شات حوامل مصر لشهر ربيع تاني

والله يا بنتى اى حاجة هتقابلك بعد كدة فى تربية الاطفال مؤرفة و مرهقة سبحان الله و هتلاقى بقى مامتك و حماتك يقولولك لا و انتى لبنك قل عشان كدة و الكلام اللى مش بحب اسمعه و ماما كانت تقولللى انتى مفترية انا طول عمرنا العيل لما يعوز يرضع يرضع

رحت قلت للدكتور قالللى قوليلهم اللى صعبانة عليه البنت يييجى هو يرضعها و الا تبقى بتنتحرى بالبطئ

مانا بسمع والله الكلام ده بس من حماتي انا امي صيدلانيه ولما فهمتها كلام الدكتور فهمت واقتنعت ان ده لمصلحتها هي كمان عشان تاكل كويس وتهضم اللي كلته بعدين تاكل تاني مش تحط اكل علي اكل ويخمر وبطنها تبوظ اكتر وان مينفعش الجهاز الهضمي يفضل 24 ساعه شغال لازم 6 ساعات يريح فيهم
بس حملتي مش عاوزة تفهم كل ماتشوف البنت بتعيط لأي سبب كان والله ممكن تكون بتعيط وخلاص زهقانه وانا بنتي زنانه اصلا تقولي دي جعانه ياستي مش جعانه لسه مرضعاها تقولي لأ بصي جعانه اهي والله اخر مرة من يومين كنت طهقت قلتلها جعانه ايوة وانا ام مفتريه بقا وبجوع بنتي سكتت وشوية مفيش 10 دقايق قاليتلي جعانه قلتلها خدي رضعيها انتي
بجد بتزهقني اوي من كتر الكلام ومبتحاولش تفهم مهما حاولنا نفهمها يعني ان ده لمصلحتها هي كمان برضو مالهاش دعوة

بس ياهدي انا لبني قل مش من موضوع التنظيم ده انا نظمتلها من وهي اسبوعين تقريبا وبقت بترضع رضعه كويسة كل ساعتين وتشبع وكل يوم مرة كده ولا حاجه تستهبل قبل الساعتين وتعيط بس مكنتش بديها غير بعد الساعتين بعدها ب10 ايام تقريبا مش عارفه والله ايه اللي حصل بقت تقعد ترضع ساعه ويادوبك ينزلها لبن اول 5 دقايق بس اسمعها تبلع بعد كده تمص ومفيش حاجه اطلع صدري واحاول اعصر كده ملاقيش حاجه فعلا غير نقط وبالعاااااافيه وقعدت احاول 3 ايام وفي الاخر بقيت ارضعها لحد ماصدري يفضي بعدين اكمله بالببرونة بتبقي تقريبا ربع او نص رضعه صناعي هي ورزقها بقا وساعات مش تحتاج وتشبع من صدري

انتى مجربتيش تاخدى هيربانا او لاكتو ماكس ....؟؟؟

انا لما لبنى قل الدكتور قاللى الللبن بيعتمد على 3 حاجات المية و الخضرا زى الخس و الجرجير و البقدونس و كدة و الراحة النفسية و الجسدية و دى اهم عامل

انا ابنى فاتح بؤه 24 ساعه والله كل اللى يشوفه يقول ده جعان ده غير انه بيرجع على طول
تقريبا علشان بياخد لبن على لبن بس انا هحاول اظبطله الرضاعه

ربنا معاكى و يقويكى يا مى ... بس اهم حاجة متضعفيييييييييييييش و تستحملى الزن شوية و تسدى ودنك لمامتك و حماتك

والله يابنتي كنت باخد الهيربانا بالقرصين في المرة الواحده يعني كنت باخد 6 اقراص في اليوم وبشرب سيكم بتاع ادرار اللبن وانا اصلا طبيعتي بشرب ميه كتيييييييير جدا ومعرفش ليه قل والله بس انا فعلا مرهقه اوي ومش بعرف انام كويس

الدكتور قالللى على موضوع الارخاق ده ان الجاموسة اللى بتدر اللبن و بيحلبوها مش بيشغلوها فى الارض عشان تجيب لبن كويس

قلتله دى الجاموسة مش احنا يا دكتور

هههههههههههههههههه
بالظبط كده :D

انتي عارفه حماتي لما عرفت اني دخلت صناعي قالتلي لبنك قليل طب ماتاكلي برسيم
علي اساس اني الجاموسة :lol:
رغم انها هي كانت مرضعه ولادها الاتنين صناعي :D

أجمل ايام العمر;16088869:
نهى @ منورانا يا مززززززززة ما شاء الله تبارك الله اروى بقى عندها سنة الايام بتجرى بسرعة والله

منور بيكم ياقلبي
اه شوفتى الايام بتجري وانتى ماشاء الله خلاص قربتى اهو انا لسه فكراكى كأنك امبارح وانتى بتقولى انك حامل ماشاء الله ربنا يقومك بالسلامه يارب انتى وكل البنات الحواملF:

هبة
انا حماتى زيك بالظبط
طول النهار تحط ايدها عند بؤه ولو فتح بؤه تقولى ده جعان حرام عليكى خدى رضعيه
هههههههه مشكلة والله



ميويا
انا بردو ابنى بيرجع على طووووووووول
ومتبهدلة غسيل طول النهاردة هدومى وهدومه وملايات السرير وفوط القشط
عاااااااااا



سلمى
حمد الله ع السلاااااااااااااااامة
انا طاهرت احمد تقريبا بعد 3 اسابيع





بنات
اخدتو وسيلة او ركبتو لووب
انا جاتلى البيريود اليوم ال 41
ومش عاوزة اخد وسيلة وجوزى عاوز
اعمل اييييييييه ؟؟

ولو هركب لوب هو مفروض والبيريود موجودة ولا لما تخلص ؟

هدى
ههههههههههه حلوة اوى البرا الهدية دى
سبحان الله


تنظيم الرضاعة ده صعب اوووى
انا خلاص هتجنن والله الاول كنت منظمهاها عن كده
وفعلا كنت برضع كل ساعة ونص او ساعتين

لكن دلوقتى مش بقدر عليه خاالص بيعيط بطريقة صعبة اوى ومش بيسكت ابداا
وباباه يفضل يقولى خلاص بقى رضعيه

انا زعلانة اووووووووى :(

ده كمان ممكن يبقى شبعان ولسة واكل ويقعد نص ساعة وبعدها يبقى عاوز ينام
ما ينامش ابدا الا لما يرضعله شوية
وطول النهار قشط وترجيع وغسيييل وبهدلة :(

عليا ربنا يخليلك احمد و يباركلك فيه يارب

و هو بعيط بصرييييييييخ و بيزود الجرعة عشان عارف انك مش بتتحملى الصرريييخ و فى الاخر هتستسلمى و تعملللى اللى هو عايزه

و قيسى بقى على كدة كلللللللللللللللل حاجة هو عرف اخرك خلاص

و عايز يعمل صدرك تيتينة و ده غلط عشانه قبل ما يكون عشانك و معدته كدة مش هتلحق ترتاح ... انتى كدة بتضرييييييييه

بالنسبة للوسيلة انا بين بيلللا و الحمل ده كنت بستخدم وسيلة العزل ( القذف الخارجى ) و كانت مريحانى الحمد لله و لا هرمونات ولا قرف لانى الللوب مش ينفع معايا عشان عندى ورم ليفى فى الرحم

ربنا يخليكى يا هدى ويقومك بالسلامة ويبارك لك فى بيللا العسل :)


انا والله زعلانة من نفسى :(
احمد بينام طول النهار كويس والليل يعنى بيصحى كل ساعتين يرضع
واحيانا يفضل صاحى ساعة او ساعتين

لكن بيصحى بقى من بعد الفجر الساعة 5 او 6
يفضل صااحى لحد الساعة 11 الصبح والنهاردة 11 ونص
وطول الوقت ده بيبقى رخم جداااااااااااااااا
زن وعياط ورضاعة وترجيع
بجد مش عارفة اعمله ايه ؟؟



بالنسبة للقذف الخارجى ده جوزى مش مقتنع به
مع انى شايفة انه اضمن حاجة
بس هو خايف يحصل حمل قبل سنتين عشان احمد يرضع السنتين

طيب اعمل ايه لما يعيط جامد اووى كده
بحس ان صوته هيروح
ويكون واكل ومغير وعاوز ينام ومش بينام ؟؟

وكمان لما اجى ارضعه يعيط بردو لانه اصلا مش جعان
:(

ماهو اللى كان هيريحك قوووووووووووووووووووى فى الموضوع ده التيتينة ... و انا قلتلك من الاول التيتينة مفيدة جدا فى تنظيم الرضاعة و بتلهى العيال عن انهم يعملوا صدرنا تيتينة

المهم ميهمكيش منه مهماااااااااااااااااااا صررررررررررررررررررررررررخ لانك اهو بتقولللى بنفسك مش بيبقى جعان و صوته مش هيروح و لا حاجة جمدى قلبببببببك ... مهما صررررررررخ مش هيكون زى بيلللا كانت بتقطع النفس و تزرق و لا كنت بعبرها الدكتور قالللى مش هيجرالها حاجة من العياط و فعلا اهى قردة و الحمد لله مش طالعة عيوطة .... حتى لو زنت شوية على حاجة عارفة انى لااااااااااااااااااا يمكن هستسلم للزن مهما عمللللللللللللللللت

بالنسبة بقى للقذف الخارجى ... انا جوزى اللى اختارها ... و زيها زى اى وسيلة مش امان 100% مفيش وسيلة لمنع الحمل امان 100%

هى بس الفيصل فى الوسيلة دى بالذاااااااااااااااات عشان تحصلى على نسبة امان عالية هى تحكم الزوج فى الموضوع ... غير كدة امان ان شاء الله انا استخدمتها سنة و 8 شهور و لما بطلتها متاخرتش الحمد لله ما شاء الله فى الحمل

بس المرة دى بما اناى ناوية باذن الله امنع الحمل فترة طويييييييييييييييييييييلة ممكن 4 او 5 سنين فمش عارفة الوضع هيكون ايه ....؟؟

لسه متكلمتش مع جوزى بس الدكتور قاللى فى لوب جديد طالع هرمونى للى عندهم ورم ليفى هو غالى شوية بالف و حاجة بس مضمون و بفكر جديا اجربه والله المستعان

ميويا الف حمد لله علي سلامتك ربنا يباركلك فادم

شكلي انا كمان هسمي ادم

سلمي انا طاهرت ابني لما بقى 40 يوم , والحمد لله هما 3 ايام وبقى كويس