تجهيزات الولادة للبنات البحرين

صباح الخير
شخباركم
تحيرت وين احط سؤالي بس قلت بحطه اهني لانه في تفاعل بالموضوع
شنو افضل جهاز مراقبة الطفل

مرحباااااا حوامل
بغيت استفسر وين احصل سله طفل مع ستاند؟ رحت مذركير وينتر بوينت ما حصلت!

Lilly88;16378317:
مرحباااااا حوامل
بغيت استفسر وين احصل سله طفل مع ستاند؟ رحت مذركير وينتر بوينت ما حصلت!

خذيتها من رد تاغ

مخمليات;16378356:

انا والحب

من خلال الريفيوز في النت لاحظت احسن شي يمدحونهم

جهاز تومي تيبيز
جهاز ايفينت
جهاز جيكو
كتبتهم لج بالترتيب من الأحسن

وتلاقينهم في تويز أر اس ارخص من مذركير وماماز اند باباز

مشكووورة حبيبتي مخمليات
بس كنت ابي تجربة من احد لانه سويت سيرج وناس مدحوا جونيرز وخذيته بس كلش مب شي

صباح الخير بنات

ام نوف كلمت الامريكي احين قالو لي دفعي احين اذا ماتبين تزيد الاسعار وقالو بعد مب كل سنة يزيدون الاسعار ف بروحهم مايدرون اذا بتزيد او لا :)

في الويك اند رحت سنتر بوينت خذت شلحات داخلية ومراضع ولحفا وطق الشامبو والخرابيط ومقص اظافر وبروش شعر ورحت مذركير الشايع خذت البجامات المشبوك بس توهقت في السايز في تيني بيبي وفي نيو بورن وفي من 0-3 ف خذت نيو بورن ومن 0-3 المشبوك واحس النيو بورن حده بده بيطلع على الي في بطني خخخخخخخخخ

حلوووة ودلوووعة;16379234:

ام نوووف حبووبة تحملي تروحين مستشفى حمد والله والله عندي جمن وحدة والدين من اهلي وربعي تغربلوا

الامريكي وايد زين الكل يمدحه رويال بحرين بعد وايد زين وهذي المستشفيات يعتنون فالوحدة صج

الله أيسر حمل وولادة كل وحدة يا رب

اللي مجرب أشوه بعد بس اللي داش على ويهه اول مرة ولاتدرين شالسالفة ههههههه الله كريم

عدل كلامج اختي ترى ربعي الي توهم والدين في مستشفى حمد ومرت عمي حرمو يولدون فيه مره ثانية المعامله على صوب مايدرون عنج وغير انه الغرف ماساه كله حطوهم في جمعي عذر انه مافي غرف كلش وتقول يخلونج تولدين بروحج رفيجتي ظلع الراس كامل واهيه بروحها يروحون وايون عليها يوم صرخ بقمه راسها الراس طلع هني ياوها يتراكضون بس صج ولا وحده اعرفها مدحت فيه عندي السلمانية اهون منه بوايد ... واذا تفكرين في مستشفى خاص الامريكي والدولي اكثر مستشفيات خاصة قديمة وخبره عدل بس الدولي حق الي عندها تأمين لان وايد غاليه ولاداتهم

السلام عليكم
بغيت أسأل ام نوف من وين خذيتي علب المناكير
أدورهم دوارة

هلااا والله

ليلي السلات موجوديت في سنتر بوينت بس يمكن ماشفتيهم اسعارهم تبتدي من 32 تقريبا وسأليهم انا توني ماخذه من عندهم .

مخمليات انا بعد لحين محتارة ناس تمدح وناس تذم ( مرت اخوي تقول كله عند راسها وماخلوها دقيقه واعتنو فيها ) بس العيب الي فيهم ماياخذون الياهل كلش ولا يسبحونه من اول يوم يعني الناس يزورونج بالوصخ ماله . وربعي يذمووون فيه واييييييد .

شوشوو شكلي بداية واحد بتصل في الامريكي وباخذ الاسعار وباجوف ابرة الظهر اذا عندهم بس شلون حجم الغرف العاديه ؟ وموقعهم شلون ذاك اليوم شفته مدعس كله اخاف سادين الدرب او شي .

وعن الثياب انا شريت تايني من الشايع طقم المستشفى عشان ابيه فت عليه وشريت بعد طقم ثاني لان في نوف بنتي لبستهم شهرين تقريبا وعقب لبست النيو بيبي من عقب ال 3 شهور

حلوووة ودلوعه وايد ناس قالو لي تحملي والحين صررت بين السلمانية والامريكي بس ان شالله مايصير طارئ واضطر اروح حمد لان جريب .

ام رنيم حبيبتي خذتهم من امازون بالوردر وطلعت لي الحبة ب دينار و 300 مع الوزن الي دفعته ( اقل بشوي ) بس شفت وايييد تاجرات يبيعونه بس اغلى طبعا

شفته في روزيلا في شارع المطاعم في المحرق يم مكتبة الاقصى يكون وشفته بعد عند كذا وحده بس احسن سعر محل في جد علي بادور لج اسمه في الانستقرام وبحطه لج .

اتصلت حق ابن النفيس والتخصصي والامركي للاسعار .

ابن النفيس قالي الولاده ب 507 بدون الادوية والاكل قلت له تقريبا يعني قالي الاكل ب 5 دينار ( اتوقع قصده الوجبة ) وقالي الادوية في حدود ال 50 وسألته عن ابرة الظهر قال لي ب 125 دينار . والقيصريه ب 950 بدون الاكل والادوية . بس لازم تراجعون عندهم 4 مرات

الامريكي قالت لي اتصلي شهر واحد بس قلت لها ابي الحين جم تقريبا قالت لي تقريبا الطبيعي توصل 700 والابرة ب 130 .

التخصصي قالي اذا بكج حق يومين ب 660 بس لهم ليمت معين للادوية يعني اذا زدتي يبتدون ياخذون جارج عليها . وابرة الظهر تبتدي من 65 ههههههه استانست انا الا يقول وتوصل لي 190 هههههههههههههه يقول حسب احتياج الجسم

فديتكم نصيحة لحد يولد في مستشفى الملك حمد
وحدة من ربعي تقول بنت خالتي ولدت و ماخيطوها خلوها تنزف و دخلت غيبوبة
اخس مستشفى
رفيجتي ولدت هناك رحنا لها ثاني يوم الياهل وصخ وعي ماسبحوه
تقول انها يوم ولدته دشت مع ولدها الحمام غسلته
تخيلوا ولده توها والده تقوم تسبح ولدها


اما للخاص انصح بدكتورتين

اول وحدة سونداري ابن النفيس عن تحربة طبعا و ذكرت تجربتي في قصة ولادتي
عناية من ناحية الدكتورة و المستشفى و الممرضات

تقيمي لهم ١٠/١٠


او رويال البحرين عند الدكتورة سيتي


و الله يقومكم بالسلامة


بس بخصوص الوجبات في ابن النفيس المنيو مالهم بايخ
انا كنت اطلب من الكافتيريا تحت

يمي اكلهم لذيذ و الكروسون مالهم عذاب ههههههههه

اليوم رحت ابن النفيس اشوف الغرف

بصراحة الغرف نظيفة وايد ومرتبة وفيها مساحة حلوة وال 5 دينار مالت الوجبات ياخذونها مو ع الوجبة لا يكون في اليوم 5 دينار

في عندهم 3 انواع من الغرف شفت منهم البرايفت والسويت بس الديلوكس للاسف كانو فل .

حسيت مافي فرق وايد في الحجم بس السويت لون الجدار غير يلمع وحركات هههههههه

والاسعار هي :

نورمال ديلفري ليلتين
برايفت ووم 507
ديلوكس 553 دينار
سويت 610
واذا ليلة وحده
برايفت 450
ديلوكس 475
سويت 550

والقيصرية 4 ليالي
برايفت روم 933
ديلوكس 1017
سويت 1129

شامل في الباكج فحصات الام والطفل وفحص الدم وغيرها .

والي مو شامل هو الاكل 5 دينار في اليوم واذا طلبتي فحوصات زيادة مثل فحص القدة الدرقية .
واذا احتجتي ادوية بعد انتي تدفعينهم .


مخاوية الهم بسألج يصير اعلق شي ع الباب ؟ لان اليوم ماشفت حد حاط شي كلش

وجم مراجعات دكتورة سنداري

ام رنيم هذي حساب الي قلت لج عنها عندها توزيعات المانيكير

fiorella_favors

صباح الخير امهات :)

ام نوف بالنسبة حق غرفة الامريكي العادية ماقدر اوصف لج حجمها وايد لان صغيره عشان جذي انه باخذ الفي اي بي عباره عن ميلس وغرفة مفتوحين على بعض والمستشفى بشكل عام قديم بس قلت لج انه باولد فيه لانهم خبره سنين ابي اروح حق ناس فاهمه وعارفه مب توهم

ابن النفيس غرفهم ايننون رحت جم مره حق ناس والدين بس ماضمن دكاترتهم الصراحة

اقولكم امس رحت الرفاع رحت فن الذوق وايد حلوين مفارشهم وسعرهم معقول اقصد مفارش البيبي يعني المفرش فيه ب 20 وايد فخمين وفي ب 15 وفي المهاد مع القبعة ب 10 خذت لي واحد مع قبعة ومهاد ... ورحت رويال بيبي الحرامي مفرش خالي ب 48 قلت الصراحة مايسوى على جم شهر وبينقط عاد جان ابوق فكره منه ورحت خذت لي نفس الشي وردو وسوارفسكي وباودية محل يسون له مثله ورحت الخاجة في سوق محرق سويت لي مفرش وايد عجبني دانتيل بيج مزموم طبقتين مع مهاده ب 14 وبس

ام نوف
انا ولدت هناك وسعرهم للغرفة العادية يبدا من 690
وياخذون قيمة الادوية
وياخذون قيمة الدم سواء احتجتي او لاء يحطونه بالفاتورة سعره في التسعين بس اذا حاججتيهم يشيلونه
وياخذون قيمة الاتصال للسلمانية يسالونهم عن الدم اللي يناسبج اذا موجود عندهم او لا عشان لو اضطروا واحتجتين وماكان عندهم كفايه ياخذون من السلمانية وهذا قيمته 35 بس مايشيلونه
الادوية خذوا علي تقريبا 30
بالنهاية دفعنا 803 تقريبا اقل بجم فلس
بس كان من ضمنها انا الصالون خليتهم يحفوني واخذوا علي 5 دينار جارج انهم يجون لي الغرفة و3 لحفاف شنب وحواجب

غريبة ماعجبج شي في رويال بيبي ... شوشو

والحين شنو بسوين حق مفرش لج ؟