أستفسار

انا بستعمل خلطة فيها لبن " زبادي "
وشوفان مطحون وعصير ليمون وشوية خميرة فورية
بحطها يوم بعد يوم لمدة 20 دقيقة
و قبل ما أنام بدهن وجهي بعصير خيار وبنام
وكل يوم هيك بعمل الخيار بعطيكِ نضارة وتفتيح ومفيد للبشرة الدهنية
(:

أم أبراهيم تكفيييين بشرتي صارت كيف اقولك اذا غسلت بغسول هيملايا تنشف واحس بجفاف وامرر قطعه ثلج بماء ورد عليها وتصير ارحم شوي لكن المشكله فيها زي القشور متقشره خفيف وتعرفين قشره الشعر احس مثلها على وجهي المشكله الحبوب صارت تزيد حبوب لونها احمر النفسيه صارت زيرو ماادري شسوي حددت موعد عند دكتور الجلديه يوم الاحد والله ماادري شسوي كل من شاف بشرتي قال هاذي بشره عروس لانها عدمانه وانا من النوع اللي اذا شلت هم حاجه تبين على البشره لاتقولين لاتشيلين الهم والله احس غصب عني :'(
اذا فيه اقنعه طبيعيه تنفع حالتي ساعديني فيها
انا اشرب يوميا عصير برتقال مع ملعقه عسل والماءاشربه مع شويه ماء ورد لاني قريت انه مفيد للبشره لكن احس العكس :hysterical:
انتظر ردك والله داخله وانا تعبانه وفيني النوم عشان اذا صحيت الصبح ان شاء الله اشوف ردك ياعسل :o

ياهلاااااااااااا اختي حياك الله انتي مااستعملتي شي ثاني بس الحبوب والمرهم ؟
لاني نبهتك ماتستعملي اي شي ثاني ولازم واقي شمس اذا طلعتي
اذا استعملتي اشياء واصلا انتي بشرتك تتقشر اكيد راح تتحسس
والحين بقولك اتركي الحبوب والمرهم واستعملي الحليب وانا قلت صابونة بيبي جونسون اثناء العلاج مش الغسول الله المستعان
بس مافي مشكلة يالغالية الحين اتركي كل شي وهدي اعصاااااااااابك واستعملي الحليب وصابونة بيبي جونسون
وحطي مرهم بيبانثين على وجهك وان شاء الله تروح القشور والتحسس لاتخافي مافي شي ان شاء الله ويمكن هالحبوب الصغيرة من التوتر مش من العلاج
اما عصير البرتقال مايأثر على الحبوب ولا ماء الورد بس انتي متوترة واضح هالشي هدي نفسيتك وروحي جيبي المرهم والصابونة والحليب وعلى فكرة ترى طبيعي البشرة تصير فيها قشور اثناء معالجة حب الشباب هذا طبيعي جداااااااا
ولذلك انا نصحتك بالصابونة والحليب عشان تخف وقلت لك ماتسوي اي شي ثاني معاهم وتتركي العلاج قبل اسبوعين من زواجك عشان تخف القشور وتروح
ولاتخافي ان شاء الله جيبي مرهم البيبانثين وحطيه راح يجدد لك الجلد ويودي التحسس وان شاء الله ماتحتاجين دكتور لان طبيعي القشور ولها علاج ان شاء الله وبالعكس هالشي زين لان تكون بشرتك جفت وتتخلصين من الدهون والحبوب اللي بسببها حتى اختي مثلك جالسة تتعالج وتتقشر بشرتها بس خفيف واذا حست بجفاف تحط كريم البيبانثين بس انتي مو باقي شي على زواجك اتركي العلاج الحين وحطي الكريم هذا مرتين باليوم اذا حسيتي راحت القشور والجفاف وقفيه وانا متابعة معاك ان شاء الله

على فكرة نسيت اقولك ماانصحك تروحين دكتوووور لانهم مثل الصيدلانيين كل شوي علاج وكلام
وروحي وتعالي لهم عشان كل مرة ياخذون فلوس الاغلبية كذا الا من رحم ربي
احنا الحين بالبيت مستغنين بفضل الله عن الدكاترة خاصة بالتجميل وهالسوالف والله امي واختي سنين يراجعون بلا فااااايدة تذكر
الحين ماشاء الله انا تابعت معاهم وتحسن كثييييييير ماشاء الله بنسبة 80% عن قبل
واحب اقولك شي نسيت اقوله الحبوب الصغيرة الحمرة هذي تصير احيانا اذا البشرة جفت يعني تكون بسبب الجفاف
فاي كريم مرطب ومرمم يوديها بإذن الله انا اقولك لاتروحين الدكتور واخذي البيبانثين اللي فيه خط وردي صناعته المانية وحطيه مرتين باليوم مع صابونة بيبي جونسون مرة باليوم والحليب
وان شاء الله كل شيء يصير تماااام اصبري شوي على الدكتور انا بتابع معك ان شاء الله وشوفي اغلب البنات بالنت من دكتور لدكتور ومايستفادون ذيك الفائدة
والحبوب اللي انتي تستخدميهم مفعولهم مثل الروكتان يسببون جفاف للبشرة فهذا الشي طبيعي لو مستخدمة الروكتان كان صار اسوء لانها تسبب تساقط شعر واشياء ثانية

انا مااستخدم شي غير المرهم اللي حطيت صورته لك قبل
عشان اثار الحبوب وبالنسبه لعصير البرتقال انا اشربه عشان
نضاره البشره لاني اعرف ماله دخل في الحبوب عموما يالغلا
بوقف كل شي وبستخدم مرهم بيبانثين والصابونه
طيب ابي اعرف اقدر اسوي حمام بخار لبشرتي
وتسلمين على كل شي وشورك وهدايه الله بكنسل موعد الدكتور

سؤال ثاني خلطه افالون والدوكين احطها مره او مرتين في اليوم

وااااااااااااااااااااااااااااااااااااااااالف شكر لك:thumbs_up:

هلا اختي حياك الله المرهم اللي حطيتي صورته للاثار الصراحة ماسبق واستعملته يمكن هو السبب بالحبوب لذلك اتركيه يمكن حسس بشرتك
المهم بخصوص حمام البخار لا بصراحة ماانصحك الحين قبل اسبوع من زواجك روحي مركز تجميل او عيادة عند دكتورة وسوي تنظيف عندهم
لانه بصراحة عندهم اجهزززة روعة وتشيلك الرؤوس السوداء للاسف لايمكن الوحدة تشتري هالاجهزة بالبيت لذلك روحي سوي عندهم تصير بشرتك نظيييييفة وتلمع
وعشان بعد تكون قريب من موعد زواجك انا يوم تزوجت سويت تنظيف بشرة عن دكتورة واستمرت النتيجة شهر كامل بشرة نظيفة وحلوة وعلى فكرة حتى الاثار عندك تخف حيل بإذن الله
وفعلا جيبي البيبانثين واستعمليه لين يروح الجفاف وقفي استخدامه واستمري على الصابونة
وخلي هالفترة رااحة لبشرتك يعني فقط صابونة وحليب بدون شي ثاني لين قبل الزواج سوي التنظيف عقب لين تزوجتي استعملي الطريقة اللي سويتها لاختي مرتين بالاسبوع مع استعمال غسول همالايا
والدوكين والافالون حطيهم مرة باليوم بس بما انك قررب زواجك عادي لو مرتين عشان النتيجة السريعة بإذن الله
لاتنسين تطمنيني عليك

:biggrin::biggrin:

هلا وغلا حياك الله السموحه مااشفت سؤالك غير اليوم الصبح
ورجعت عشان اكتب ردي للاستفاده
خايفه لاتشوتيني لاني رحت للدكتور لاني الوالده اصرت اروح
حمدلله الدكتور عطاني مرهم مقشر بس احسه خفيف قشر لي الحبوب وحمدلله اختفت بس باقي مكانها احمروالتقشر في بشرتي

خفيف لكن حمدلله ارتحت كثير على نصايحك واتباع علاج الدكتور وبعد عطاني محلول طبي احطه الصبح بعد الكريم لانه الكريم مره في الليل وهو بعد مااغسل بالصابونه احطه مرتين يوميا على فكره انا استخدم صابونه جونسن على كلامك وعطاني حبوب تابوسين مره باليوم ........
أدري بتعصبين بس انا ناويه استخدم العلاج لين نصف الاسبوع هذا واستخدم بيبانثين؟؟؟؟؟ حبيت اسال نهايه الاسبوع تاريخ18اسوي تنظيف بشره حصلت عياده تسوي فاانتي شرايك
لاتخافين ولاتحاتين بشرتي احس حمدلله ارتحت بعد ماراحت الحبوووب وصرت احط قناع عطتني اياه صديقتي مشاء الله بشرتها صارت روعه من استخدامها له وادري انه على حسب تقبل البشره بس جربته واحس اذا استخدمته تبرد بشرتي ويعطي نعومه ونضاره ........

هذا المرهم






وهذا المحلووول





وتسلميييييييييييين يارب وانتظر ردك :thumbs_up:




على فكره اذا دشيت المنتدى وشفت التوقيع يمغصني
بطننننننننننننننننننننننننننننييييي:hysterical::o