بواسير الحمل = منو مرت بهالحاله ؟!!! ترد علي ضروري :(

هاذي بواسير حبيبتي ولازم تروحين لدكتورتك حتى لو كانت متخصصه نسااا او تقدرين تروحين لطبيب عام وهو بيحولك لطبيب الجراحة والباطنية عشان يقيس كمية البواسير و كبرها ومنها يحدد العلاج لأن اذا كااانت بشكل كبير جداا فلازم يسوون لك عملية بسيطة جداااا وهي عبارة عن خنق هاذي البواسير حتى ماتكبر وتأذيك أكثر وتنزف لا سمح الله ,, بس اذاا كان الشي مستحمل وتحسين انه تقدرين تواصلين به لبعد الولادة فلك الخيار بس بالنسبة لي اذا كانت البواسير واصلة لهادرجة يفضل انك تروحين تتعالجين عنها ..

يزااج الله خير حبيبتي لانج عبرتيني و رديتي علي

و باجر بأذن الله بروح لهم و بشووف خفت زياده بصراحه :(

لاتخافين ان شاء الله مافي الا كل خيررر وهالشي مابياذي البيبي لاتخافين بس مجرد لراحتك انتي خصوصي انك بتكوني بفترة نفاس فتحتاجي راحة وكافي الخياط عليك ومو شرط تصير لك عملية وفي احتمال كبير يغطووك كرييم يخفف هالشي بدرجة كبيررررة ,,, و سلامااات ولاتنسييين تخبرييينه عنك

اجلسي على ثلجة كبيرة كل يوم وفي اليوم عشرات المرات لا ترتاحي أبدا لمدة أسبوع حتشوفي كيف حيصغر البواسير وبعدين حينفعك المرهم وإن شاء الله تشفين وابتعدي عن أكل لحم الغنم والبقر هذه المدة

مشكورين حبيباتي ع ردودكم الطيبه

انا رحت اليوم عند الدكتوره و قالت لي بواسير

و عطتني كريم قالت استعمله مرتين باليوم لمدة اسبوع و تحاميل بعد نفس الطريقه

قالت لي بيخففه 90% و الباجي عقب الولاده

انا غلطانه لاني رحت متأخر و موعد ولادتي مابقى عليه الا كم يوم :(

يالله ، الحمدالله ع كل حال

يزاكم الله خير فديتكم

الغالية أنا في انصاب بالبواسير في كل حملاتي
والحين حامل وبعد رجعت لي البواسير
أحسن علاج لها مرهم وتحاميل نيو هيلار
ولا تنسين تدعيلي