تجمع حوامل وامهات قطر لشهر جمادي الاول من عام 1433؛ الموافق لشهر ابريل من عام 2012

ثانكس حبيبتي أحـاسيس

صباح الخير جميعاً

ان شاء الله اقدر اتواصل معاكم هالفتره لان يكون عندي وقت طويل واتملل فالدوام ..


عندي مشكله صغيره حابه اخذ رايكم فيها .. شاغله بالي شوي وانا ماحب التفكير فالسالفه وايد لان التفكير يزيد التعقيد .. فياريت تشاركوني بردودكم ..

الله يسلمكم انا صارلي فتره من ربيت تجيني الدوره كل شهر تتاخر يوم او يومين لكنها فالنهايه تنزل لكن هالشهر مانزلت ماعرف ليش .. يعني كنت متوقعتها تجيني يوم 30-4 او 1-5 بالكثير .. اليوم 3-5 ومافي شي .. حللت اول امس فالبيت وطلع سلبي .. شربت دارسين وزنجبيل وزعفران مافي فايده .. وانا ماشرب غازيات .. بس اشرب قهوه بشكل يومي .. لكن كل شهر اشرب قهوه وعادي تنزل الدوره ولا مره تأخرت هالكثر ..

مع العلم اني احس بآلامها من اسبوع .. واحس بطني منتفخ والم في بطني وظهري ..
الحين شسوي؟؟ اروح احلل دم ولا اصبر ولا اروح الدكتوره واقولها تعطيني حبوب تنزلها ..
ولا تعتقدون اني حامل؟

المشكله احاول مافكر فالموضوع بس ماقدر كل دقيقه يجي الموضوع فبالي ودخلت النت امس واليوم اقرا عن تأخر الدوره وشنو ينزلها ..
وقريت ان خطر اخليها منقطعه وماتنزل !!!

وكنت ابي اخذ حبوب رجيم بس قلت لا اول شي بتأكد اني مب حامل
شوروا علي لو سمحتوا يابنات

صباح الخير

مريم
عادي تتأخر ودامج حللتي ان شالله بتنزل بس انتي لا تلعبين ف نفسج وانطري لين تكمل اسبوع اذا ما نزلت روحي حليل دم واذا ما طلع شي روحي حق دكتورة وشوفيها بشنو تنصحج
انا كانت تجيني عادي اول ما ربيت بس صار الحين كم شهر قبل لا تنزل لازم أتم اسبوع بس نقط
لا تحاتين وان شالله خير

مريم :
انا بعد اقول اصبري كم يوم اذا مانزلت حللي دم
وان شااءالله خير

مريم
حبيبتي نفس ماقالولج البنات لا تشربين اي شي وحللي دم وتاكدي اقطعي الشك باليقين
والله يكتب لج الي فيه الخير انشالله

ان شاء الله .. تسلمون ماقصرتوا ام الغاليين ودوحانيه ..

الله يفكني من التفكير ويصبرني

روح قطر
ماقصرتي

مساكم الله بالخير ..

شخباركم؟؟ وحشتووني وايد ووحشتني سوالفكم الحلوه
وشخباار نونواتكم؟؟؟

ليش الموضوع راقد جي ..

لوسي ..
الحمدلله كلنا بخير انتي شلونج ؟


الحمدلله حبيت ابشركم ان الدوره جاتني امس .. بس فالبدايه كمن نقطه ووقفت وطبعا شربت قرفه وزنجبيل عشان تنزل .. بس اتوقع انها تأخرت من التفكير وجي ..

الحمدلله انها شرفت ..

صباح الخير

الحين صارلي فتره يابنات وانا احس بوخز (مثل الدبابيس) أسفل القدم يعني في ريلي من تحت .. شنو السبب؟ يروح ويرجع

شخباركم وشخبار عيالكم لكم وحشة والله

ماعليكم امر عندي سؤال ضروري وياليت تردون علي بسرعة لو تعرفون

اشرايكم في مكياج قمر اللي في صالون دانيال ؟؟؟

صباح الخير

الموضوع راااااكد
مافيه اخبار عن الحوامل

مريم
يمكن نقص فيتامينات ومعادن
شيكي على روحج وما عليج شر

دلوعه
ماعندى فكرة بس مكياج دانيال حلو شفته كم مره وانا في الصالون
بس يمكن يرجع للوجه وااماكييره لأن فيه كذا وحده تمكيج

بناااات بليز بليز الي تعرف خياط يسوي جلابيات وقصات حق الحوامل يفيدنا
ابي اسوي جلابيات حق رمضان ومابي تطريز وعادي ابي قصات جي حركات والي عندها موديلات تحط الصور رجااااااااااء

صباح الخير
شخباركم بنات

مشكورين للي ردوا علي


منو راح المعرض اللي في لاسيجال
خاطري اروحه بس ملقدر مع الصغيره



متى تبتدون تطلعون البيبي ؟ من اي عمر وشلون نظامكم فالسياره وفالمجمعات مع هالحر اللي يذبح
اللهم اجرنا من نار جهنم

اخباركم بنااااات ؟؟

لكم وحشه والله

هلا بنات شخباركم وحشتوني كلكم الدوام ممل متى بتجي الاجازة والواحد يرتاح شو ي كروشات شخباركم مع الحمل والله يرزق كل من يتمنى ياربF:

كانه محد يعطيني ويه :(
اطلع واجد احسنلي

مريم*;16082375:
صباح الخير

الحين صارلي فتره يابنات وانا احس بوخز (مثل الدبابيس) أسفل القدم يعني في ريلي من تحت .. شنو السبب؟ يروح ويرجع

السلام عليكم ورحمة الله

حبيبتي انا من انسى حبوب فيتامين دال يصير لي نفس الشيء روحي وفحصي في المركز

مشكورين عالتوضيح


عندي سؤال
بنتي الله يحفظها بتكمل سنتين قريب ان شاء الله متى أعلمها عالحمام ؟