تجهيزات الولادة للبنات البحرين

mum to be

حبوبة هذا السرير اللي اقصده..


طبعا هذا شريته حق غرفة نومنا..وعندي واحد ثاني شريته من السعودية خشب وكبير يكفي البيبي الين 4 سنين..بس كبير شوي خليته في المقعد اللي مفتوح على غرفة نومنا...
حبيبتي الله يبلغج وتقر عينج بالبيبي...وابتدي جهزي اغراضه اذا دخلتي السادس خلاص..اخذي شوي شوي..قبل ماتثقلين...ةالبيبي ان شاء الله بتتعودين تشيلينه ،لاتخافين لان هذا ضناج غير عن كل البيبيات اللي شفتيهم فراح تخافين عليه وايد وانتي تشيلينه وبتحاسبين الف مرة قبل ماتعورينه:D
وعن الحليب الطبيعي احرص وايد لان قلبي وايد معورني يوم ولدي ترك صدري،على ذالك احاول اشفط له،صج مايشفط غير درجه او درجتين مومثل اول يوم كان يرضع،بس اقول لو نقطه بعطيه ومابيأس،،،لان ماتتخيلين مدى الحماية اللي يعطيه اياها،،،انا دارسة بيولوجي وعارفه المضادات اللي ياخذها البيبي من حليب امه،،،خاصة ان جهازه المناعي طور التكوين....
ادري في بعض الاشياء الواحد مايحبها،بس لودريتي ان هالشي في صالح هالكائن الصغير بتتغصبينها،،وحرام عليج موبس عشان البيبي،انتي تدرين ان الحليب وايد مفيد لج وحق عضامتج،خصوصا في الحمل،،،حاولي تشربينه او على الاقل تاكلين منتجاته،اكل الاوراق الخضراء،بالذات البقل والبربير،،هالاشياء تكثر الحليب وادره،،،




عَـلآايـّه
عفيه عليج:thumbs_up:,,,وحاولي تكثرين من صدرج لان كل ماكثر البيبي المص من صدرج يدر الحليب اكثر.....


shmoo3 alamal
حبوبة اطلبي العادي اللي الدرزن بددينارين ونص،وايد حلو ويتم يوم كامل مايتغير اذا حرارة المكان زينة،،ولازم توصين قبلها بيوم،مايصير في نفس اليوم،خصوصا اذا ولدتي في ايام الويكند عندهم زحمة عشان جذي اطلبي قبلها بيوم...
معجناتي حلوة سندويشاته بس ،بس المعجنات يعني...عندج امبرس حلو...
بس بصراحه انا ليلو وايد احبه:D


سميته غلاي

الله يقومك بالسلامه ويعطيك العافيه...وايد زين الوساده بين الريل،لانها تريح وفي نفس الوقت تخفف التشنجات والتنميل،،ونسيت اقولكم في تمرين زين حق تنميل شحمة الريل،تاخذون القدم مالت الريل وتوقفون عند طوفه،كأنكم بتوقفون على اطراف الاصابع،تعدون كم مرة طبعا فوق تحت فوق تحت،وبعد العكس كأنكم بتوقفون على نهاية القدم..وايد فادني هاي التمرين ايام الحمل...
والشنطة ياعمري جهزيها من اللحين،لاتنتظرين تدخلين الثامن،ماتدرين شنو يصير،من اليوم اخذي ثياب البيبي وغسليهم ونشفيهم،وبخريهم بياويه واكويهم وحطيهم في شنطته،وابتدي جهزي اغراضك،،في في تجهيزات الولادة وايد مواضيع بتفيدج حق مستلزماتك في المستشفى...

ابيك وماابيهم
شنو ذي الاختراع ابيه:woo:


تحياتي


F:
عيووووووون

عيوون


لا مو ذي
الي خذته نفسه بس من فوق مو قوس و شوي انزل منه (يشبة السرير الي حاطته رويال بيبي فالسايت مالها نفس القصة تقريبا)والخشب لين ولدت باخذ لان الي عندي اكبر من الي عندج بشوي فبيزي الياهل فتره لين حسيت بيصغر عليه تالي باخذ الثاني الي حق جمن سنه

اي انا وايد حريصه على الطبيعي اوردي اهوه بارز لا سخني ولا بردي ولا شي من الله كل شي فيه مضبوط و ام ريلي دايما كانت تقول لنا اشيا و اعجازات في الرضاعه الطبيعيه وايد اشيا تخليج تنبهرين و تقولين سبحان الله و غير كل ذي تسوي علاقه بينج و بين ولدج لانج ضامته و ماعطته حنان فشي حلو يعني


انا الحين جيكتلي الدكتورة الكالسيوم طبيعي لاني احب الجبن فاكل جبن وايد وصايرة احاول اكل اسكريم بالحليب او جليب زعفران و حليب كستر او ميلك شيك عشان الكالسيوم لان حليب عادي من صغيرة ماعودت روحي و كلش مب قارده وقررت اعود عيالي كلهم من اهمه صغار يشربون الحليب على طول

ما شا الله ريلي امه معلمتهم كلهم يشربون حليب دايما وكلهم ما شا الله عليهم يحبون الحليب لدرجة اي وقت اسأله شنو تشرب يقول اذا في حليب طبعا حليب اذا مافي ماي اذا مافي اي شي غير حتى لو ويا الغدا


لازم اعلم عيالي هلون لان احنا بيتنا صج الحمد لله ماتعلمنا على المشروبات الغازيه وكلش ما يعجبني طعمها و هاي شي وايد زين لكن نفس الوقت الماي و الحليب كلش ما نشربهم الا نادرا كله عصاير نعامل العصير فبيتنا مثل الماي بالعشرين لتر لازم فيه و الماي يتم فالكولر شهر و محد يشربه XD

بس الخضروات الورقيه لتوصييييييييييين حدج لتوصين انا اصلا مب عايشه الا عليهم ههههههههه لو شنو مرض يطلعونه فيهم مابفتكر و باكلهم لان انا اكلي كله خضروات و فواكه و عشقي السلطات و الفواكه يعني بيتنا ما يخلى من الفواكه و ما شا الله نفس اليوم الي ايبونهم يخلصون :P


ياربي تعدي الشهور و تقر عيني بالبيبي :)


بس اني انطر لين اوصل السادس احس شي مستحيل ههههههههههه انا توني بداية الرابع و لو الود ودي جان مخلصه كل التجهيزات من زمان

لولا انه امي حدها ميودتني انه ماشتري قبل السيل لان خلال هالشهر او الي عقبه اكيد بيصير سيل فكل مكان فحرام اشتري قبل و انا تو الناس علي جان انا من زمان مخلصه كل اغراضي و اغراض البيبي من الحماس ههههههههههههههههه



اقول لها متى بعد يلا صار عندي دبه لازم اشتري اغراض حق ولدي معنه دبتي حد حد حدها نتفه جنها دبة اكل مو دبة حمال اقول لهم لو ولدت الحين شالبس ولدي يضحكون علي و يزفوني يقولون مستحيل احد يولد فالرابع شفيج صبري مابتطير الاغراض خو تو الناس عليج

معن هاول ايام الحمل كنت مادري من النساه كله قلبي معورني اني حملت والكل استغرب وايد وااايد لاني اموت فاليهال وماكنت ناوية ااخر الحمل !! كله كنت اقول انا ليحين عروس بس من خلصت نساتي صار العكس تماما جني صرت وحده ثانيه فقالوا معناته من النساه كنت اقول جذي .. وبروحي لين كنت اقول اقول فقلبي انا ليش قاعده اقول جذي حلو انه يصير عندي ياهل ولدي بروحي اربيه ليش قاعده اقول هالخرابيط ههههههههههه والله كنت اضحك كله اقول لهم ماصدق انه فبطني ياهل يمكن الالترساوند فديو مسجل و قاعدين تقصون علي بس يوم بدى الياهل يكبر شوي صرت اجوف انسان فبطني صدقت اقول لهم وي طلع صج انسان ايه عليه اينن حتى الدكتوره تضحك علي تقول اخيرا صدقتي :P :lol:

مام تو بي..

انا عندي نفس السرير بس في بيت ابوي...ماادري ماارتحت عليه لانه نازل وايد،يتعبني اذا صاح البيبي في الليل،لكن حاولت احط فراش عشان ارفعه،خصوصا اني مااخذة ابرة في الظهر حق القيصيرية ووايد تألمني اذا انعويت...

وايه عليج...توج في البداية...تدرين متى بتحسين فيه,,,,اذا صرتي في السابع والثامن وجفتيه يرفس في بطنج:lol:

حده احساس رهيب....

الله يقر عينج فيه...


تحياتي

F:
عيوووون

سميته غلااااي
تستحين من شنو يالغاليه:D
دامج حملتي وبتولدين لاتستحين من شيء:lol:لان الولادة بروحها ماتخليج تستحين من شي:lol: اخرعكم هههههههههههههه...
لاحبوبة عادي..بالعكس اشفطي عادي،وروحي الشغل وانتي مرتاحة البال..
والله يسر امورج يارب...


تحياتي

F:
عيووووون

هههههههههههههههه تقريبا ترى لانج بتكونين سبيل :-#
وايه عليج,,,بالعكس الا رضعي طبيعي ..واتخذي الاجر عند ربج...وقوي علاقتك بالبيبي..وتذكري هالنتفه هذي حشاشة قلبك وتحبين قد ماتقدرين انج تفيدينه..وماعليج منهم اذا هم رضعوا صناعي...متغربلين مع الياهل لان مناعته ناقصه مومثل اللي ترضع طبيعي...
اما سالفة العروس هذي بلوى:badly: انا كان عرس حماتي المفروض عقب ولادتي بشهر بس صلاح اجلته لي عقب 4 شهور:D...
انتي اذا طبيعي...حاولي بعد اسبوع من الولادة تمشين شوي مو بسرعه ولا على السلم،عشان ماينزل الرحم..

تحياتي

F:
عيوووون