صرت بنص الرابع وماكو حركة

السلام عليكم ورحمه الله وبركاته

انا توني داخله الخامس وللحين مافي حركه والحمد لله كل شي طبيعي والبيبي بخير اتي روحي عياده خاصه يسون لج تلفزيون ولاتحاتين حبيببتي

عادي حبيبتي انا بعد في بنتي تحركت بداية الرابع والحمل نص الخامس تحر البيبي

حبيبتي
اناا مآحس بالحركه الا في بداية الخآمس مثل الغزات

طبيييعي حبيبتي لانه اول شي يعتمد على جسم الوحده وثانيا على الرحم فبعض النسوان رحمهم مثل مايقولون رقييق وجلدتهم رقيقه بالتالي بسررررعه يحسوون وبعد مو شررط هالشي ..

انا كنت بكرية وكنت احس بحركة البيبي مثل الفراشة اوو شي يفرفرر ببطني وحركة ورفسات بسيطة من الاسبوع العاشر تقريباا حتى الدكتورة كانت تقولي مو معقوول تحسيين كلللشي ولما سوت لي السوناار فعلاا شافت النونو يرااافس ...

اما اختي ففي حملها الثاني ماحست بحركة البيبي الاا بنص الخااامس في حين ان في حملها الاووول حست من بداياات الرابع ! ,, فمثل ماقلت لك يعتمد واهم شي مثل ماقالوا الخواات سووي لك سونااار وان شاء الله تتطمنين على حركة البيبي .. وان شاااء الله تشوفييين النووونووو وتفرحييين بقدددومه سالم غانم سوواء ذكر او انثى ,,

لا تخافين حبيبتي اني كل ما اسوي سونار يقولون طبيعي اني احس بنبضه بس ما حسيت انه ايرفس ويتحرك الا بداية السادس وكلشي طبيعي فلا تخافين يختلف من وحده الى اخرى وربي يتمم لج بخير

حبيبتى انا باول الخامس واحس بحركة خفيفة جدا جدا كانك لمستى جلدك باظفارك

موشر ط الرابع ممكن في الخامس الله يقومكم بالسلامه ياكروشات

أنا حسيت بالحركة في آخر الخامس