زواجي معرض للهدم والسبب انا ..

السلام عليكم ورحمه الله وبركاته

بتكلم شوي عن نفسي .. متزوجه من سنه وتسع شهور وعندي بنت عمرها 9 شهور والحين انا حامل ..

ممم فالبدايه انا عمري 21 سنه فيني كبرياء بس لله الحمد انسانه طيبه .. طبعا قبل الزواج عندي سوالف ايميلات وصديقات وعايشه حياتي فري .. بس يشهد على ربي ما كنت اكلم شباب ع الايميل .. اللهم كنت معجبه بشخص فالمنتدى واعجابي فيه كان كبير بس الحمدلله ما وصلت اني اكلمه ع الايميل ..

من تزوجت تركت كل ايميلاتي وسويت ايميل واحد يجمع كل صديقاتي .. مب هنيه المشكله ..

مم انا من النوع اللي ما يعبر عنه حبه بس مرات اقول ليش الله خلق لنا لسان ولازم نعبر عن حبنا لشخص اللي نحبه ..

ريلي وايد يحبني وانا احبه وايد بعد بس هو متعلق فيني وايد .. الحمدلله .. بدايه زواجي زارتنا خالته وعطتني عطرين لي وله وبخور وقالت استخدميهن .. انا ابدن ما شكيت بشي وعلى نياتي استخدمتهم .. ويوم يا ريلي من برا قلت له خذ هالعطر من عند خالتك وسالته شو رايك بهالبخور ؟؟ قالي بسرعه شليهم وديهم برا قلت له ليش قالي بدون ليش وشليهم انا طبعا نفذت اوامره .. وما سالت .. علاقتي كانت معاه وايد اوك فالفتره الاولى ..

بعدها قامت مشاكلنا اتزيد وعلى اتفه الاسباب نتضارب ونزعل .. مرات انا ارضيه ومرات هو يرضيني ..

بديت اداوم فالكليه .. هنيه شفت العجاب .. ريلي ما كان يعيبه اني اداوم لان وقتي كله اقضيه بالدراسه ومكالمات مع صديقاتي عن البروجكتات .. مره من المرات كنت اكلم صديقتي ع الايميل وهو كان يالس عدالي قالي بعد ما خلصت وانهيت شغلي كله كم ايميل عندج .. قلت له وايد عندي ايميلات بس اللي تام هذا الايميل .. قالي اها وتم يطالع من المضافين عندي سكت وفي خاطري اقول شكاك وغيرره لاني ما احب حد ينبش اغراضي ..

مره من المرات كنا بيلسه مصراحه وقالي كنتي تحبين قبل الزواج .. قلت له حب انا ما احب وماعندي سوالف اعجاب بنات قالي كل البنات يسون سوالف اعجاب ليش انتي غير قلت له هاذيلا يمشون عكس الفطره اللي خلقها الله لنا وبعده ما اقتنع رد سالني كنتي تحبين حد قلت له لا اصلا الحب ما ايي الا بعد الزواج والعشره ممكن اكون اعجبت بشخص قالي من هو قلت له في حد فالمنتدى تعجبني مشاركاته وكنت اتابعه يوميا .. سكت وتم يستفسر قالي اعجاب ولا حب قلت له انسان ما اعرفه ولا يعرفني كيف بحبه اعجاب لا اكثر وما وصلت اني كلمته ولا قلت له اني معجبه فيك ..

المهم مشاكلنا قامت تكبر وتكبر وانا ما تحملت الصراحه لانه هو فيه مس وقلت له خل نروح عند مطوع يقرا عليك رفض .. ويوم يعصب انا اعصب معاه وتوصل لدرجه الضرب لانه ما يحس بنفسه من اللي فيه ..

وكنت كلما يضربني اسكت عنه وارضيه باي شي ما اخبر اهلي ابدن .. لين صار بيني وبينه ضرابه ورحت بيت اهلي وخبرتهم كل شي بس ما قلت لهم انه ضربني .. وتميت في بيت اهلي فتره .. وعقب تراضينا ..

بعد ما تراضينا كانت بينا مشاكل صغيره بس نطوفها .. وفي مره من المرات وهي المره الاخيره تهاوشنا وضربني انا هنيه ما تحملت لاني حامل وخبرت اهلي واهله قلت لهم يضربني ع اقل شي .. هو يقول اني انا ما احترمه واني اتحكم فيه وفي طلعاته .. انا احس مافيها شي لو سالت عن طلعاته من باب الاهتمام لا اكثر .. ومن ناحيه الاحترام الحمدلله انا احترمه بس مرات اطنقر ويطلع اللي ما اتوقعه ><

المهم هو سافر شغل ولا سال عني وانا حاولت اتصل فيه تلفونه مغلق كلمته ع البي بي رد علي بدون نفس .. رجع من السفر ما خبرني ولا قالي ردي البيت ><
سافر مره ثانيه ولا خبرني قال بيني وبينج المحكمه ><
رجعت اكلمه ع البي بي دلعت له وقلت له حبيبي خبرني شو صاير قالي انا كنت احبج وما كنت افكر غير فيج انتي غيرتيني والحين افكر اتزوج الثانيه

ما ادري شو اسوي ساعدوني اكلمه ع البي بي الحين ما يرد عليه كله يطرش لي برودكاست بمعنى انتهت العلاقه اللي بينا وانتي مع السلامه

ايه صح تذكرت الشي اللي عطتني اياه خالته اكتشفت انه سحر من فتره قصيره >< .. انا قبل الزواج ما كنت عنيده ولا عصبيه بس بعد الزواج صرت عنيده واحب اعاند