بيتنا الرابع والعشرين همه عاليه تعلو قمم الجبال وامل يحطم كل صعب وعسير

السلام عليكم

جداويا \
مشكورة على ردك بخصوص الواتس

فوفو \
كيفك يا قمر وما أحد يلومك على حياتك اللي فقدتي تفاصيلها
وانا متأكدة أنك عاارفه أنك في نعمه من الله
في نفسك وزوجك وذريتك
لكن الشيطان يبغى يحصل عليك مجاال ليحزن اللذين آمنو
الله ييسر أمرك ويفرح قلبك



أيامي لخبووطه شوي
مو مركزة في شي من كل بستان زهرة خخخخ
يعني ألاقي نفسي مره هنا ومره اشتغل هنا ومره هناك وهكذا
بحاول أضبط أموري أكثر وأكثر

أشوفكم على خير

الله يعطيكم العافيه حبيباااتي
بس جارتي مو بس مع بنتي حتى معايا
حتى لو دقيت على الجوال وما رديت
سوتلي سالفه الله يعين بس والله اني
احتسب لحق الجار على الجار
وفاااااء لا والله مو رخيص ثلاث
اايام ب300 تدرين قبل
سنتين كان شهر كامل ب900 بس
الحين تمردوووو وانا قلتلها اذا ابغاك شهر
كم تاحذين تقول 1700 ريال قسط
سياره ياكافي ولا اجار بيت
المهم البارح رحت ازو بنت عمي في المستشفى
عندها انيميا حاده وغيرولها دم وخليت عيالي
بالبيت وقلت للشغاله كملي شغلك فكي الشباك
ومسحي المكيف ورجعت بعد ساعتين تقريبا
الا وهي جالسه في المطبخ وتقول مسحت
اشوف شباك المقلط ياربي غبار ما تغسل ولا انلمس
اقول لعيالي اشتغلت قالو لا قاعده تكلم بالجوال
وانا بس قلتلها انتي مسحتي الا هي تقول انا مسحي
ماتشوفي بيت نظيف ياربي الغبار فوق المكيف
والباب فيه اثار وساخه وترفع صوتها علي ويسمعها زوجي
وهي تصارخ وتروح تفك الشباك وتطيحه على رجل بنتي بغيت
اخذ عقلها بس مسكت اعصابي قال زوجي يالله خذي حسابك
وبرى اعطيتها 220 وطلعت وهي زعلانه لا وتكلم الي جابتها وتقولها
انا تعبانه انا انام 3 واصحى ثمانيه صراحه انا بلمت تكذب عيني عينك
لانها تنام 12 وتقوم عشره قلت مابدها الله يستر عليك
قمت سويت فول وشاي تعشينا وغسلت الصحون وبنتي نظفت السلات
نمنا على الساعه 1 وصحيت صلاه الفجر صليت وعملت سندوشتات
جبن وحليب نسكافيه فطرنا وراحو عيالي وانا امسك غرفتهم تمسيح وتلميع
بديتول وفيري وكلوركس مسحت المروحه والدواليب واللمبات والمكيف
الجدران وطلع شي ياكافي اقطع يدي على قولتهم اذا مسحت
اصلا ناويه اعيد على كل شي لمسته حسبي الله نعم الوكيل
ولصقتلهم استكرات شريتها من المهرجان قبل فتره
وحسيت براحه الحمدلله اليوم ان شاء الله اذا فضيت بنظف غرفتي
بالتوووفيق للجميع
بسويلكم اكشن بقصصي عشان نحرك الملف شووووي

صباح العافية واللمسة الدافية..

How R U

_________________________

يومياتي..

أمس..بعد ما كتبت يومياتي.. كملت شغلي..

جبت خلطتي حاطتها بعلبة فيري.. عبارة عن كلوريكس وديتول وفيري وماء..

اخظها وانا واقفة عند باب الحمام واضغط العلبة على الارضية كلها وانا بمكاني..

واروح للحمام الثاني واصب والثالث واصب..عالارضية وغسالة اليدين..

ثم خذت ممسحة وبخاخ القزاز ومسحت طاولات المجلس..

ودخلت الحمام -تكرمون- ومعي مكنسة خشنة.. وفرك فرك فرك..

وبالاسفنجة دعك دعك عالغسالة..

ثم شطفته ولمعت المراية..و نفس العملية بالباقي..

وعندي منظرين صغار حاطتهم على رف بحمام الضيوف وبناتي..

شبكت صمغ المسدس بالكهرب وصمغتهن بالجدار فوق بعض جنب المراية..:thumbs_up:

وسويت حركة خلف المراية نزولا على رف الغسالة..وطلع مملوح..

طبخت غدانا برياني دجاج.. وقطعت السلطة..

وقعدت انتظر بعلولي يجي والبنات طلعوا للحوش يلعبون..

كان الجو حلو.. وسمعت صوت الموية تصب برا..

واهاوش: من اللي شغل الموية يسكرها..:084:

واطلع لهن ومعي السلّاته.. قلت استفيد من هالموية بدل ما تنشف عالفاضي..

واسلتها ويطلع معها وحل من كثر الغبار اللي بالحوش..

يوم ناظرت ..بان الفرق بين النظيف والوسخ..

واشتهيت اغسل الحوش مع هالجو الجميل..:adore:

وافك الَّي واصب شوي ماء على اول الحوش ثم قول لجود تسكره..

وامسك السلّاته اسلت الماء من ربع الحوش..

ثم اشغل الماء ثانية واشطف الربع الثاني ثم نسكره..

واسلت وهكذا لييييين خلصت الجزء اللي تطلع مويته بالشارع..

بقا الاسياب اللي ميولها يصرف الماء بفتحة تصريف..

وانا اصب الماء عليه واستمر بدون سلت لييين خلصت..

يوم سكرنا الماء وقعدت الف الَّي حسيت بقطرات ماء تجيني..<< رش مطر :adore:

الَّي= الهوز او خرطوم الماء..

ثم دخلت اغسل بعض المواعين وارتب بالمطبخ واطفي عن الغدا كانت مقصرة عليه..

وجا زوجي وفرشت بساط بالحوش وطلعت مخاد..

وتغدينا برا.. وحطيت لبناتي صحون بلاستك عشان نخش جو البر :lol:

كان الجو راااايق:030:..ظفيت السفرة وغسلت المواعين..

وطلعت وقعدت عالبساط اسولف واتس..

وعالخمس ركبت عالقهوة و الشاي.. وسويت بوب كورن بالقدر<< اول مرة اسويه بقدر..

جهزت الصينية بالبيالات والفناجيل والتمر والمكسرات والبوب كورن..

وطلعنا للحوش نقرمش..:079:

وقعدنا لين العشاء:worn_out:.. ثم دخلت الصينية ونفظت البساط من فتات البوب كورن والمكسرات..

و كملنا الجلسة وبدا الجو يبرد.. وجبنا بطانيات خفاف..

<<كن ودنا نرقد :094::085:من الظهر لين عقب العشاء وحنا بالحوش!!

ثم دخلنا وحطيت البطانيات بالغسالة.. وسويت للاميرات ساندويتشز..

وارسلت لزوجي يجيب معه خبز خباز..

حطيت البطاطين بالنشاف و حطيت المماسح بالغسالة..

كنست المطبخ وطلعت الزبالة بالحوش ومسحت الغطى..

ثم مسحت الارضية ورميت الممسحة مع خوياتها بالغسالة وشغلتها..

وطلعت للحوش ما امداني جلست الا بعلولي يدخل..

خذت منه الخبز ودخلته بالفرن لا يبرد..

وجهزت النواشف وتعشينا بالمقلط..

غسلت المواعين.. و دخلت البساطوالمخاد وطفيت لمبات الحوش..

وركبنا ستارة الصالة.. وجهاد مع البنات لين نامن..

كنست المنطقة اللي عند الستارة عقب الدريل..

ورجعت الطاولة والاكسسوارات.. ونمت..

واليوم.. بعد الروتين الصباحي كنست باقي الصالة والمقلط..

وشغلت الغلاية وبالوقت اللي بانتظرها تغلي.. خذت منفظة الريش و درت على كل اللي مسحته امس..

ورجعت للمطبخ على غليان الماء وسويت لي كبتشينو وجيتكم :C:

عاد ناوية ان شاء الله اتلحلح واعجن للسينابون واخبز الكيكة..

واغسل اكواب العصير واعبي ربعها سفن اب واحط فيها شريحة فاكهة وعالفريزر..

واجهز خبز السلطة.. واشوف وش بطبخ للغدا..

وقطو..

جداووويه الله يسعدك دنيا واخره
انا ودي اقولها ان بنتي مالها دخل في بنتك
بس ماعندي جراءه ماودي احط راسي على مخدتي
وفيه احد زعلان مني بس والله انها ضيقت علي
حتى لوطلبت شي وانا ماعندي تزعل وتسوي سالفه
والجار وصى عليه الرسول صلى الله عليه وسلم حتى لو اساء
وبنتي صراحه اولى زي ماهي تحب بنتها انا احب بنتي
وفهمت بنتي انها تتحاشاها ولا تعلمها بشي يصير في البيت
وماعليها منها ما عد نبغا شكاووووي حتى زوجي
يقولي اذا عاد شكت صكيها بين عيونها قوليلها انتي
عقلت صغير بكره وهم يلعبون مع بعض وبنتي
ماهي مسؤله عن بنتك
لا وانتظري كمان السنه الجايه بتسجل ولدها مع ولدي
من الحين وهم يقولون له ترى تنتبه لولدنا وخليه معاك
وبعدها يبدا وابل الشكاوي

روووز ماشاء الله يومياتك رائعه
تذكريني بالنحله الله يعطيك العافيه
بنات مستفقده مهااااوي وينهاااا

يومياتي مع أميراتي..

هالمرة عندي شي يستحق كتابة يوميات مسقلة لهن..

بينما كنت اطبخ الغدا..جتني جود تسأل اذا ممكن يطلعون للحوش..

و قعدت افكر.. الحوش مغبر..وانا توني منظفة البيت.. بس الجو حلو!!!

وطولت وانا متنحه افكر.. قالت بنتي: يعني لا.. ورجعت لخواتها..

يوم قصرت عالغدا.. قلت وليه لا؟!!!!!!

وسمحت لهن يطلعن للحوش.. وما تشوفون الا غبارهن يدورن جزمة الحوش -تكرمون-

وطبعا لولو ام الدبر والعبر فتحت الموية وطلعت اهاوش وقلت عقاب ادخلن..

قالت جود: هي اللي فتحته هي اللي تدخل!!

قلت: العقاب يعم..

وقعدت اسلت الماء وهن يطامرن عندي وانا انزرهن كل شوي ما ابيهن يرطبن رجولهن ثم يدخلن البيت بالطين..

دخلن يوم عصبت.. ثم قررت اغسل الحوش واحتاج وحده توقف عند الماء..

واصوت لهن قلت: احتاج مساعدة وحدة..

وتجيني جود تنقز.. وتطلع معها روفة.. والا البطول لولو قاعدة عند الـTV..

بدينا نغسل الحوش و روفتي معها مكنسه يقاللك بتساعدني وهي تحوسني..

طلعت لولو تسولف علي وتشوف شي فرحت لشوفته :biggrin:

وراحت تنادي اختها وتقول شوفي.....<< سمته اسم انقليزي نسيته!!

وتتأمل ومبسوطه.. وانا مدري وش هي شايفة!!!!

واقول :وشو وينه؟

وتأشر: هير..اتز التل ون..:009:

واكمل غسل الحوش عجزت اشوف اللي هي شايفة..

يوم وازيته والتفت واذا به















بعرصي :039:

بعرصي= برصي..ابو بريص.. واتوقع وزغ..

بس اشوا كان صغير..كملت غسلي كني ما شفت شي :060:

خلصنا وفرحنا بالمطر اللي ما طول:056:

وتغدينا.. وطلعت مع الاميرات نستمتع بالحوش..

انا عالواتس وجود كل ما ظحكت دخلت خشتها بالجوال تقرا بتشوف وش ظحكت عليه!!!

و روفة و لولو يلعبون بالسياكل..

ثم طفى جوالي وقعدت اسولف مع جود..

جبت الشاي و القهوة وملحقاتهم..

وقعدوا الحلوين كل حبة فشار يشبهونها بشي..

ويعدون حبات الخال اللي عندهن :lol:<<فظاوة

ثم قاموا يكملون لعبهم بالسياكل..

يوم شلت الصينية قالت جود: تودي..اتز ابرفكت داي..= يوم مثالي..

قلت لها: شفتي.. حنا اللي صنعنا سعادتنا بنفسنا.. ما انتظرنا احد يطلعنا للبر او للبحر عشان نستمتع بالجو..

ولا احتجنا نروح للملاهي عشان ننبسط<<طول الاجازة وهن يبن ملاهي..

ما يحتاج يكون عندي حوش كبييير..يكفي انك تشوف السماء لو من شباك..

ما يحتاج يكون عندك حديقة كاملة عشان تستمتع فيها.. يكفي حوض زرع وحط اللي خاطرك فيه..

الواحد يعتمدعلى نفسه وما ينتظر احد..

هزت راسها بيتي وهي مبتسمة ودخلنا..

وبعد العشا بدأت معركة النوم ..

قطو..

لاتفوتكم إذاعة القرآن
برنامج بيوت مطمئنه

راجعه لكم بيومياتي

استوحي مزاجي من هالانسانة..

________________________
Tuesday Twenty
عشرينية الثلاثاء






1. Back yard windmills making me smile
1. مراوح هوائية بالحديقة الخلفية تجعلني ابتسم..





2. Little Nut Tree gently opening it's first leaf of the season
2. برعم صغير بدأ يتنفتح على مهل.. انها اول اوراق الموسم..





3. Brightly coloured washing line
3. حبل الغسيل بالوان زاهية..





4. The slant of the afternoon sunbeams
4. اشعة الشمس المائلة بعد ظهر اليوم..





5. Evidence of Little B's outdoor playtime
5. ادلة على الصغيرB بالهواء الطلق..وقت اللعب..





6. Nap time/Mummy time
6. وقت القيلولة/ وقت للام





7. A little sweet accompaniment to my afternoon cuppa
7. حلوا صغيرة ترافق كوب ما بعد الظهيرة..





8. A little hooky accompaniment to my afternoon cuppa
8. القليل من الكروشيه يرافق كوب ما بعد الظهيرة..





9. The wondrous oh.so.blue colour of the sky
9. التعجب من مدى ازرقاق السماء..





10. The glowing yellow of neighbourhood forsythia
10. التوهج الاصفر لورد الجيران..





11. The picturesque beauty of my 3pm school run
11. الجمال الخلاب 3pm ذاهابا للمدرسة..





12. Putting my new/old chair in the front garden for sunshine sitting
12. وضع كرسيي القديم/الجديد بالحديقة الامامية لجلسة التشمس..





13. After school hooky time in the front garden while Little Peeps played out
13. كروشيه ما بعد المدرسة بالحديقة الامامية اثناء لعب الاطفال بالخارج..





14. Making lime and honey dressing for a salad
14. صنع صوص من الليمون والعسل للسلطة..





15. The golden light and chimney shadows at 6.30pm
15. الضوء الذهبي وظل المداخن بالساعة 6:30pm





16. An early evening walk up a hill to take in the view
16. في وقت مبكر من المساء ومشياً على الاقدام اعتلينا التلة لالقاء نظرة..





17. The colours of sundown
17. الوان الغروب..





18. Walking back through the woods
18. مشيا عدنا عبر الغابات..





19. The wondrous sliver of moon in the still oh.so.blue sky
19. القمر الفضي العجيب في اللتي لا تزال عجيب ازرقاقها..





20. Plumping up my pillow and smoothing my blanket ready for bed
انفش مخدتي واسوي غطائي استعدادا للنوم..
&#9829;
Twenty pictures that capture the simple beauty and happiness of my Tuesday.
عشرون صورة التقطت بساطة وجمال وسعادة الثلاثاء الخاص بي..
&#9829;
____________________
ترجمتها ليتمكن الجميع من الاستمتاع معي بيومياتها المصورة..

حنين \

ع البركه الغسالة الله ينفعك فيها
وبكم شريتيها


رووز \

:thumbs_up: :L:


وصال \

ترا بعض الناس المفروض تسحبييين عليهم
مو لازم ينعطون وجه زياده ع اللزوم
أنا لو وحده ما راقت لي أسحب عليها
ولا كأنها موجوده فقط سلام وكيف الحال وبسسس
رضا الناس غاية لااااااا تدرك
والله لو تقلين لهم في يدك ما ينفع

واللي ما يستحي عطيه في وجهه حتى لو بكلمة
أو نظرة أو تطنييييش


++++


يومياتي \
حلوه وماشيه بس مو مركزة أكتب شي
والله يعين وييسر للجميع

مساااااء المطر وريح المطر
مسااااااااااائكم سعيد ورايق
اليومين هذي من السبت وانا في غرفة عيالي ترتيب الدواليب وشيل الشتوي
بس شغلي مقطع الاف المرات واكبر انجاز الغسيل مااخليه يتراكم واللي يحتاج
كوي ع طول اكويه عشان مايتجمع الكوي اكرهه
السبت دولاب الصغير طبعا كل الملابس شلتها صغرت عليه
الزين رتبته بأكياس وكتبت ع كل كيس وش محتواه وباحطها ببيت اهلي
للي يبيها من بعدي من أخواتي والباقي للجمعيه بإذن الله
امس الاحد
مسحت السيرااااميك كلللله ومسحت كل التحف والاثاث
ع السريع بس ابي تنفتح نفسي للشغل الثاني اللي هو ترتيب الدواليب
وسويت عشانا تورتيلا بالدجاج الدجاج مفرزن بس طلعته وسخنته
وانا مااكلت معهم نفسي ماتتقبل المفرزن حطيت لي تونه
وجلست معهم بجهاد ابيهم ينومون وهم بس يعاندون:mad:
جلست معهم بالغرفه ع الواتس سوالف مع بنات خالاتي
يوم ارتفع ضغطي طار الشررمن عيوني ونفخت عليهم ذيك النفخه
قال عبودي اضحكي معنا زي ماتضحكين مع اللي في الجوال
:lol: انحرجت مررره وقلت اختارو اي نبي اقص لكم قصته
واختارو كل الانبياء ثم قالو فيه نبي اسمه بدر
خخخخخ طيب نبي اسمه عبد الله :-# وبعد ما قصيت القصه
نامو ياعمري يبون يلفتون انتباهي بالعناد الله يهديهم
نمت بعد يوم حااافل بالكرف اليوم
صحيت الساعه 5 الفجر ورجولي توجعني مررره
جهزتهم ولبستهم واستودعتهم الله
ورتبت كللل الحوسه وسويت لي فطور
وافطرت وبديت بجزء من دولابهم وخلصته ورحت صليت لي
ركعتين ورجعت ابي انوم الا ويقوم الصغير
ويسووولف من 9 الى 12 واخذت غفوات واقوم له كل شوي
وارفع صوتي عليه اقول يل ناااام وهو يضحك ومبسوط يحسبني العبه:p
ماقدرت انوم قمت 12 ونص عندي موعد وطنشت بالمستوصف
ركبت عالغدا سليق وصينية خضار بالدجاج
روشت الصغير ولانام فيه حراره ياقلبي
تغدينا وغسلت الموعين ورتبتت جزء من دولابهم
وكلمتني سلفتي وقرقر الى اذان المغرب
المغرب جلست فترة راحه والعشاء طلعت لمحل بارجع بلوزه صغيره
اخذ مقاس اكبر:worn_out: وكنت مواعده عيالي اوديهم تويز آر اص
بس عيا ابوهم ورجعنا هم اكلو صامولي في السياره وشبعو
جيت رتبت الحوسه وابيهم ينامون رحت سويت لي توست
مع جبن شرائح وهم بس يطالعون فيني ويقول عبودي
اكلك حلوخخخخ قلت تبي قال لا بس باناظر فيك
:lol: شغلت لهم سورة البقره واكلت التوست مع كوب شاي
وجيت اكتب للكم وباروح الان اغسل الموعين واجهز لبسهم
لبكره واذا فيه وقت دخلت اتصفح.
لكم :L: و F:
.....................................

روز
حلو نذكر يومياتنا مع عيالنا اليوم قريت كلامك مع جود
وطبقته مع عبودي من زماااان وهو شاري نبته صغيره
وكل يوم يبي يقصصها وارفض جاني العصر وانا بغرفتهم
وقال باقول لك شي اكيد بتقولين لا
ابتسمت خخخ وقلت لا حبيبي قل وش تبي
قال اكيد بتقولين لا
قال ابي اقصص النبته قلت ليش لا خخخخ
تغير وجهه وتشقق من الفرحه
قلت بس بشرط ماتوصخنا راح في البلكونه وماارتاح الا يوم خلاها
قررررعه وجا يحب راسي ويشكرني
وطلب مني طلب ثاني ينزل يلعب تحت بالشارع وسمحت له
لانه اكبر خواف وابيه يتجرأ شوي الاوهو راقي يقول
لعبت بس شي بنفسه وحب يحققه
وحاولت طول يومي اكون معهم هااااديه
وقطو يلحق قطو روز
...........................

يالله دخلت عالفيس بوك
وحنيت للذكريات
أحبكم كلكم

توني راجعة من السوق شريت بعض الاشياء الي ناقصتني.. ممم و شريت كريم فيراند لافلي & شامبو سيلفكرين عشقي & كيلي الاحمر & صابونة بيرس الزرقا اول مرة اشتريها << هالصابونة جنان لتوحيد البشرة.. و شريت صنادل الله يكرمك لي لان صندلي انقطع ههههه~&#1632; و قطو يلحق القطاوة الثانية ههه

::

بكلامكم عن عيالكم ذكرتوني أذكر اللي عندي
الحمد لله لي فترة أحاول أكون رااايقه مع أطفالي
والغريب أني أكون أكثر رواقه لما نكون عند أحد
لأني كنت أدقق على كل شي لما نروح للناس
وما أبغاهم يغلطون لو بالمشي والجلسه ><
بس اللحين لعنت أبليس وقلت كل العالم عندهم بزران
وأشد من عيالي وأكثر أذيه !!
أصلاً حتى لما نحترم أطفالنا قدام الناس
الناس تلقائياً يحترمونهم
وكل يوم ألعب معهم مطارده أو بألعابهم أو قطار خخخ
واليوم العصر لعبت معهم مصارعه حره خخخخخ
مررررره أنبسطو وتقطعو ضحك
وانا تونست وغيرت جو لأن النفسيه كانت داااون
هالأيام أحس نفسي مُقحمه في ضغوط
مو متعوده عليها ولاهي من شخصيتي
ولما طلبته أطلع أغير جو ونجيب أغراض للبيت
ولما جينا بنطلع غير وجهته بسبب طلعه ماله داعي يكون فيها
فااار دمي لكن تبسمت ببرود وقلت تتهنى بالخرجه !!
رجعت بعيالي بكيو لكن لعبتهم وسكتو ثم عشيتهم
وبدأت أغسل دفعات الملابس والمواعين وحاولت قد ما أقدر
أني أعطي نفسي جو حلو وإيجابي رغم القهر ><

ما قول غير يا شين البعد عن الأهل
لا أهل ولا أخ ولا أخت ولا قرايب حولك
والأصحاب الواحد ما يمون عليهم كثر ما يمون على أهله !!!


عااد سامحوني ع الفضفضه



وتفائلو بالخير تجدووه =)


:::

http://go.3roos.com/tt5o26j9xwl