تجمع حوامل وامهات قطر لشهر جمادي الاول من عام 1433؛ الموافق لشهر ابريل من عام 2012

مساكم خير


رووح قطر
يارب ترجع جمعتنا مثل أول وأحسن
بنات ابي منكم خدمة
اختى عندى فى زياره لمدة اسبوع
وين ممكن أوديها أماكن حلوة أو مطاعم ..
ونايس ويك آند للكل F:

هلا عذبة
حمدلله ع سلامتها
توني اشوف تقرير عم مطعم ذا فيلج شكله واايد حلو
واكله لذيذ ..
عندج الاماكن كتارا واللولوة طبعا بتستانس اكيد
والمجمعات اكيد انشالله فدتج حبيبتي

صباح الخير
شخباركم


الله يبارك يكم كلكم ويرزق كل من تتمنى ان شاءالله
ويسهل ع الحوامل يارب



ام الغاليين
ههههه لا انا سبقتها
انا ٢٢-٣ العصر ولدت وهي ٢٣-٣ الصبح ولدت

للحيني صامدة


حايرة ليش سووا لج قيصري:(

روووووح قطر;16031047:
هلا عذبة
حمدلله ع سلامتها
توني اشوف تقرير عم مطعم ذا فيلج شكله واايد حلو
واكله لذيذ ..
عندج الاماكن كتارا واللولوة طبعا بتستانس اكيد
والمجمعات اكيد انشالله فدتج حبيبتي

مشكورة روح
الله يسلمج يا الشيخه
اليوم طلعنا الحياة بلازا وتمشينا هناك
وبكره ان شاء الله فيلاجيو

امهات ماعليكم امر بغيت تعطوني مواقع للطلب من النت وتنصحوني بها فضلا وليس امر

السلام عليكم.. شخباركم .. مبروك حايرة والحمد الله عالسلامة تتربى في عزكم البنوته .. وين البنات مختفين مالهم حس..

مسا الخير



نور الدنيا
الله يبارك فيج حبيبتي


الورد
الله يسلمج انا اخر فتره الضغط كان يرتفع وينزل ودكتورتي فالخاص قالت لي لو انا دكتورتج بعطيج طلق صناعي وبولدج يوم قلت حق الاستشاري اللي طالبته يولدني قال لا اذا عطيتج صناعي بتتعبين ويمكن نحولج قيصريه
يعدها باسبوعين تقريبا خلصت شهري وفحصوني طلعت مو مفتوحه ولا سانتي ع طول عطوني دخول ثاني يوم طلق صناعي
قبل لا اروح المستشفى صليت ركعتين وقريت دعاء الاستخاره حق القيصريه ولما رحت طلع مافي غرف في طابق الطلق الصناعي حطوني فطابق ثاني على مايفضى من الساعه٩ تقريبا لين العصر وانا انطر وامي شربتني دارسين بزنجبيل وماي ورد بزعفران وخروع وطلبت اذن شان اطلع امشي وانا مطنقره حدي
يوم طلعت فضت غرفه وقلت لهم لين رجعت يصير خير رجعت وقلت لهم ابي قيصري ووجهزوني للعنليه احتياط عشان الدكتور اذا شافني يقرر وثاني يوم الصبح كشف علي قال البيبي منفخ من السكر واذا تبين قيصري اوكي وسويتها

وبعد العمليه قال حق هلي ان زين ان سويت قيصريه ولاكنت بتعب مع الطلق الصناعي
يمكن الرحم سميك مدري

الحمدلله ع كل حال ولدت وجبت بنووتي و بدينا مرحلة السهر والتعب

حايرة :
االخيرة في مااختاره الله
والله يعينج على مشوار السهر والتعب (:

مرحبا خواتي امهات قطر ادري اني داخلة غلط لكن محد يرد علي ومابقالي غيركم وين ممكن يعطون حصص رقص بقطر ؟

noof-qatar;16033593:
امهات ماعليكم امر بغيت تعطوني مواقع للطلب من النت وتنصحوني بها فضلا وليس امر

مواقع حق شنو ؟

أحلى من العسل
كلاود 9


الورد
الله يهون عليج حبيبتي

السلام عليكم شخباركم



حايرة
سبحان الله يمكن الله اختار لج الافضل والاريح من البدايه


بنات انا مابقى على موعد ولادتي شي وامس رحت الموعد افحصتني قالت لي ان مافيه اي علامه من علامات الولادة احبطتني بصراحه لاني كنت امشي الفترة اللي راحت واحس بشويه الم خفيف مثل الدورة وانتم بكرامه بس يجي مرة و حده باليوم ويختفي يوم قلت لها يعني مسكر مسكر قالت لي يمكن مفتوح شويه نص سانتي وخايفين من ماي البيبي يقل وانا خايفه من الطلق الصناعي مادري شسوي

مساكم الله بالخير

الورد
ماعليج شر ان شاء الله
كلها تساهيل من ربّ العالمين ومتى ما ربج راد انفتح الرحم و ولدتي
بخصوص ماي البيبي
انا بناتى الثنتين انفتح الماى قبل الولادة
وخرعونى ومادرى ايش الاولى رقدونى من الصبح الساعه 10 لحد 11 بالليل سبحان الله ياني الطلق
الثانية انفتح الجمعه قبل الصلاة
ورحت لهم المغرب ورقدوني وقالوا بيسوون لى قيصري اذا ما ولدت السبت الصبح وسبحان الله مر الصبح قالوا فى الليل
وعقبه قالوا الأحد الصبح وعقبه الظهر ..
والحمدلله ربي أخلف ظنهم وجاني الطلق الاحد المغرب قبل الفطور لأن ولادتي كانت بالعشر الأواخر برمضان
شي ثاني اشربي ماي على طول سبحان الله يعوض ماي الجنين لو قل
وحتى لو انفتح تراه يتعوض كل 3 ساعات
كثري من الأستغفار بنية تسهيل الولادة
وماعليج شر ربي يفرح نظرتج

بنات حبيت اسألكم ..

شرايكم بمستشفى الخور حق الولاده .. ياريت اللي جربته تعطيني رايها..

هلا كروشات الله يتمم لكم على خير يارب

ااي الحمدلله رب العالمين
الحين الدور عليكم
الله يسهل عليكم ان شاءالله


بنات بسالكم من وين اشتري قاري ؟ غير ماماز اند باباز ماعرف محلات خخخخ ابي شي عدل ومايخترب

حايرة شيكو حلوين وعملين

حايرة :
شوفي ماركة Peg perego في بيبي شوب
وشيكو

صباح الورد

حايرة
شوفي بعد ماركة جراكو بعد زينة
الماركة اللي قالت عنها دوحانية واااايد زينة وبتلاقين معاها الكاري كوت والكارسيت والجاري العادي تقدرين تركبينه كل عمر ع الستاند وعقب تستقرين ع اخر واحد

الورد
استخيري واللي الله كاتبه لج بتاخذينه شئتي ام أبيتي

الله يهون عليكم كروشات