبفتخر;16037409:
الله يسعد مساكي ام فيصل ايه والله لازم نشتغل بس ولادنا وين نحطهم ماحدا حيستحملهم قدنا هههههههههه وحبيبتي ديري بالك عليه لزوجك لكن :lol: الله يخليلك ياه يارب
وبالنسبة لأبنك عادي بده يلعب هلأ وقته الله يحميلك ياه هو واخته
وبيتك ماشاء الله قد بيتي بس مافهمت ايجاره 9الاف بالسنة نحنا ايجار بيتنا 1500ريال بالشهر يعني 18الف بالسنة وطبعا يعتبر رخيص كتير يعني هلأ بتلاقي بيت بغرفتين بس وبنفس ايجار بيتي يااما اغلى الحمدلله على كل حال ومبروووووووووك تركيب اللولب ان شاء الله يناسبك وترتاحي عليه

ويسعد مساكي
ويخليلك زوجك يارب
ايه والله انا هاد خوفي عالولاد ومستحيل حطن عند حدا بس الواحد بيتمنى قلت بحطن بروضة
بس زوجي مو موافق:hysterical:
اوالله يبارك فيكي
ايه 9الاف بالسنة وانا بيتي لقطة وهلا كلو عنا ارتفع
بس بضل ارخص من الرياض لهيك زوجي بدو يضل بهاد الشغل وبالخرج بالذات
والله وكيلك كل ماحدا من نسوان رفقاتو يجي لعندي بقلي بس بدك تتركي البيت قليلنا
وتتهني ببيتك يارب
ايه واخت زوجي بجدة بيتها 3غرف واجارو 22الف كمان غالي
يلا الله يفرج يارب
وسلامة بنتك خير شبها
الله يعافيها

مسالخير على الحلوات

ام فيصل الف مبروك اللولب ويارب يرتاح جسمك عليه ومايتعبك كم سنة ناوية تخليه ,,, بقصد هو كم سنة مدته
شو سمعت صار في شريكة مع زوجك بالشغل ......... الله يعينك بس لا تخافي هو اكيد شايفك ومو مصدق
الله يخليكم لبعض يارب

وولادك بكرا بيدخلوا المدرسة وبغيروا جو وبطلعوا هالطاقة اللي عندهم بالمدرسة ... الله يحميهم ويعينا على تربيتهم يارب


**********

اهلين ام سنا تسبلميلي يارب الله يسمع منك والله يخليلك سنا وتبقى عاقلة وشطورة على طووول
حاكم البنات لسانهم طويل واولهم بنتي شام ههههه
شو اخر طبخاتك ذكرينا

اهلين سورية سلامة قلبها لجودي اكيد اخدة برد ومغبصة بالاكل
سلامتها والله ماتشوف شر انتبهي عليها واحميها شوي يعني خلليها على الشوربة وكتريلها عصاير

مرحبا صبايا كيف صحتكم حلو هيك نقول لبعض أم فيصل وأم سنا وأم محمود (دمشقية ) وأم عبودة (سورية ) صح؟؟
هلأ أنا أم فؤاد بس ان شاء الله لحتى يرزقنا رب العالمين فؤاد والله كريم
بس حاليا أم سنا


أم محمود تسلميلي يارب وان شاء الله منحتفل بحملك هالشهر
وان شاء الله يكون ابنك انبسط بالمدرسة الجديدة وحبها
والله يحميلك شام كل هالبنوتات ماشاء الله عليهم لسانهم عم يكون اطول منهم الله يحميهون


أم عبودة سلامة قلبا بنوتك احميها بس يروح عنها المغص وان شاء الله بتتعافى


أم فيصل الحمد لله انو انتي بخير ومبروك اللولب وتهريه بالهنا :)


اما بالنسبة للطبخ ياحبيبات قلبي صايرة عم اتكاسل وما اطبخ
لانو زوجي اغلب الاوقات ما عم ياكول بالبيت
بس أخر طبخة يوم الجمعة عند مرة رفيق زوجي عملت معكرونة بالبشاميل عطريقة منال وطلعت طيبة

انا مشكلتي الفرن واكتر طبخات منال بدها فرن بقا ان شاء الله بس صار عندي فرن مارح تلحقو صور لطبخاتي
اجتني هدية مايكرويف حطيتو جنب التخت لانو ماعندي محل بالمطبخ
:cool:

بكرا ناوية على اكلة اسمها سبع دول بتعرفوها ؟؟؟؟ان شاء الله
هي كوسا وبانجان وبطاطا وفليفلة ولحمة وبصل وبندورة ونحن منحطلها تفاحة مشان تعطي حموضة
كتير طيبة تفضلو
زهورة وعروسة الميدان ونبوعة وشامية وينكون

[QUOTE=الدمشقية;16037626]مسالخير على الحلوات

ام فيصل الف مبروك اللولب ويارب يرتاح جسمك عليه ومايتعبك كم سنة ناوية تخليه ,,, بقصد هو كم سنة مدته
شو سمعت صار في شريكة مع زوجك بالشغل ......... الله يعينك بس لا تخافي هو اكيد شايفك ومو مصدق
الله يخليكم لبعض يارب

وولادك بكرا بيدخلوا المدرسة وبغيروا جو وبطلعوا هالطاقة اللي عندهم بالمدرسة ... الله يحميهم ويعينا على تربيتهم يارب


مسا النور
الله يبارك فيكي يارب
مدته 5سنين \وانا ناوية خليه هالوقت ان شاء الله
بكونو صارو الولاد بالمدرسة وارتاح وضعنا وانا ارتحت لان اول ماتزوجت حملت ع طول
ايه والله شايفة ان شاء الله ماحدا يرضى يشتغل معو:(
امين يارب
كيف اهلكن ان شاء الله بخير