تجهيزات الولادة للبنات البحرين

اي رفيجتي توها رايحه حق وحده والده وقالت لهم وجنه بعد الدولي ممنوع اتذكر في مستشفى خاص غير ممنوع نسيت اي واحد اذا تبين تحطين له يكون عندج في الغرفة بس اذا عندهم الياهل بدون فراشة ياخذونة

شوشو حطيه في الغرفة حق بس لين ياو الناس وعقب خل ياخذونه بدون

بسم الله الرحمن الرحيم
حبيباتي الحوامل الله يتمم شهور حملكم على خير و يسهل عليكم ولادتكم
سويت هالملف عشان اساعد بنات ديرتي العزيزات ليحين ماكمل وسويت الي اقدر عليه اي احد يبي ينقل خله ينقل بس على الاقل يذكر المصدر " أبيك وما أبيهم من " من منتدى عروس

نبتدي


محلات المفارش:-

فن الذوق
http://www.flickr.com/photos/fanbahrain/
الموقع : بوكوارة مقابل خمس دوائر بالقرب من المنتزه
ارقام التواصل : 33223265

رويال بيبي
http://www.flickr.com/photos/47699246@N07/
الموقع : الرفاع الغربي خلف بنك الاثمار
ارقام التواصل : 38380161

بيبي ايفي
http://www.facebook.com/pages/Baby-Eve/228253100524335
Instagram : baby_eve_bh
الموقع : بوكواره اذا بودي شوب على يمينكم ومجابلكم اكبر لاري تلفون يمين تروحين للاشاره يوتيرن وتلفون اول لفه يمين وبيكون على يمينكم
ارقام التواصل : 38857450

سديم
http://www.sadeembahrain.com/products.php?catid=5
الموقع : المحرق اذا مدخل مجمع الواحه على يمينكم تروحون سييييده ويا الشارع بتحصلونه على يساركم
ارقام التواصل : 39955050






mumy and me
www.facebook.com\mummy.andme.7
الموقع : جدعلي مقابل سوبرماركت لاست جانس
ارقام التواصل : 36360089

يهالو
http://www.flickr.com/photos/76536650@N03/
الموقع : الرفاع الشرقي شارع مشتان يم باسكن روبنز و المركز الصحي
المحرق : في لفه صيدليه المواساه بيكون على اليمين يم جست كبكيك
ارقام الاتصال : 35503660

كوتون كورنر
instagram: cottoncorner
الموقع غير معروف
ارقام التواصل : 37777239

بيبي مون
http://www.facebook.com/media/albums...55394224512496
الموقع : الهمله سوق واقف
ارقام التواصل 39910227

سمبلي سويت
الصور موجوده في قوقل
الموقع : الهمله في اللفه بين يميم تري و هارديز
ارقام الاتصال 39699440


انجلز
Instagram : angelsthreads
الموقع : الرفاغ الشرقي اذا كانت مدرسه الرفاع الشرقي الثانويه للبنين على اليمين و مجابلج اللولو هايبر جدامج على اليمين تكملين سيده بيصير المحل على اليسار
ارقام الاتصال : 17769238





محلات التوزيعات



عسول قفويز
http://www.facebook.com/asoolsweet.asool
ماعنده محل
أرقام الاتصال : 36464994

يونيك فيفور
www.facebook.com\favorsunique
ماعنده محل
ارقام التواصل : 39660155

جوكودور
instagram : chocodor_bahrain
الموقع : شارع عذاري بالقرب من الفرندا ( ديري كوين سابقا )

الاء كوبي
Instagram : alaacopy
الموقع : محرق اذا حلويات طارق على يمينكم اتروحون سيده بيصير
على يمينكم المحل
ارقام التواصل : 36933355

قفاوي
الموقع: بوكوارة بالقرب من المنتزه ومقابل صالون تارا وبرايدل بلاس

حديقه الزهور
الموقع : شارع المعارض دوار الساعه الاول يسار وبيكون المحل على اليمين " مشكلته مافي بارك يمه "

طيور الجنه
الموقع : الرفاع الشرقي اذا كنتوا طالعين من بوكواره على يمينكم بدي شوب ومجابلكم اكبر لاري تروحون يمين للاشاره وبعدين يسار بتييكم اشاره تلفونها يمين وبعدين اول لفه يمين تروحين سيده ليما تجوفون جدامكم لافته ممنوع مرور الشاحنات تلفون يسار تمشون سيده بيكون على يساركم

الانوار
الموقع : توبلي شارع الخدمات

روشان
الموقع : بوكواره اذا دسكفري على يمينكم تروحون سيييده بيكون روشان على يمينكم






محلات الضيافه
كوتون كاندي
http://go.3roos.com/utwsb2re4ly
الموقع : المحرق ( بيت )

سارولينا
instagram : sarollina_sweets
الموقع : عراد

ابيك ومابيهمم

تسلميننن والله ع هالمعلووماااات الحلووووة

يزااااااج الله خيررر حبيبتي

shosho84;16391832:
تصدقون يقولون الامريكي مايرضون يخلون الياهل في المفرش ماله ممنوع وجان اتحسف اني مسوية 4 مفارش للياهل خخخخخخخخخخخخخخ اهو ماتحسفت لان باستخدمه في البيت بس اقصد الطقم الي مع مفرشي مال رويال بيبي

غريبة اول مرة اسمع وانا كنت والدة في الامريكي من 2009 ما قالوا شي عن مفرش البيبي
يمكن غيروا القوانين كلشي جايز هالمرة بعد ناوية اولد عندهم انشاالله :thumbs_up:

هلا والله دهن العود انه تجهيزاتي سويت مفرش حق المستشفى و4 مفارش حق الياهل وخذت اشياء اساسية ثياب الشبك وسلحات داخلية ومراضع وبس ههههههههههههه مافيني شده اسوي شي احين يبقى ثياب المستشفى وملابس داخليه لي وافكر في تجهيزات المستشفى حلويات وصواني وخرابيط وابي اخذ مهادات العمليه الي حق البيت مو مال بوكشخه مادري اي نوع زين نسيت

بالنسبة حق ثياب الياهل في ولدي ماغسلتهم لبستة واهمه يداد بقراطيسهم ومابخرهم ولا احط كومفورت لان توه صغير على الروايح بس اغسلهم بالصابون الوردي مال اليهال

shosho84;16395973:
بالنسبة حق ثياب الياهل في ولدي ماغسلتهم لبستة واهمه يداد بقراطيسهم ومابخرهم ولا احط كومفورت لان توه صغير على الروايح بس اغسلهم بالصابون الوردي مال اليهال

دهـن العـود;16395985:

ززين ما شاء الله خلصتي من الشغلات الأساسيه

اللحين عاد الله يعينج على لويه القدوع

أأأأوووووووف

:hysterical::confused:

ومن صجج عن الثياب :-o:-# ما غسلتيهم ولا شي

انتي عجيبه :lol::thumbs_up: انا اتذكر يوم حق بنتي قلت حق امي وخواتي بخليهم بقراطيسهم زفوووني

قالوا لي ما تدرين شلون طريقه خياطهم بالمصنع شلون وبشرة الياهل أول فترة حساسه

قمت اتذكر سبعتهم بماي

وشووووي صابون بس على السريع وشلتهم نشرتهم
وكويتهم

واشوة عقب الكواي رجعوا جنهم يدد :thumbs_up:

نزين أي نوع صابون فليتي الوردي

استخدمتي

اقصد
البودر والا الصابون السائل

أي أحسن ؟؟

دهووونه
تصدقين من امس وانا افكر عقب ماقلتي انج تبين تغسلين الثياب اقول يعني لازم اغسل الثياب جود يختربون وله شي بس التبخر بالياوي كفايه :rolleyes:

هههههههههه تصدقين انه امي العكس قالت لي لاتغسلينهم حلاتهم بزهوتهم بس خلاص يمكن اغسلهم هههههههههههههههههه واستخدمت البودر احسن اقوى شوي من السائل مايسوي شي

بنات من وين خذتو مشابيك (ملابس النوم حق البيبات)

انه عن نفسي و لاشي و لاشي شريت

اليوم باروح اتشرى و ان شاء الله باخلص الاساسيات

MISS AIGNER;16396021:
بنات من وين خذتو مشابيك (ملابس النوم حق البيبات)

انه عن نفسي و لاشي و لاشي شريت

اليوم باروح اتشرى و ان شاء الله باخلص الاساسيات

انه خذت من مذركير الشايع الي ايونج 3 ب 14 دينار عاد خذت نيو بيبي لان دار راسي في تيني بيبي ونيو بيبي ومن 0-3 عاد خذت نيو بيبي حق المستشفى وفتره النفاس وحسيت طبعا 3 مايكفي والياهل بسرعة يكبر بيستخدم من 0-3 عاد قلت احتياط من جم يوم خذت بعد 3 من سنتر بوينت اول مره اخذ منه المشابيك باجربهم

وخذت من الشايع بعد من 0-3 حق عقب شهرين لان اذكر في بجري ماستخدمته بسرعة الياهل يكبر

ابيك وما ابيهم تسلمين على مجهودج يزاج الله خير

مخمليات انقذتيني لاني احين دشيت الثامن وابي اجهز الشنطة ومب عارفه شلون اغسلهم يزاج الله خير

بس ماعرف شنو اهوه الصابون اللي حق اليهال ووين احصله ؟

MISS AIGNER;16396021:
بنات من وين خذتو مشابيك (ملابس النوم حق البيبات)

انه عن نفسي و لاشي و لاشي شريت

اليوم باروح اتشرى و ان شاء الله باخلص الاساسيات

مذركير الشايع
ماركس وسبنسر

هلا حبيبتي نوتي

تحصلينه في كل الهابيرماركت الكبار اللولو كارفور جيان

اسمه فيليبي عليه صورة ياهل عليه كبوس

مخمليات;16396132:

هلا حبيبتي نوتي

تحصلينه في كل الهابيرماركت الكبار اللولو كارفور جيان

اسمه فيليبي عليه صورة ياهل عليه كبوس

مشكورة F:

نصيحه اخذو الاكياس الاورقانزا وحطو فيها كل لبسه بروحها

يعني كل بدله ومهاد ومشبوك وقبعة بروحهم عشان من ايون يبون ثياب ماتدورون وتتغربلون

بنات عيزت ادور كبوس حق الياهل ساده ماحصلت القطن العادين في سنتر بوينت في وردي وازرق بس انه ابي ابيض بيج واحط عليهم اشياء بروحي