مساعده ياعرايس - منتديات عروس

ر

روحي عزيزه

عروس مشاركة

09-03-2012 | 12:17 AM

بنات الله يعطيكم العافيه ادري طفشتكم بأسئلتي بس مالي الا الله ثم انتم لاني اول وحده تتزوج وماعندي خوات اكبر مني وماعندي خبره حبيت تدلوني على محلات خاصه في السنتيان اللي مقاساتها تكون كبيره واسعارها حلووه في الرياض:'( والله محتاسه
حتى القمصان مااخذت للحين حمدلله كل شي خلصت الا ذي الاشياء:confused: ساعدووووووووني

ت

تمرانا

عروس متألقة

09-03-2012 | 12:46 AM

:

شوفي نعومي فيها مقاسات حلوة لكن مدري اذا تناسبش اسعارهم

اخذت اثنين ب 130 كان عليهم عرض

موفقة وان شاء الله يفيدوش البنات اكثر

ص

صيته الحربي

عروس نشيطة

12-03-2012 | 05:07 AM

هلا وغلا ماشاء الله تبارك الرحمن
وانا برضو الكبيره موعارف راسي من رجليني الله يعين كلام اختي الفاضله صحيح نعومي وعندك المشاط برضوا روحي شوفي وهاي النوعيات غاليه بس تعيش معاك وقت اطول ياقلبي
.....................................................................................
طيب انا بأستشيرك انا ملكتي في شوال ان شاء الله وزواجي بعد عيد الحج بحول الله وقوته
برأيك 1/متى ابدأ اجهز ؟
2/ياليت تفيديني كيف اجهز نفسي؟
3/اكتبيلي تجاربك فالتجهيز ؟
انا عارفه اني زودنها بس مالي الا الله ثم اخواتي بهالمنتدى الله لايحرمني وجودكم؟

T

TOooOMA

عروس مشرقة

12-03-2012 | 07:31 AM

يا اخت صيته ابدي جهزي بعد عيد الفطر على طول
وجيبي ورقه وقلم واكتبي اللي تحتاجينه وامشي عليها با الحرف علشان لا تتعبين وتلخبطين
يعني حطي ميزانيه معينه تقريبيه للميك اب وميزانيه ملابس النوم
وميزانيه لملابس الخرجات
ولا تصيري زيي وتنسي اشيا بسيطه زي المشط والشامبو وجل الاستحمام ومزيل العرق
حطيهم في شنطه لوحدهم علشان ما تنسينها ابد ليوم الزواج
وكل ماكنتي منضمه في الشراء ماراح تتعبين انشالله
وبعدين المساله متعه مو تعب راح تنبسطين
والله يتمملك على خير

ر

روحي عزيزه

عروس مشاركة

13-03-2012 | 12:48 AM

صيته الحربي;16002819:
هلا وغلا ماشاء الله تبارك الرحمن
وانا برضو الكبيره موعارف راسي من رجليني الله يعين كلام اختي الفاضله صحيح نعومي وعندك المشاط برضوا روحي شوفي وهاي النوعيات غاليه بس تعيش معاك وقت اطول ياقلبي
.....................................................................................
طيب انا بأستشيرك انا ملكتي في شوال ان شاء الله وزواجي بعد عيد الحج بحول الله وقوته
برأيك 1/متى ابدأ اجهز ؟
2/ياليت تفيديني كيف اجهز نفسي؟
3/اكتبيلي تجاربك فالتجهيز ؟
انا عارفه اني زودنها بس مالي الا الله ثم اخواتي بهالمنتدى الله لايحرمني وجودكم؟

هلا وغلا ربي يتمم لنا على خير يارب ويوفق الجميع

اول مايعطيك المهر ابدي جهزي وكل شي سجليه في ورقه بالتفصيل

صراحه انا كنت محتاسه بس حمدلله قريت كثير في النت خاصه منتدى عروس عن التجهيز
وصديقاتي بعد ساعدوني شوي

نصيحه لك اذا اخذتي المهر تصدقي منه عشان ربي يبارك لك فيه وادعي في صلاتك ان ربي يبارك لك مهرك ويوفقك ويسخرلك زوجك

تجاربي صراحه في البدايه تعبت لاني لحالي افكر لكن حمدلله ربك يسهل وامي ربي يطول بعمرها معي في طلعاتي للسوق ..
قسمي مهرك ولاتبذرينه في الماركات اوكي وانتي براحتك وطبعك
اول شي قرري شتبين من الذهب وروحي مع امك او احد له ذوق في الذهب واخذي ولاتكثرين
بعدين العطور اخذي 3وتوله دهن عود كمبودي وشوي اكسسورارت وساعتين وحده ذهبيه مع الذهب والثانيه خليها عمليه واذا زودتي وحده عادي
الملابس لاتكثرين لانك بتشترين معه اكيد بعد العرس اخذي 3فساتين خليها كشخه وذوق مع فستان الصباحيه والتنانير وبلايز وبناطيل وبجايم طويله وقصيره وبرمودات انتي وذوقك عاد ونفسه لاتكثرين وقمصان النوم انا قررت اخليها 8وبعد كذا اخذ وهو معي وخذي بجايم حرير
والمكياج شوفي اللي يناسبك وابحثي في المنتدى صراحه خبره وتجربه دريب ويب فادتني كثير موجوده في الرابط هذا
http://forums.3roos.com/showthread.php?t=579172

صراحه استفدت كثير من المنتدى الرائع هذا اتمنى انك تستفيدين اذا احتجتي شي ارسليلي ولايردك شي والبنات بعد ماراح يقصرون كلنا خوات ربي يوفقك ويوفق الجميع

~

~RAGHDA~

عروس مشاركة

21-03-2012 | 12:11 AM

الملابس الداخلية الكبيرة هاذي نفس مشكلتي بس الحمدلله

روحي نعومي و لاسينزا